ബെ്ളിപട്ട കാര്യ 10:1 - സാമി സേദി

¹ പ്‌റ നാന് നോഡുഗാട്ടി സക്‌തി ഇര്‌ക്കുവ ബേ്റെ ഒന്റു ദൂദാന് മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടേന്. അയി ദൂദാന് മഞ്ച്‌ന ഉഡുപ്പു മാഡി ഇക്കിന്താന്. അയാള് തലെ കുദ്ദാക്ക് കാമ ബില്ല്‌മ് ഇന്ത്‌ദ്. അയി സാമിദൂദാന് മൂഞ്ചി നേരന പാസേമ് കാല്‌ഗാള് തീ കമ്പന പാസേമ് ഇന്ത്‌ദ്.

ബെ്ളിപട്ട കാര്യ 10:1 ပူးပေါင်းရင်းမြစ်များ

മത്തായി 17:2

ഏസ്സ് അവാര്‌ക്ക് മുന്നുക്കു ഉരുവ മാറ്‌നാന്. ഏസ്സ് മോന്തെ നേരന പാസെ കനകനാത്ത് കത്ത്‌റ്റ്. അയാള് ഉഡുപ്പു പാല്‌ന പാസെ ബെ്ള്ളെബെ്ള്ള്യ ആറ്റ്.

ലൂക്കോസു 21:27

അദുക്കുള മന്‌സാനായി പ്‌റാന്തവാന് സക്‌ത്യോഡാമ് അദിഗരത്തോഡാമ് നോഡ്യ മുഡ്യാത്ത ബെ്ഡിപ്പോഡാമ് മഞ്ച്‌ല് ബരുവാദ്‌ന അവാര് കാണുവാര്.

അപ്പോസുത്തലാര് 26:13

അത്തെ പോഗാട്ടി രാജാവെ, ബട്ടേല് ബെത്ത് ഉച്ചി നേരാത്ത്‌ല് നേരകാല്‌ന ബ്‌ഡ ദൊഡ്ഡ ഒന്റു ബെ്ള്‌സന നാന് കണ്ടെ. അദ് ബാന്‌ലിന്ത് ബന്ത് എനാക്ക്‌മ് എന്നോഡ ബന്തിന്തവാര്‌ക്ക് സുറ്റുമു അഡിത്ത്‌ദ്.

ബെ്ളിപട്ട കാര്യ 1:7

ഇദാ നോഡുനു, അയാള് മഞ്ച്‌ല് ബന്റാന്, എല്ലാവാര്‌മ് അയാള്‌ന കാണുവാര്, അയാള്‌ന കുത്തുനവാര് ഗുഡി അയാള്‌ന കാണുവാര്, ബൂമിലിര്‌ക്കുവ എല്ലാ ആള്‌ഗാള്‌മ് അയാള്‌ന സൊല്ലി ദൊഡ്ഡാദ്‌ക്ക് അഗാറുവാര്. അദ് അത്തെ താനെ നഡാക്കുഡൊ. ആമേന്.

ബെ്ളിപട്ട കാര്യ 18:1

അദ്‌ക്ക് പ്‌റ ബേ്റെ ഒന്റു ദൂദാന് മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടെ. അയാള്‌ക്ക് ദൊഡ്ഡ അദിഗര ഇന്ത്‌ദ്. ദഗദഗാത്ത് എരേവ അയി ദൂദാന് ബെ്ള്‌സ ബൂമിക്ക് ഒട്ടുക്കു അഡിത്ത്‌ദ്.

ബെ്ളിപട്ട കാര്യ 18:21

അദ്‌ക്ക് പ്‌റ മ്‌ഗ്‌ന്ത ബില ഇര്‌ക്കുവ ഒന്റു ദൂദാന് ബീസ്‌ങ്കല്ല്‌ന പാസെ ഇര്‌ക്കുവ ദൊഡ്ഡൊന്റു കല്ല്‌ന എ്ഡ്‌ത്ത് കഡാല്‌ക്ക് എ്റിന്ത് ഇത്തെ സൊന്നാന്: <<ഇദേപാസെ മ്‌ഗ്‌ന്ത പട്ടണന ആന ബാവിലോണുന ബീസ്യെ്റിന്തെ തള്ളുവാന്. ഇന്നി ഒന്റു നാള്‌മ് അദ്‌ന കാണമാട്ട്‌റ്.

ബെ്ളിപട്ട കാര്യ 20:1

അദ്‌ക്ക് പ്‌റ ഒന്റു ദൂദാന് അഡി അറ്റ ഇല്ലാത്ത കുയി ത്‌റാപ്പ് കയിമ് ദൊഡ്ഡൊന്റു സങ്കിലിമ് പ്‌ഡിത്ത്‌കൊണ്ടു മേലോഗാത്ത്‌ലിന്ത് ഇ്റാഗി ബരുവാദ്‌ന നാന് കണ്ടെ.

ബെ്ളിപട്ട കാര്യ 4:3

അദ്‌ല് കുക്കാന്തിന്തവാന് സൂര്യഗാന്ത കല്ല്‌ന പാസേമ് പത്ത്‌മറാഗ കല്ല്‌ന പാസേമ് കുറിഞ്ചിക്ക് സുറ്റുമു കാട്ട്‌റ്റ്. കുറുഞ്ചിക്ക് സുറ്റുമു മരദഗ കല്ല്‌ന പാസെ കാട്ടുവ കാമ ബില്ല്‌മ് ഇന്ത്‌ദ്.

ബെ്ളിപട്ട കാര്യ 5:2

<<മുദ്ദുറെഗാള്‌ന പൊട്ടിസ്യാമ് ഈ ബൊക്കുന ത്‌റാക്ക്യാമ് തഗ്‌ദ്യുള്ളവാന് ആര്?>> എന്റ് ദൊഡ്ഡാദ്‌ക്ക് ആലാത്ത് സൊല്ലുവ സക്‌തി ഇര്‌ക്കുവ ഒന്റു ദൂദാന്‌നാമ് നാന് കണ്ടേന്.

ബെ്ളിപട്ട കാര്യ 8:13

പ്‌റ നാന് നോഡുഗാട്ടി എത്ത്‌റാഗോ ഉജരാത്ത്‌ല് ബാന്‌ല് പറാക്കുവ ഒന്റു പാറ്‌ന കണ്ടെ. <<ഇന്ന്യുള്ള മൂറു ദൂദനാമ് ഊദ്യ പോവ കൊമ്പൂദുവ ജദ്ദാത്ത്‌ല് ബൂമില് ഇര്‌ക്ക്‌ന്റവാര്‌ക്ക് കജട്ട, കജട്ട, കജട്ട>> എന്റ് അയി പാറ് ദൊഡ്ഡാക്ക് ആലാക്കുവാദ്‌ന നാന് കേ്ട്ടെ.