ബെ്ളിപട്ട കാര്യ 11:7 - സാമി സേദി

⁷ തമാക്ക് സൊല്ല്യ സൊന്നാദ്‌ന അവാര് സൊല്ലി മുഡിക്കാട്ടി അഡി അറ്റ ഇല്ലാത്ത കുയിലിന്ത് ഏ്റി ബരുവ ബേ്ണ്ട് അവാരോഡ ജുദ്ദ ഗേന്ത് അവാര്‌ന സോലുസി കൊന്റു തള്ള്‌മ്.

ബെ്ളിപട്ട കാര്യ 11:7 ပူးပေါင်းရင်းမြစ်များ

ലൂക്കോസു 13:32

അദുക്കുള ഏസ്സ് ഇത്തെ സൊന്നാന്: <<നിമ്മ പോയി അയി കുള്ളനരിന പാസെ ഇര്‌ക്ക്‌ന്റവാന്‌ക്ക്, ഇന്റ്‌മ് നാളേക്ക്‌മ് നാന് കെ്ട്ടജാദിഗാള്‌ന തട്ടിസിമ് തള്ളുവെ. നോയിഗാറാര്‌നാമ് തെ്ള്‌സുവെ. മൂറാവാദ് നാള് എന്ന് ഗിലാസാന ഗേന്ത്‌മ് മുഡിക്കുവെ.

ലൂക്കോസു 8:31

<<എമാന അഡി അറ്റ ഇല്ലാത്ത കുയിക്ക് പോയ സൊല്ല ബേ്ഡ>> എന്റ് കെ്ട്ടജാദിഗാള് ഏസ്സ്‌ന ബേ്ണ്ട്‌റ്റ്.

ഓഗന്നാന് 17:4

നീ എനാക്ക് ഗേയ തന്ത എല്ലാ ഗിലാസഗാള്‌നാമ് നാന് ഗേന്ത് മുഡിത്ത് നിനാക്ക് ഇര്‌ക്കുവ മദ്‌പ്പ്‌ന നാന് ബൂമില് കാട്ടിര്‌ക്ക്‌ന്റെ.

ഓഗന്നാന് 19:30

ഏസ്സ് പുളിര്‌ക്കുവ മുന്തരിസാരന കുഡിത്ത പ്‌റ: <<എല്ലാ കാര്യാമ് നഡാന്ത് മുഡിന്ത്‌ദ്>> എന്റ് സൊന്നാന്. ഏസ്സ് തന്ന് തലേന തൊങ്കിസി ഉജുരുന ബ്‌ട്ടാന്.

അപ്പോസുത്തലാര് 20:24

എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.

2 തിമിത്തോസു 4:7

ഒരുത്താന് ജൂദുപ്‌ഡിത്ത് ഓഡുഗാട്ടി നലമായി ഓഡുവ പാസെ എനാക്ക് ഗേയ തന്ത കാര്യഗാള്‌നെല്ല സാമിക്ക് ബേ്ണ്ടി നാന് നലമായി ഗേന്തെ, ഇന്നി ഗേന്ത് മുഡിക്ക്യ ഒന്റുമില്ലെ. ഏസ്സോഡ എനാക്കിര്‌ക്കുവ നമ്പിക്കേന ബ്‌ഡാദിന്തെ.

ബെ്ളിപട്ട കാര്യ 11:3

നാന് സൊല്ല്യ സൊന്ന നായഗാള്‌ന സൊല്ല്യ എനാന പറ്റി സൊല്ലുവ റാഡാള്‌ക്ക് അയി നാള് അദിഗര കൊഡുക്കുവെ. അവാര് സാക്ക്‌ല് മാഡ്‌ന ഉഡുപ്പുന ഇക്കി ആയിരത്തി ഇര്‌നൂറ്റി അറുവദ് നാള് എനാക്ക് സൊല്ല്യ ഇര്‌ക്കുവാദ്‌ന സൊല്ലുവാര്.>>

ബെ്ളിപട്ട കാര്യ 12:17

അദുക്കുള പാമ്പ്‌ക്ക് അവാളോഡ നല്ല മൊനെ ബന്ത്‌ദ്. സാമി സട്ടാന കേ്ട്ട് നഡാക്ക്‌ന്റവാര്‌മ് ഏസ്സ്‌ന പറ്റി സൊല്ലി നഡാക്ക്‌ന്റവാര്‌മ് ആന അവാള് കാല്‌കെ്ളേല് മിച്ച ഇര്‌ക്ക്‌ന്റവാരോഡ ജുദ്ദ ഗേയ ദൊഡ്ഡ പാമ്പ് പോറ്റു.

ബെ്ളിപട്ട കാര്യ 13:11

പ്‌റ ബൂമിലിന്ത് ഏ്റി ബന്ത ബേ്റൊന്റു ബേ്ണ്ട്‌ന നാന് കണ്ടേന്. കൊറ്യാഡ് കുട്ടിക്ക് ഇര്‌ക്കുവ പാസെ റാഡ് കൊമ്പു അദ്‌ക്ക് ഇന്ത്‌ദ്. അദ് ദൊഡ്ഡ ഒന്റു പാമ്പ്‌ന പാസെ നായ നൊഡിന്ത്‌ദ്.

ബെ്ളിപട്ട കാര്യ 13:7

സാമിഗാറാരോഡ ജുദ്ദ ഗേന്ത് അവാര്‌ന സോലുസി ഗെലിസി കഡാക്ക്യ അദ്‌ക്ക് അദിഗര കെ്ഡേത്ത്‌ദ്. എല്ലാ കുലഗാറാര്‌നാമ്, എല്ലാ ബമ്മേസഗാറാര്‌നാമ്, എല്ലാ നായഗാറാര്‌നാമ്, എല്ലാ ജാദിഗാള്‌നാമ് ആള്‌വാദ്‌ക്കുള്ള അദിഗരാമ് അദ്‌ക്ക് കെ്ഡേത്ത്‌ദ്.