ബെ്ളിപട്ട കാര്യ 11:18 - സാമി സേദി18 ബൂമില് ഇര്‌ക്കുവ എല്ലാ ജാദിഗാള്‌മ് മൊനേക്ക്‌പട്ടാര്. ആന നീ മൊനേക്ക്‌പഡുവ ഗളിഗേമ് ബന്തെജ്ജ്‌റ്റ്. സത്തവാര്‌ന ബിദിക്കുവാദ്‌ക്കുള്ള ഗളിഗേമ്, നിന്ന് ഗിലാസഗാറാരാന സാമിദാസ്‌ഗാള്‌ക്ക്‌മ്, സാമിഗാറാര്‌ക്ക്‌മ്, നിനാക്ക് അഞ്ചി നഡാക്കുവ ദൊഡ്ഡവാര്‌മ് സ്‌ന്നവാര്‌മ് ആന എല്ലാവാര്‌ക്ക്‌മ് കൂലി കൊഡുക്കുവാദ്‌ക്കുള്ള ഗളിഗേമ് ബൂമിന കെ്ഡ്‌സ്‌ന്റവാര്‌ന അളിക്കുവാദ്‌ക്കുള്ള ഗളിഗേമ് ബന്ത്‌റ്‌ക്ക്‌ന്റ്. အခန်းကိုကြည့်ပါ။ |
ബെ്ളിപട്ട കാര്യ 11:18
48 ပူးပေါင်းရင်းမြစ်များ
സാമിക്ക് ഇര്‌ക്കുവ മ്‌ഗ്‌ന്ത മൊനെ എന്നുവ ഊറബെത്ത മുന്തിരി സാര കുഡിക്കുവാന്. നല്ല മപ്പ് ഏ്റുവ അയി മുന്തിരി സാര സാമി മൊനെ എന്നുവ സട്ടിക്ക് ഊറ്റി ബെത്ത്‌റ്‌ന്റാന് ഇര്‌ക്ക്‌ന്റാന്. സുത്താപ്പിര്‌ക്കുവ ദൂദനാമ്‌ക്ക്‌മ് കൊറ്യാഡ് കുട്ടിക്ക്‌മ് മുന്നുക്കു ബെത്ത് അയാള്‌ന തീയില്‌മ് ഗെന്തഗാത്ത്‌ല്‌മ് കൊഡിമെപഡുസുവാന്.
ബൂമില് ഇര്‌ക്കുവ എല്ലാ ആള്‌ഗാള്‌നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്‌ക്കുവ ബാള് ബെ്ളിഗെ കഡാക്ക്‌ന്റ്. <<അയാള് അവാര്‌ന ഇര്‌മ്പ് ബഡി എ്ഡ്‌ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്‌ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്‌ക്കുവ സാമി മൊനേന കാട്ടുവാദ്‌ത്തെ അയി കുയി.
രാജാവുഗാള്‌ത്ത്‌മ്, പട്ടള തലെവാര്‌ഗാള്‌ത്ത്‌മ്, ബീര്യഗാറാര് ആന പട്ടളഗാറാര്‌ത്ത്‌മ്, കുദുറെഗാള്‌ത്ത്‌മ്, കുദുറെഗാള് കുദ്ദാക്ക് കുക്കാന്ത് ഇര്‌ന്റവാര്‌ത്ത്‌മ്, അഡിമെഗാള്‌ത്ത്‌മ് അഡിമെഗാള് അല്ലാത്തവാര്‌ത്ത്‌മ്, സ്‌ന്നവാര്‌ത്ത്‌മ് ദൊഡ്ഡവാര്‌ത്ത്‌മ് അത്തെ എല്ലാവാര്‌മ്‌ത്തെ കറിന തിന്ന്യ ബാന്>> എന്റ് ബ്‌ളിത്ത് സൊന്നാന്.
ദൊഡ്ഡവാര്‌മ് സ്‌ന്നവാര്‌മ് ആയി അത്തെ സത്തവാര് ഒട്ടുക്കു കുറിഞ്ചി മുന്നുക്കു നിന്റ്‌റ്‌ക്കുവാദ്‌നാമ് നാന് കണ്ടെ. ബൊക്കുഗാള്‌ന ത്‌റാന്താന്. എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കു എന്നുവ ബേ്റെ ഒന്റു ബൊക്കുനാമ് ത്‌റാന്താന്. ബൊക്കുഗാള്‌ല് എ്ള്‌ദിര്‌ക്കുവ പാസെ തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് സത്തവാര്‌ക്കുള്ള ബിദി സൊന്നാന്.
ကြော်ငြာတွေ