ബെ്ളിപട്ട കാര്യ 12:3 - സാമി സേദി

³ മേലോഗാത്ത്‌ല് ബേ്റൊന്റു അഡ്യാള ഗുഡി കാട്ട്‌റ്റ്. ഏ്ള് തലേമ് പത്ത് കൊമ്പുമു ഇര്‌ക്കുവ തീന പാസെ സോരെസോര്യ ഇര്‌ക്കുവ ദൊഡ്ഡ ഒന്റു പാമ്പ്. ഒന്റൊന്റു തലേല് ഒന്റൊന്റു ഗിര്യാഡാമ് ഇന്ത്‌ദ്.

ബെ്ളിപട്ട കാര്യ 12:3 ပူးပေါင်းရင်းမြစ်များ

ബെ്ളിപട്ട കാര്യ 12:1

മേലോഗാത്ത്‌ല് ദൊഡ്ഡൊന്റു അദിസ്യമാന അഡ്യാള കാട്ട്‌റ്റ്. നേരന ഉഡുപ്പു മാഡി ഇക്കിമ് നിലാവുന കാല്‌കഡിമ് ബെത്ത്‌റ്‌ക്കുവ ഒന്റു പെ്ണ്ണ്‌പ്‌ളെ പന്നന്റ് ബെ്ള്ളിഗാള്‌ന തലേക്ക് ഗിര്യാഡായി ബെത്തിന്ത.

ബെ്ളിപട്ട കാര്യ 12:13

തനാന ബൂമിക്ക് ഉന്തി ബീ്ക്ക്‌നാര് എന്റ് തെരിന്ത അയി ദൊഡ്ഡ പാമ്പ് ഗണ്ട് മഗാന സീവാന്‌മിഞ്ച്‌നവാള്‌ന കൊഡിമെപഡിസ്യ പ്‌ഡിത്ത്‌ദ്.

ബെ്ളിപട്ട കാര്യ 12:17

അദുക്കുള പാമ്പ്‌ക്ക് അവാളോഡ നല്ല മൊനെ ബന്ത്‌ദ്. സാമി സട്ടാന കേ്ട്ട് നഡാക്ക്‌ന്റവാര്‌മ് ഏസ്സ്‌ന പറ്റി സൊല്ലി നഡാക്ക്‌ന്റവാര്‌മ് ആന അവാള് കാല്‌കെ്ളേല് മിച്ച ഇര്‌ക്ക്‌ന്റവാരോഡ ജുദ്ദ ഗേയ ദൊഡ്ഡ പാമ്പ് പോറ്റു.

ബെ്ളിപട്ട കാര്യ 12:4

അയി പാമ്പ് തന്ന് ബാല്‌ല് ബാന്‌ല ബെ്ള്ളിഗാള്‌ല് മൂറുലു ഒന്റു ബാഗന ഒഡുക്കി എ്ഡ്‌ത്ത് ബൂമിക്ക് എ്റിന്ത്‌ദ്. അയി പെ്ണ്ണ്‌പ്‌ളെ പ്‌ള്ളെ്ഡ്‌ക്കുവ ഗളിഗേല് താനെ പ്‌ള്ളെന നുങ്ക്യ ബേ്ണ്ടി അയി പാമ്പ് അവാള് മുന്നുക്കു നിന്റിന്ത്‌ദ്.

ബെ്ളിപട്ട കാര്യ 12:7

പ്‌റ മേലോഗാത്ത്‌ല് ജുദ്ദ ഉണ്ടാറ്റ്. മിഗായേല്‌മ് അയാള് ദൂദനാമ്‌മ് ദൊഡ്ഡ പാമ്പോഡ ജുദ്ദ ഗേന്താര്. ദൊഡ്ഡ പാമ്പ് തന്ന് ദൂദനാമോഡൊപ്പ അവാരോഡ ജുദ്ദ ഗേന്താന്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 13:1

പ്‌റ കഡാല്‌ലിന്ത് ഒന്റു ബേ്ണ്ട് ഏ്റി ബരുവാദ്‌ന നാന് കണ്ടേന്. അദ്‌ക്ക് പത്ത് കൊമ്പുഗാള്‌മ്, ഏ്ള് തലെഗാള്‌മ്, ഒന്റൊന്റു കൊമ്പുഗാള്‌ല് ഒന്റൊന്റു ഗിര്യാഡാമ്, തലെഗാള്‌ല് സാമിന മാനഗെ്ഡ്‌സുവ ഒന്റൊന്റു പേര്‌ഗാള്‌മ് ഇന്ത്‌ദ്.

ബെ്ളിപട്ട കാര്യ 13:2

നാന് കണ്ട അയി ബേ്ണ്ട് പുലിന പാസേമ്, അയി ബേ്ണ്ട് കാല്‌ഗാള് കറാഡി കാല്‌ന പാസേമ്, ബായി സിങ്ക ബായിന പാസേമ് ഇന്ത്‌ദ്. ദൊഡ്ഡ പാമ്പ് തന്ന് സക്‌തിനാമ്, തന്ന് കുറിഞ്ചിനാമ്, തനാക്ക് ഇര്‌ക്കുവ മ്‌ഗ്‌ന്ത അദിഗരനാമ് അയി ബേ്ണ്ട്‌ക്ക് കൊഡുത്തുദു.

ബെ്ളിപട്ട കാര്യ 13:4

ദൊഡ്ഡ പാമ്പ് തന്ന് അദിഗരാന ബേ്ണ്ട്‌ക്ക് കൊഡുത്തിന്താദ്‌നാലെ അയി മന്‌സാര് ഒട്ടുക്കു പാമ്പ്‌ന കുമ്മുഡുനാര്. <<ഈ ബേ്ണ്ട്‌ന പാസെ ആര് ഇര്‌ക്ക്‌ന്റാര്? അയി ബേ്ണ്ടോഡ ജുദ്ദ ഗേയ ആര്‌ക്ക് മുഡിമ്?>> എന്റ് സൊല്ലി അവാര് അയി ബേ്ണ്ട്‌നാമ് കുമ്മുഡുനാര്.

ബെ്ളിപട്ട കാര്യ 15:1

നാന് മേലോഗാത്ത്‌ല് ദൊഡ്ഡാദ്‌മ് അദിസ്യപഡുവാദ്‌മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്‌ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്‌ക്കെന്റ് സൊന്ന അദോഡ സാമി മൊനെ തീന്ത്‌ദ്.

ബെ്ളിപട്ട കാര്യ 16:13

അദുക്കുള ദൊഡ്ഡ പാമ്പ് ബായിലിന്ത്‌മ്, ബേ്ണ്ട് ബായിലിന്ത്‌മ്, സാമി സൊന്റാന് എന്റ് ഉറുട്ടു സൊല്ലുവ സാമിദാസ് ബായിലിന്ത്‌മ് കപ്പെഗാള്‌ന പാസെ മൂറു കെ്ട്ടജാദിഗാള് ബെ്ളിഗെ ബരുവാദ്‌ന നാന് കണ്ടെ.

ബെ്ളിപട്ട കാര്യ 17:12

നീ കണ്ട പത്ത് കൊമ്പുഗാള് പത്ത് രാജാവുഗാള്‌ത്തെ. അവാര് ഇന്നിമ് ആള്യ പ്‌ഡിക്കാലെ. എന്റാല്‌മ് ബേ്ണ്ടോഡൊപ്പ ഒന്റു മണിക്കൂറു നേര രാജാവുഗാളായി ആള്യ അദിഗര കെ്ഡേക്ക്യ ഉള്ളവാര്‌ത്തെ അവാര്.

ബെ്ളിപട്ട കാര്യ 17:16

നീ കണ്ട പത്ത് കൊമ്പുഗാള്‌മ് ബേ്ണ്ട്‌മ് ബേസിന തൊറേന്ത് തള്ളുവാര്. അവാര് അവാള്‌ക്ക് ഇര്‌ക്കുവാദ്‌ന ഒട്ടുക്കു എ്ഡ്‌ത്ത് തള്ളി അവാള്‌ന ബെ്റ്‌ദെകറി മാഡുവാര്. അത്തെ അവാള് കറി സദേന അവാര് തിന്നുവാര്, അവാള്‌ന തീയിക്ക് ഇക്കി സുട്ടുമു തള്ളുവാര്.

ബെ്ളിപട്ട കാര്യ 17:7

അദുക്കുള ദൂദാന് എനാക്ക്: <<നീ എന്ത്‌ക്ക് അന്തബ്‌ട്ട്‌റ്‌ക്കുവാദ്? ഈ പെ്ണ്ണ്‌പ്‌ളെന പറ്റിമ് ഏ്ള് തലേമ് പത്ത് കൊമ്പുമു ഇന്ത് അവാള്‌ന സുമാക്കുവ അയി ബേ്ണ്ട്‌ന പറ്റിമ്യുള്ള ആര്‌ക്ക്‌മ് തെര്യാത്ത അര്‌ത്തന നാന് നിനാക്ക് സൊല്ലി തന്റെ.

ബെ്ളിപട്ട കാര്യ 19:12

അയാള് കണ്ണ്‌ഗാള് കത്തി എരേവ തീന പാസെ ആയിന്ത്‌ദ്. അയാള് തലേല് മൊത്തന ഗിര്യാഡഗാള്‌മ് ഇന്ത്‌ദ്. എ്ള്‌ദി ബെത്ത്‌റ്‌ക്കുവ ഒന്റു പേര്‌മ് അയാള്‌ക്ക് ഇര്‌ക്ക്‌ന്റ്. അദ് അയാള്‌ക്കല്ലാദെ ബേ്റെ ആര്‌ക്ക്‌മ് തെര്യ മാട്ട.

ബെ്ളിപട്ട കാര്യ 20:2

പിജാദ് എന്റ്‌മ് സെയിത്താന് എന്റ്‌മ് സൊല്ലുവ അയി പള്യ ദൊഡ്ഡ പാമ്പ്‌ന അയി ദൂദാന് പ്‌ഡിത്ത് ആയിര ബര്‌സ്സാക്ക് സങ്കിലിക്ക് കെ്ട്ടി ബെത്താന്.