ബെ്ളിപട്ട കാര്യ 10:7 - സാമി സേദി

⁷ ഏ്ളാവാദ് ദൂദാന് കൊമ്പൂദുവ നാള്‌ല് സാമി മറേസി ബെത്ത്‌റ്‌ക്കുവ കാര്യ അദേപാസെ താനെ നഡാക്ക്‌മ്. സാമി ഗിലാസഗാറാരാന സാമിദാസ്‌ഗാള്‌ക്ക് താന് കാട്ടി കൊഡുത്ത കാര്യത്തെ അദ്>> എന്റ് സൊന്നാന്.

ബെ്ളിപട്ട കാര്യ 10:7 ပူးပေါင်းရင်းမြစ်များ

അപ്പോസുത്തലാര് 3:21

എല്ലാദ്‌നാമ് നല്ലാദ് മാഡുവ കാല ബരമാട്ട്‌ക്ക് ഏസ്സ് മേലോഗാത്ത്‌ല്‌ത്തെ ഇര്‌ക്കുഡൊ എന്റ് സാമി മുന്തെ കാലാത്ത്‌ല് ഇന്ത തന്ന് ദാസ്‌ഗാള്‌ക്ക് സൊല്ലിന്താന്. അദ്‌ന അവാര് ആള്‌ഗാള്‌ക്ക് സൊല്ലിര്‌ന്റാര്.

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

റോമഗാറാര് 16:25

ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.

ബെ്ളിപട്ട കാര്യ 14:6

പ്‌റ നാന് നോഡുഗാട്ടി എത്ത്‌റാഗോ ഉജരാത്ത്‌ല് ബേ്റൊന്റു ദൂദാന് ബാന്‌ല് പറാക്കുവാദ്‌ന നാന് കണ്ടെ. എല്ലാ ജാദിഗാള്‌ക്ക്‌മ്, എല്ലാ കുലഗാള്‌ക്ക്‌മ്, എല്ലാ നായഗാറാര്‌ക്ക്‌മ്, എല്ലാ ബമ്മേസഗാറാര്‌ക്ക്‌മ് അത്തെ ബൂമില് ഇര്‌ക്കുവ എല്ലാ ആള്‌ഗാള്‌ക്ക്‌മ് എന്നാല്‌ക്ക്‌മ് ഇര്‌ക്കുവ നല്ല സേദിന അയാള്‌ക്ക് സൊല്ല്യ ഇന്ത്‌ദ്.

ബെ്ളിപട്ട കാര്യ 17:17

സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ് അദേപഡി നഡാക്ക മാട്ട്‌ക്ക് താന് ആസെപഡുവാദ്‌ന ഗേയാമ്, അവാര് ഒന്റേ സൊല്ലുലു താനെ ഇന്ത് രാജാവായി ആള്‌വാദ്‌ക്കുള്ള തമ്മ് അദിഗരാന ബേ്ണ്ട്‌ക്ക് കൊഡുക്ക്യാമ് സാമി അവാര് മനേസ്സ്‌ക്ക് നെനേവു കൊഡുത്താന്.