ബെ്ളിപട്ട കാര്യ 10:3 - സാമി സേദി

³ അയി ദൂദാന് സിങ്ക മൊരേവ പാസെ ദൊഡ്ഡാദ്‌ക്ക് അഗാറി ആലാത്താന്. അയി അഗാറി ആലാക്കുവ ജദ്ദോഡ ഏ്ള് ഇ്ഡിമ് ബെ്ട്ട്‌റ്റ്.

ബെ്ളിപട്ട കാര്യ 10:3 ပူးပေါင်းရင်းမြစ်များ

ബെ്ളിപട്ട കാര്യ 14:2

ദൊഡ്ഡ നീര് ഒളുഗുവ ജദ്ദന പാസേമ് ദൊഡ്ഡ ഇ്ഡി ബെ്ട്ടുവ ജദ്ദന പാസേമ് മേലോഗാത്ത്‌ലിന്ത് ഒന്റു ദൊഡ്ഡ ജദ്ദന നാന് കേ്ട്ടേന്. നാന് കേ്ട്ട അയി ദൊഡ്ഡ ജദ്ദ ബീ്ണെഗാറാര് ബീ്ണെ പ്‌ഡിക്കുവ പാസെ ഇന്ത്‌ദ്.

ബെ്ളിപട്ട കാര്യ 15:1

നാന് മേലോഗാത്ത്‌ല് ദൊഡ്ഡാദ്‌മ് അദിസ്യപഡുവാദ്‌മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്‌ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്‌ക്കെന്റ് സൊന്ന അദോഡ സാമി മൊനെ തീന്ത്‌ദ്.

ബെ്ളിപട്ട കാര്യ 15:7

അദുക്കുള നാക്ക് ഉജുരുകെ്ളെഗാള്‌ലിന്ത് ഒന്റു എന്നാല്‌ക്ക്‌മ് പെ്ളേക്ക്‌ന്റവാനാന സാമി മൊനെ തുമ്പിര്‌ക്കുവ ഏ്ള് പൊന്നു സട്ടിഗാള്‌ന അയി ഏ്ള് ദൂദനാമ്‌ക്ക്‌മ് കൊഡുത്തുദു.

ബെ്ളിപട്ട കാര്യ 4:5

അയി കുറിഞ്ചിലിന്ത് മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത് കൊണ്ടു ഇന്ത്‌ദ്. അയി കുറുഞ്ചിക്ക് മുന്നുക്കു ഏ്ള് സൂട്ടെ തീഗാള് കത്തി എരേന്ത് കൊണ്ടു ഇന്ത്‌ദ്. അദ്‌ഗാള് സാമിത്ത് ഏ്ള് നിഗാല്‌ഗാള് ആയിന്ത്‌ദ്.

ബെ്ളിപട്ട കാര്യ 8:5

പ്‌റ ദൂദാന് അയി തുമ്മ പൊഗേസുവ ദൊഡ്ഡ തൊട്ടിക്ക് മദ്‌ല്‌ല തീ കെ്ണ്ടന തുമ്പിസി ബൂമിക്ക് എ്റിന്താന്. അദുക്കുള ഇ്ഡി ബെ്ട്ടുവ ജദ്ദഗാള്‌മ്, ഓസെഗാള്‌മ്, മിച്ചുവ ബെ്ള്‌സഗാള്‌മ് ബന്ത്‌ദ്, ബൂമിമ് കുലുങ്കുറ്റു.