നിമ്മ നിമ്മ് അപ്പാന് സെയിത്താന് എന്റവാന് പ്‌ള്ളഗാള്‌ത്തെ. അദ്‌നാലെ അയാള് ആസെപഡുവ കാര്യഗാള്‌നത്തെ നിമ്മ ഗേന്റ്‌റ്. അയാള് മുദാലിന്തെ കൊലെ ഗേന്തവാന്‌മ് സത്ത്യാക്ക് എ്ണേഗത്തവാന്‌മ്‌ത്തെ ആയിന്താന്. എന്ത്‌ക്കെന്റ് സൊന്ന, അയാളോഡ സത്ത്യ ഇല്ലെ. അയാള് പൊയി സൊല്ലുഗാട്ടി തനാക്കിര്‌ക്കുവ പൊയി സൊല്ലുവ പളാക്കാത്ത്‌ലിന്ത് സൊന്റാന്. എന്ത്‌ക്കെന്റ് സൊന്ന അയാള് പൊയി സൊന്റവാന്‌മ് എല്ലാ പൊയിഗാള്‌മ് അയാള്‌ലിന്ത്‌മ്‌ത്തെ ബരുവാദ്.
ബെ്ളിപട്ട കാര്യ 12:4 - സാമി സേദി4 അയി പാമ്പ് തന്ന് ബാല്‌ല് ബാന്‌ല ബെ്ള്ളിഗാള്‌ല് മൂറുലു ഒന്റു ബാഗന ഒഡുക്കി എ്ഡ്‌ത്ത് ബൂമിക്ക് എ്റിന്ത്‌ദ്. അയി പെ്ണ്ണ്‌പ്‌ളെ പ്‌ള്ളെ്ഡ്‌ക്കുവ ഗളിഗേല് താനെ പ്‌ള്ളെന നുങ്ക്യ ബേ്ണ്ടി അയി പാമ്പ് അവാള് മുന്നുക്കു നിന്റിന്ത്‌ദ്. အခန်းကိုကြည့်ပါ။ |
ബെ്ളിപട്ട കാര്യ 12:4
22 ပူးပေါင်းရင်းမြစ်များ
നാലാവാദ് ദൂദാന് കൊമ്പൂദുഗാട്ടി മൂറുലു ഒന്റു ബാഗ നേരനാമ് നിലാവുനാമ് ബെ്ള്ളിഗാള്‌നാമ് അദ് കേ്ഡ് ബര്‌സ്സ്‌റ്റ്. അദ്‌നാലെ അദ്‌ഗാള്‌ക്ക് ഇര്‌ക്കുവ ബെ്ള്‌സാത്ത്‌ല് മൂറുലു ഒന്റു ബാഗ ഇ്റ്‌ട്ടാറ്റ്. അദേപാസെ പഗാല് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ജാമാക്ക് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ഇല്ലാദാറ്റ്.
ကြော်ငြာတွေ