ബെ്ളിപട്ട കാര്യ 11:8 - സാമി സേദി

⁸ തമ്മ് ആണ്ടവാന്‌ന കുരുസുക്കു സേത്തി ആണി അഡിത്ത് കൊന്റ മ്‌ഗ്‌ന്ത പട്ടണ ബീദില് അവാര് സാവുഗാള് ഇര്‌ക്ക്‌മ്. ഈ പട്ടണ സോദോമു പട്ടണനാമ് മിസ്‌റേമ് നാഡ്‌നാമ്‌ത്തെ കാട്ടി തരുവാദ് എന്റ് ആള്‌ഗാള് സൊന്റാര്.

ബെ്ളിപട്ട കാര്യ 11:8 ပူးပေါင်းရင်းမြစ်များ

മത്തായി 10:15

സോദോമുഗാറാര്‌ക്ക്‌മ് ഗൊമോറഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് അയി പട്ടണാക്ക് ബര്‌മ് എന്റ് നാന് സത്ത്യമായി നിമാക്ക് സൊന്റെ.>>

അപ്പോസുത്തലാര് 9:4

അന്നാല് താനെ അയാള് മണ്ണ്‌ക്ക് ബ്‌ന്താന്. <<സവുലെ, സവുലെ, നീ എന്ത്‌ക്ക് എനാന കൊഡിമെപഡ്‌സ്‌ന്റായി?>> എന്റ് അയാള്‌ക്ക് സൊല്ലുവ ഒന്റു ജദ്ദന കേ്ട്ടാന്.

എവുറായാര് 13:12

അദേപാസെ ഏസ്സ്‌മ് തന്ന് സൊന്ത സോരേല് ആള്‌ഗാള് പാവഗാള്ന തീത്ത് അവാര്‌ന സുത്താപ്പ് മാഡ്യ ബേ്ണ്ടി പട്ടണ ബാസാക്ക് ബെ്ളിഗെ ബെത്ത് കജട്ട പട്ട് സത്താന്.

2 പത്ത്‌റോസു 2:6

അദ്‌താനേമല്ല സാമി സോദോമു എന്റ്‌മ് ഗൊമോറ എന്റ്‌മ് സൊല്ലുവ പട്ടണഗാള്‌ന ദെ്ണ്ടണെ ബിദിത്ത് സുട്ടു ബൂദി മാഡി ഇന്നി സാമിക്ക് അഞ്ചാദെ നഡാക്ക്‌ന്റവാര്‌ക്ക് എന്താമ് എന്റ് കാണ്യ അഡ്യാള മാഡി ബെത്ത്‌റ്‌ന്റാന്.

ജൂദാന് 1:7

അദേപാസെ സോദോമു പട്ടണാത്ത്‌ലവാര്‌മ് ഗൊമോറ പട്ടണാത്ത്‌ലവാര്‌മ് അദ്‌ക്ക് സുറ്റീല് ഇര്‌ക്കുവ ഊരുലവാര്‌ഗാള്‌മ് ഗണ്ടെന്റില്ലാദേമ് പെ്ണ്ണെന്റില്ലാദേമ് മൊറെതലെ നോഡാദെ കാണ്‌ന്റവാരോഡെല്ല ബേസ്യാഡികൊണ്ടു നഡാന്ത് തമാന താനെ കെ്ഡ്‌സ്‌നാര്. അദ്‌നാലെ സാമി അവാര്‌ന തീക്കിക്കി അളിത്താന്. അദേപാസെത്തെ ഇവാര്‌ക്ക്‌മ് എന്നാല്‌ക്ക്‌മ് കെ്ഡാദിര്‌ക്കുവ തീക്കിക്കി ദെ്ണ്ടിക്കുവ ദെ്ണ്ടണെ കെ്ഡേക്ക്‌മ്.

ബെ്ളിപട്ട കാര്യ 11:13

അയി ഗളിഗേല് താനെ ദൊഡ്ഡൊദ്‌ക്ക് ബൂമി കുലുങ്കുറ്റു. പട്ടണാത്ത്‌ല് പത്ത്‌ല് ഒന്റു ബാഗ ഇ്ഡിന്ത് ബ്‌ന്ത്‌ദ്, ഏ്ളായിര ആള്‌ഗാള് സത്ത് തള്ള്‌നാര്. മിച്ച ഇന്തവാര് അഞ്ചിക്കെപട്ട് മേലോഗ സാമിക്ക് മദ്‌പ്പ് കൊഡുത്താര്.

ബെ്ളിപട്ട കാര്യ 11:9

എല്ലാ ബമ്മേസാത്ത്‌ലവാര്‌മ്, എല്ലാ കുലാത്ത്‌ല്‌വാര്‌മ്, എല്ലാ നായഗാറാര്‌ലവാര്‌മ്, എല്ലാ ജാദിഗാള്‌ലവാര്‌മ് അവാര് സാവുന മൂണരെ നാള് നോഡിര്‌ക്കുവാര്. അയി സാവുഗാള്‌ന പാത്ത്യ ആര്‌നാമ് ബ്‌ഡമാട്ടാര്.

ബെ്ളിപട്ട കാര്യ 14:20

പട്ടണാക്ക് ബെ്ളിഗെ ഇര്‌ക്കുവ അയി കുയിക്ക് മുന്തിരിന ഇക്കി മെ്ട്ടി പെജേന്താന്. അയി കുയിലിന്ത് ഒളുഗുന സോരെ കുദുറെ ബായി മാട്ട് ബരുവ ഗജാത്ത്‌ല് സുമാര് മുന്നൂറു കില മീറ്റ്‌റ് ദൂര മാട്ട് ഒളുഗുറ്റു.

ബെ്ളിപട്ട കാര്യ 14:8

റണ്ടാവാദ് ഒന്റു ദൂദാന് മുദാല്‌ല ദൂദാന് പിന്ന്‌മേലെ ബന്ത് <<ഊറബെത്ത മുന്തിരി സാര ബൂമില് ഇര്‌ക്കുവ എല്ലാ ആള്‌ഗാള്‌ക്ക്‌മ് ഊട്ടുസുന മ്‌ഗ്‌ന്ത പട്ടണ ആന ബാവിലോണു അളിന്ത് തള്ള്‌ട്ട്, അളിന്ത് തള്ള്‌ട്ട്, അവാള് കാമാക്ക് കണ്ണില്ലാദെ കണ്ടപഡി നഡാക്കുവാദ്‌ത്തെ അയി ഊറബെത്ത മുന്തിരി സാര>> എന്റ് സൊന്നാന്.

ബെ്ളിപട്ട കാര്യ 16:19

മ്‌ഗ്‌ന്ത പട്ടണ മൂറു ബാഗായി ഒഡേന്ത്‌ദ്. ബൂമില് ഇര്‌ക്കുവ എല്ലാ പട്ടണഗാള്‌മ് അളിന്ത് തള്ള്‌ട്ട്. മ്‌ഗ്‌ന്ത പട്ടണ ആന ബാവിലോണുന സാമി നെനേത്താന്. അദ്‌നാലെ സാമി തന്ന് മ്‌ഗ്‌ന്ത മൊനെ എന്നുവ ഊറബെത്ത മുന്തിരി സാര തുമ്പിസി ബെത്ത്‌റ്‌ക്കുവ സട്ടിലിന്ത് അദ്‌ക്ക് ഊട്ടുസുനാന്.

ബെ്ളിപട്ട കാര്യ 17:1

ഏ്ള് സട്ടിഗാള്‌ന കയില് എ്ഡ്‌ത്തിന്ത ഏ്ള് ദൂദനാമ്‌ല് ഒന്റൊരുത്താന് ബന്ത് എനാക്ക്, <<ബാ, പെര്‌വാനിക്ക് അര്‌ഗെ ഇര്‌ക്കുവ മ്‌ഗ്‌ന്ത പട്ടണ എന്നുവ പേര്‌കേ്ട്ട ബേസിക്ക് ബര്യ പോവ ദെ്ണ്ടണെന നാന് കാട്ടി തരുവെ.

ബെ്ളിപട്ട കാര്യ 17:18

നീ കണ്ട അയി പെ്ണ്ണ്‌പ്‌ളെ എന്നുവാദ് ബൂമില് ഇര്‌ക്കുവ രാജാവുഗാള്‌ന ആള്യ അദിഗര ഇര്‌ക്കുവ മ്‌ഗ്‌ന്ത പട്ടണാത്തെ.>>

ബെ്ളിപട്ട കാര്യ 17:5

അവാള് നെറ്റില് അര്‌ത്ത എന്തെന്റ് ആര്‌ക്ക്‌മ് തെര്യാത്ത ഒന്റു പേര് എ്ള്‌ദിന്ത്‌ദ്. ബൂമില് ഇര്‌ക്കുവ ബേസിഗാള്‌ത്ത്‌മ് സാത്ത്‌റ പ്‌ഡിക്കുവ കാര്യഗാള് ഗേന്റവാര്‌ത്ത്‌മ് അവ്വെ ആന ബാവിലോണു എന്നുവ മ്‌ഗ്‌ന്ത പട്ടണ എന്റ്‌ത്തെ അദ്‌ക്ക് പേര്.

ബെ്ളിപട്ട കാര്യ 18:10

അവാള്‌ക്ക് കെ്ഡേത്ത കൊഡിമേന കണ്ട് അഞ്ചിക്കെപട്ട് ദൂരാത്ത്‌ല് നിന്റ് കൊണ്ടു, <മ്‌ഗ്‌ന്ത പട്ടണന ആന ബാവിലോണെ, നല്ല ഒറേപ്പിര്‌ക്കുവ പട്ടണാഗേ, നിനാക്ക് കജട്ട കജട്ട, ഒന്റു മണിക്കൂറു കൊണ്ടു നിന്ന് ദെ്ണ്ടണെ മുഡിന്ത്‌ദല്ല?> എന്റ് സൊല്ലി കേ്യിവാര്.

ബെ്ളിപട്ട കാര്യ 18:18

അവാള്‌ന സുഡുവ പൊഗെ കഡാക്കുവാദ്‌ന കണ്ടാര്. <ഈ മ്‌ഗ്‌ന്ത പട്ടണന പാസെ ഇര്‌ക്കുവ പട്ടണ ബേ്റെ ഏദ്‌ല് ഇര്‌ക്ക്‌ന്റ്?> എന്റ് ദൊഡ്ഡാദ്‌ക്ക് സൊല്ലി കേ്യ്‌ന്റാര്.

ബെ്ളിപട്ട കാര്യ 18:2

അയാള് ദൊഡ്ഡാദ്‌ക്ക് ആലാത്ത് കൊണ്ടു, <<മ്‌ഗ്‌ന്ത പട്ടണ ആന ബാവിലോണു അളിന്ത് തള്ള്‌ട്ട്, അളിന്ത് തള്ള്‌ട്ട് അദ് പിജാദ്‌ഗാള് തങ്കുവ ബീ്ഡായി മുഡിന്ത്‌ദ്, അദ് കെ്ട്ടജാദിഗാള് ഒളിവ പട്ട്‌മ് ആയി മുഡിന്ത്‌ദ്, അയിത്ത്യാമ് സാത്ത്‌റാമ് പഡുവ പക്കിഗാള് ഒളിവ പട്ട്‌മ് ആയി മുഡിന്ത്‌ദ്.

ബെ്ളിപട്ട കാര്യ 18:21

അദ്‌ക്ക് പ്‌റ മ്‌ഗ്‌ന്ത ബില ഇര്‌ക്കുവ ഒന്റു ദൂദാന് ബീസ്‌ങ്കല്ല്‌ന പാസെ ഇര്‌ക്കുവ ദൊഡ്ഡൊന്റു കല്ല്‌ന എ്ഡ്‌ത്ത് കഡാല്‌ക്ക് എ്റിന്ത് ഇത്തെ സൊന്നാന്: <<ഇദേപാസെ മ്‌ഗ്‌ന്ത പട്ടണന ആന ബാവിലോണുന ബീസ്യെ്റിന്തെ തള്ളുവാന്. ഇന്നി ഒന്റു നാള്‌മ് അദ്‌ന കാണമാട്ട്‌റ്.

ബെ്ളിപട്ട കാര്യ 18:24

സാമിദാസ്‌ഗാള്‌ത്ത്‌മ്, സാമിഗാറാര്‌ത്ത്‌മ് അത്തെ ബൂമില് ബെത്ത് കൊലെ ഗേന്ത എല്ലാവാര്‌ത്ത്‌മ് സോരെ അയി പട്ടണാത്ത്‌ല്‌ത്തെ കണ്ടാദ്.>>