ബെ്ളിപട്ട കാര്യ 12:11 - സാമി സേദി11 കൊറ്യാഡ് കുട്ടി സോരെനാലേമ് തമ്മ സൊന്ന സത്ത്യ സേദിനാലേമ് അവാര് അയി പാമ്പ്ന സോലുസുനാര്. തമ്മ് ഉജുരുന ദൊഡ്ഡാദ് എന്റ് നോഡാദെ സായ ഗുഡി അവാര് ഒരിങ്കിന്താര്. အခန်းကိုကြည့်ပါ။ |
എന്റാല്മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്റ്ക്കുവ ഗിലാസാന ഗേന്ത് മുഡിക്കുഡൊ എന്നുവാദ്ത്തെ എന്ന് ഒന്റേ ഒന്റു ആസെ. സാമിക്ക് ആള്ഗാളോഡ ഇര്ക്കുവ ഗവാന പറ്റി സൊല്ലുവ നല്ല സേദിന ആള്ഗാള്ക്ക് സൊല്ലുഡൊ എന്നുവാദ്ത്തെ സാമി എനാക്ക് തന്ത്റ്ക്കുവ ഗിലാസ.
നാന് ഏസ്സ്ഗാറാന് ആയിര്ക്കുവ നിമ്മ് ഓഗന്നാന്ത്തെ. ഏസ്സ് പിന്ന്മേലെ പോന്റവാനായി നാന് നിമ്മൊപ്പ കജട്ട പട്ട്മ് നിമ്മൊപ്പ സാമി ആളുവ കാലാക്ക് പട്ടവാനായിമ് നിമ്മൊപ്പ പൊറിമോഡ താങ്കിമ് ഇര്ക്ക്ന്റേന്. സാമി സൊല്ലുസുലാക്കാന സൊന്നാദ്നാലേമ് ഏസ്സ്ന പറ്റി സൊന്നാദ്നാലേമ് സുറ്റുമു നീര് ഇര്ക്കുവ പത്ത്മോസു എന്നുവ എ്ഡേല് നാന് ഇന്തിന്തേന്.
അദുക്കുള നാന് അയാള്ന കുമ്മുഡ്യ അയാള് കാല്ക്ക് ബ്ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്ഗാറാര്ന പാസേമ് ഇര്ക്കുവ ഗിലാസഗാറാന്ത്തെ നാന്. സാമിന താനെത്തെ കുമ്മുഡുഡൊ. എന്ത്ക്കെന്റ് സൊന്ന ഏസ്സ്ന പറ്റ്യുള്ള സത്ത്യന ആള്ഗാള്ക്ക് സൊല്ല്യ ബെക്കുവാദ് സാമിനിഗാല്ത്തെ>> എന്റ് സൊന്നാന്.
സാമിനിഗാല് ഏസ്സ്ഗാറാര് കൂട്ടഗാള്ക്ക് സൊല്ലുവാദ് എന്തെന്റ് കേ്ള്ക്ക്യ മുഡിന്റവാര് കേ്ള്ക്കുഡൊ. ഗെലിസി കഡാക്ക്ന്റവാന്ക്ക് മറേന്ത്റ്ക്കുവ മന്നാല് ലേസ നാന് കൊഡുക്കുവേന്. നാന് അവാന്ക്ക് ഒന്റു ബെ്ള്ളെ കല്ല്മ് കൊഡുക്കുവേന്. അദ്ല് ഒന്റു പുദ്യ പേര്മ് എ്ള്ദിര്ക്ക്മ്. അദ് കെ്ഡേക്ക്ന്റവാന്ക്കല്ലാദെ ബേ്റെ ആര്ക്ക്മ് അദ്ല് എ്ള്ദിര്ക്കുവാദ് തെര്യ മാട്ട.>>
ഗെല്സ്ന്റവാര്മ് നാന് ആസെപഡുവാദ്ന കഡേസി മാട്ട് ഗേന്റവാര്മ് ആന എല്ലാവാര്ക്ക്മ്, എന്ന് അപ്പാന് എനാക്ക് തന്ത പാസെ, എഗുദാരല്ലാത്ത ജാദിഗാള്ന ആള്യ നാന് അദിഗര കൊഡുക്കുവെ. <അയാള് അവാര്ന ഇര്മ്പ് ബഡി എ്ഡ്ത്ത് മേസുവാന്. കുജവാന് മണ്ണ് സട്ടിന ഒഡേത്ത് തള്ളുവ പാസെ അയാള് അവാര്ന ഒഡേക്കുവാന്.> അയാള് ഗെ്ല്സ്നാന് എന്റ് കാട്ട്യ നാന് അയാള്ക്ക് ബെ്ഡിബെ്ള്ളിനാമ് കൊഡുക്കുവേന്.
അദ്ക്ക് പ്റ കുറിഞ്ചിഗാള്നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്ല് കുക്കാന്ത് ഇര്ക്കുവാദ്നാമ് നാന് കണ്ടെ. ഏസ്സ്ന പറ്റ്യുള്ള സത്ത്യന സൊന്നാദ്നാലേമ് സാമി സൊല്ലുസുലാക്കാന സൊന്നാദ്നാലേമ് ആള്ഗാള് തലെനെ ബെ്ട്ടി കൊന്റവാര് നിഗാല്ഗാള്നാമ് നാന് കണ്ടെ. അവാര് ബേ്ണ്ട്നാഗൊ അയി ബേ്ണ്ട് സെലെനാഗൊ കുമ്മുഡത്തവാര്മ് നെറ്റിക്കൊ കയിക്കൊ മുദ്ദുറെ കുത്താത്തവാര്മ് ആയിന്താര്. അവാര് ഉജുരു കെ്ഡേസി ക്റ്സ്ത്തോഡൊപ്പ ആയിര ബര്സ്സ പെ്ളേത്താര്.
ഗെല്സ്ന്റവാന്ന നാന് എന്ന് സാമിബീ്ഡ്ല് ഒന്റു കമ്പ മാഡി ബെക്കുവെ. അയാള് ഒന്റു നാള്മ് അദ്ലിന്ത് പോഗമാട്ടാന്. എന്ന് സാമി പേര് അയാള്ക്ക് എ്ള്ദുവെ. മേലോഗാത്ത്ലിന്ത്, എന്ന് സാമി പട്ട്ലിന്ത് താനെത്തെ ഇ്റാഗി ബരുവ സാമി പട്ടണ ആന പുദ്യ എര്സലേമ് പേര്മ് നാന് അയാള്ക്ക് എ്ള്ദുവെ. എന്ന് പുദ്യ പേര്നാമ് നാന് അയാള്ക്ക് എ്ള്ദുവെ.