ബെ്ളിപട്ട കാര്യ 11:19 - സാമി സേദി

¹⁹ പ്‌റ മേലോഗാത്ത്‌ല സാമിബീ്ഡ് ത്‌റാന്ത്‌ദ്. സാമി ബെത്ത ഒപ്പന്തന കാട്ടുവ പെ്ട്ടി അദ്‌ല് കാട്ട്‌റ്റ്. അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ്, കല്ല് മഗേമ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 11:19 ပူးပေါင်းရင်းမြစ်များ

ബെ്ളിപട്ട കാര്യ 11:13

അയി ഗളിഗേല് താനെ ദൊഡ്ഡൊദ്‌ക്ക് ബൂമി കുലുങ്കുറ്റു. പട്ടണാത്ത്‌ല് പത്ത്‌ല് ഒന്റു ബാഗ ഇ്ഡിന്ത് ബ്‌ന്ത്‌ദ്, ഏ്ളായിര ആള്‌ഗാള് സത്ത് തള്ള്‌നാര്. മിച്ച ഇന്തവാര് അഞ്ചിക്കെപട്ട് മേലോഗ സാമിക്ക് മദ്‌പ്പ് കൊഡുത്താര്.

ബെ്ളിപട്ട കാര്യ 11:15

ഏ്ളാവദ് ദൂദാന് കൊമ്പൂദുഗാട്ടി മേലോഗത്ത്‌ലിന്ത് ദൊഡ്ഡ ജദ്ദഗാള് ഉണ്ടാറ്റ്. <<നമ്മ് ആണ്ടവാന്‌ക്ക്‌മ് അയാള് ക്‌റ്‌സ്‌ത്ത്‌ക്ക്‌മ് ഉലഗ രാജ്യന ഒട്ടുക്കു ആള്‌വാദ്‌ക്കുള്ള അദിഗര ഇര്‌ക്ക്‌ന്റ്. അയാള് എന്നാല്‌ക്ക്‌മ് ആളുവാന്.>>

ബെ്ളിപട്ട കാര്യ 12:1

മേലോഗാത്ത്‌ല് ദൊഡ്ഡൊന്റു അദിസ്യമാന അഡ്യാള കാട്ട്‌റ്റ്. നേരന ഉഡുപ്പു മാഡി ഇക്കിമ് നിലാവുന കാല്‌കഡിമ് ബെത്ത്‌റ്‌ക്കുവ ഒന്റു പെ്ണ്ണ്‌പ്‌ളെ പന്നന്റ് ബെ്ള്ളിഗാള്‌ന തലേക്ക് ഗിര്യാഡായി ബെത്തിന്ത.

ബെ്ളിപട്ട കാര്യ 16:1

<<നിമ്മ പോയി ഏ്ള് സട്ടില് തുമ്പിര്‌ക്കുവ സാമി മൊനേന ബൂമിക്ക് ഊറ്റി തള്ള്‌ന്>> എന്റ് ഏ്ള് ദൂദനാമ്‌ക്ക്‌മ് സൊല്ലുവ ദൊഡ്ഡ ഒന്റു ജദ്ദന സാമിബീ്ഡ്‌ലിന്ത് നാന് കേ്ട്ടേന്.

ബെ്ളിപട്ട കാര്യ 16:18

അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത്‌ദ്. എത്ത്‌റാഗോ ദൊഡ്ഡാദ്‌ക്ക് ബൂമിമ് കുലുങ്കുറ്റു. ബൂമില് മന്‌സാര് ഉണ്ടാന കാലാത്ത്‌ലിന്ത് ഇന്നമാട്ട്‌ക്ക് ഇത്ത്‌റ ദൊഡ്ഡാദ്‌ക്ക് ബൂമി കുലുങ്കാലെ.

ബെ്ളിപട്ട കാര്യ 16:21

ബാന്‌ലിന്ത് മന്‌സാര് കുദ്ദാക്ക് ദൊഡ്ഡ കല്ല് മഗെ അഡിത്ത്‌ദ്. ഒന്റൊന്റു കല്ല്‌മ് ഒപ്പതപ്പ മുപ്പാദ് കില ഇന്ത്‌ദ്. അവാര്‌ക്ക് ഈ ദൊഡ്ഡ കല്ല് മഗെ ദെ്ണ്ടണെ അത്ത്‌റാമ് കഡ്‌പ്പ ആയിന്താദ്‌നാലെ ആള്‌ഗാള് സാമിക്ക് സാപ്പ ഇക്ക്‌നാര്.

ബെ്ളിപട്ട കാര്യ 19:11

അദ്‌ക്ക് പ്‌റ മേലോഗ ത്‌റാന്ത്‌റ്‌ക്കുവാദ്‌ന നാന് കണ്ടെ. നാന് നോഡുഗാട്ടി ഒന്റു ബെ്ള്ള കുദുറെന കണ്ടെ. അയി കുദുറെ കുദ്ദാക്ക് കുക്കാന്ത് ഇര്‌ന്റവാന്‌ന നമ്പ്യ മുഡിന്റവാന് എന്റ്‌മ് സത്ത്യമുള്ളവാന് എന്റ്‌മ്‌ത്തെ ബ്‌ളിത്തിന്താദ്. നേര്‌മോഡാത്തെ അയാള് ആള്‌ഗാള്‌ന ബിദിക്കുവാദ്‌മ് പോട്ടിഗാറാരോഡ ജുദ്ദ ഗേവാദ്‌മ്.

ബെ്ളിപട്ട കാര്യ 4:1

അദ്‌ക്ക് പ്‌റ നാന് നോഡുഗാട്ടി, മേലോഗാത്ത്‌ല് ഒന്റു ബാസ ത്‌റാന്ത്‌റ്‌ക്കുവാദ്‌ന നാന് കണ്ടെ. കൊമ്പൂദുവ ജദ്ദന പാസെ മുദാല് എന്നോഡ നായ നൊഡിന്ത ജദ്ദ എനാക്ക് ഇത്തെ സൊല്ലുവാദ്‌ന നാന് കേ്ട്ടെ: <<ഇദ്‌ക്ക് ബാ, ഇന്നി നഡാക്ക്യ പോവാദ് എന്ത് എന്റ് നാന് നിനാക്ക് കാട്ടി തന്റെ.>>

ബെ്ളിപട്ട കാര്യ 4:5

അയി കുറിഞ്ചിലിന്ത് മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത് കൊണ്ടു ഇന്ത്‌ദ്. അയി കുറുഞ്ചിക്ക് മുന്നുക്കു ഏ്ള് സൂട്ടെ തീഗാള് കത്തി എരേന്ത് കൊണ്ടു ഇന്ത്‌ദ്. അദ്‌ഗാള് സാമിത്ത് ഏ്ള് നിഗാല്‌ഗാള് ആയിന്ത്‌ദ്.

ബെ്ളിപട്ട കാര്യ 7:15

അദ്‌നാലെത്തെ അവാര് സാമി കുറിഞ്ചിക്ക് മുന്നുക്കു നിന്റ്‌റ്‌ക്കുവാദ്‌മ് സാമിബീ്ഡ്‌ല് റാവുപഗാല് അയാള്‌ക്ക് ഗിലാസ ഗേവാദ്‌മ്. കുറുഞ്ചില് കുക്കാന്ത് ഇര്‌ക്ക്‌ന്റവാന് അവാരോഡ ഒപ്പ ഇന്ത് അവാര്‌ന പാദ്‌ഗാക്കുവാന്.

ബെ്ളിപട്ട കാര്യ 8:5

പ്‌റ ദൂദാന് അയി തുമ്മ പൊഗേസുവ ദൊഡ്ഡ തൊട്ടിക്ക് മദ്‌ല്‌ല തീ കെ്ണ്ടന തുമ്പിസി ബൂമിക്ക് എ്റിന്താന്. അദുക്കുള ഇ്ഡി ബെ്ട്ടുവ ജദ്ദഗാള്‌മ്, ഓസെഗാള്‌മ്, മിച്ചുവ ബെ്ള്‌സഗാള്‌മ് ബന്ത്‌ദ്, ബൂമിമ് കുലുങ്കുറ്റു.

ബെ്ളിപട്ട കാര്യ 8:7

ഒണ്ണാവാദ് ദൂദാന് കൊമ്പൂദുഗാട്ടി സോരെ കലാന്ത കല്ല് മഗേമ് തീയിമ് ഉണ്ടായി അദ് ബൂമിക്ക് അഡിത്ത്‌ദ്. മൂറുലു ഒന്റു ബാഗ ബൂമി ബെന്ത് ബൂദ്യാറ്റ്, മരഗാള്‌ല് മൂറുലു ഒന്റു ബാഗ ബെന്ത് കരിന്ത്‌ദ്, പച്ചെ പുല്ലുഗാള് ഒട്ടുക്കു ബെന്ത് കരിന്ത്‌ദ്.