ബെ്ളിപട്ട കാര്യ 11:10 - സാമി സേദി

¹⁰ ബൂമില് ഇര്‌ക്കുവ ആള്‌ഗാള് അവാര് സത്താദ്‌ക്ക് പിര്യപൊങ്കി ആങ്കീങ്ക് സമ്മാനഗാള്‌മ് കൊഡുക്കുവാര്. എന്ത്‌ക്കെന്റ് സൊന്ന ഈ റാഡാള് ബൂമില് പെ്ളേത്തിന്തവാര്‌ന കൊഡിമെ പഡിസിന്താര്.

ബെ്ളിപട്ട കാര്യ 11:10 ပူးပေါင်းရင်းမြစ်များ

മത്തായി 10:22

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.

ഓഗന്നാന് 16:20

നാന് സത്ത്യമായിമ് നിമാക്ക് സൊന്റെ, നിമ്മ അഗാറി ബ്‌ന്ത് കേ്യിവുറു, ആന ഉലഗാത്ത്‌ല ആള്‌ഗാള് പിര്യപഡുവാര്, നിമ്മ ദുക്കപഡുവുറു, ആന നിമ്മ് ദുക്ക പിര്യായി തീരുവു.

ഓഗന്നാന് 7:7

ഉലഗാത്ത്‌ല ആള്‌ഗാള്‌ക്ക് നിമാന തൊറേയ മുഡ്യാമാട്ട. ആന അവാര് ഗേവ കാര്യഗാള് കെ്ട്ട കാര്യഗാള് എന്റ് നാന് സൊല്ലുവാദ്‌നാലെ അവാര് എനാന തൊറേന്റാര്.

അപ്പോസുത്തലാര് 5:33

ഇദ്‌ന കേ്ള്‌ക്കാട്ടി എഗുദ കോഡിദില ആള്‌ഗാള്‌ക്ക് സെര്യാന മൊനെ ബന്ത്‌ദ്. അവാര് അപ്പോസുത്തലാര്‌ന കൊല്ലുഡൊ എന്റ് മുഡിവെ്ഡ്‌ത്താര്.

1 കൊരിന്ത്യഗാറാര് 13:6

സീവാന് ഉള്ളവാന് കെ്ട്ട കാര്യാത്ത്‌ല് പിര്യപഡാദെ സത്ത്യമാന കാര്യാത്ത്‌ല് പിര്യപഡ്‌ന്റാന്.

ബെ്ളിപട്ട കാര്യ 12:13

തനാന ബൂമിക്ക് ഉന്തി ബീ്ക്ക്‌നാര് എന്റ് തെരിന്ത അയി ദൊഡ്ഡ പാമ്പ് ഗണ്ട് മഗാന സീവാന്‌മിഞ്ച്‌നവാള്‌ന കൊഡിമെപഡിസ്യ പ്‌ഡിത്ത്‌ദ്.

ബെ്ളിപട്ട കാര്യ 13:14

മുദാല്‌ല ബേ്ണ്ട് മുന്നുക്കു ബെത്ത് തനാന ഗേയ ബ്‌ട്ട അദിസ്യളഗാള് ഗേന്ത് കാട്ടി റണ്ടാവാദ് ബേ്ണ്ട് ബൂമില് ഇര്‌ക്കുവ ആള്‌ഗാള്‌ന ഒട്ടുക്കു ഏമാത്ത്‌റ്റ്. ബാള്‌ല് ബെ്ട്ട് കെ്ഡേസിമ് പെ്ളേക്കുവ ബേ്ണ്ട്‌ക്ക് ബേ്ണ്ടി ഒന്റു സെലെ ഉണ്ടാക്ക്യ ബൂമില ജനഗാള്‌ക്ക് സൊല്ലിമ് ഇര്‌ക്ക്‌ന്റ്.

ബെ്ളിപട്ട കാര്യ 13:8

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഉലഗാന ഉണ്ടാക്കുവാദ്‌ക്ക് മുദാല് താനെ പേര് എ്ള്‌ദാത്ത ബൂമില് ഇര്‌ക്കുവ ആള്‌ഗാള് ഒട്ടുക്കു അദ്‌ന കുമ്മുഡുവാര്. അറ്‌ത്ത് കൊന്റ കൊറ്യാഡ് കുട്ടിത്ത്‌ത്തെ അയി ബൊക്കു.

ബെ്ളിപട്ട കാര്യ 16:10

അയിദാവാദ് ദൂദാന് തന്ന് സട്ടിന ബേ്ണ്ട്‌ത്ത് കുറിഞ്ചി പട്ട്‌ക്ക് ഊറ്റുനാന്. അദുക്കുള അയി ബേ്ണ്ട് രാജ്യ ഒട്ടുക്കു ഇ്റ്‌ട്ട് കെ്ട്ടി തള്ള്‌ട്ട്. അദ്‌നാലെ താങ്ക്യ മുഡ്യാത്ത ബിജാക്ക് ആള്‌ഗാള് തമ്മ് നാലങ്കെഗാള്‌ന കഡിത്താര്.

ബെ്ളിപട്ട കാര്യ 3:10

പൊറിമോഡ താങ്കുവാദ്‌ന പറ്റ്യുള്ള എന്ന് ബുദ്ദിനായന നീ കേ്ട്ട് നഡാന്തായി. അദ്‌നാലെ ബൂമിലിര്‌ന്റവാര്‌ന ഒട്ടുക്കു സോദണെ ഗേയ ബേ്ണ്ടി ബൂമില് ഒട്ടുക്കുമു ബര്യ ഇര്‌ക്കുവ കജട്ട കാല ഗളിഗേക്ക് നാന് നിനാന പാദ്‌ഗാക്കുവെ.