ബെ്ളിപട്ട കാര്യ 1:9 - സാമി സേദി9 നാന് ഏസ്സ്‌ഗാറാന് ആയിര്‌ക്കുവ നിമ്മ് ഓഗന്നാന്‌ത്തെ. ഏസ്സ് പിന്ന്‌മേലെ പോന്റവാനായി നാന് നിമ്മൊപ്പ കജട്ട പട്ട്‌മ് നിമ്മൊപ്പ സാമി ആളുവ കാലാക്ക് പട്ടവാനായിമ് നിമ്മൊപ്പ പൊറിമോഡ താങ്കിമ് ഇര്‌ക്ക്‌ന്റേന്. സാമി സൊല്ലുസുലാക്കാന സൊന്നാദ്‌നാലേമ് ഏസ്സ്‌ന പറ്റി സൊന്നാദ്‌നാലേമ് സുറ്റുമു നീര് ഇര്‌ക്കുവ പത്ത്‌മോസു എന്നുവ എ്ഡേല് നാന് ഇന്തിന്തേന്. အခန်းကိုကြည့်ပါ။ |
ബെ്ളിപട്ട കാര്യ 1:9
35 ပူးပေါင်းရင်းမြစ်များ
നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.
ആസ്യ നാഡ്‌ല ഏസ്സ്‌ഗാറാര് ഏ്ള് കൂട്ടാക്ക് ഓഗന്നാന് എ്ള്‌ദുവ എ്ള്‌ത്ത്. ഇന്നാല് ഇര്‌ക്ക്‌ന്റവാന്‌മ് ഇന്തിന്തവാന്‌മ് ഇന്നി ബര്യ ഇര്‌ക്ക്‌ന്റവാന്‌മ് ആന സാമിമ്, അയാള് കുറിഞ്ചി മുന്നുക്കു നില്ലുവ ഏ്ള് നിഗാല്‌ഗാള്‌മ്, താന് സൊല്ലുവാദ് സത്ത്യത്തെ എന്റ് നമ്പ്യ മുഡിന്റവാന്‌മ്, സത്തവാര് പട്ട്‌ലിന്ത് മുദാല് ഉജുര്‌ളാഗ്‌നവാന്‌മ് ഉലഗാത്ത്‌ല രാജാവുഗാള്‌ന ആള്‌ന്റവാന്‌മ് ആന ഏസ്സ് ക്‌റ്‌സ്‌ത്ത്‌മ് നിമാക്ക് പ്‌ണ്ണ്യാമ് ഗേഡൊ, നിമാന നിമ്മ്‌ദ്യായിമ് ബെക്കുഡൊ. അയാള് നമാന സീവാന്‌പട്ട്‌മ് താന് സൂസുന സോരെനാലെ നമ്മ് പാവഗാള്‌ന തീത്ത് ബ്‌ഡിസിമ് ഇര്‌ക്ക്‌ന്റാന്.
അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.
അദ്‌ക്ക് പ്‌റ കുറിഞ്ചിഗാള്‌നാമ് ബിദി സൊല്ല്യ അദിഗര കെ്ഡേത്തവാര് അയി കുറിഞ്ചിഗാള്‌ല് കുക്കാന്ത് ഇര്‌ക്കുവാദ്‌നാമ് നാന് കണ്ടെ. ഏസ്സ്‌ന പറ്റ്യുള്ള സത്ത്യന സൊന്നാദ്‌നാലേമ് സാമി സൊല്ലുസുലാക്കാന സൊന്നാദ്‌നാലേമ് ആള്‌ഗാള് തലെനെ ബെ്ട്ടി കൊന്റവാര് നിഗാല്‌ഗാള്‌നാമ് നാന് കണ്ടെ. അവാര് ബേ്ണ്ട്‌നാഗൊ അയി ബേ്ണ്ട് സെലെനാഗൊ കുമ്മുഡത്തവാര്‌മ് നെറ്റിക്കൊ കയിക്കൊ മുദ്ദുറെ കുത്താത്തവാര്‌മ് ആയിന്താര്. അവാര് ഉജുരു കെ്ഡേസി ക്‌റ്‌സ്‌ത്തോഡൊപ്പ ആയിര ബര്‌സ്സ പെ്ളേത്താര്.
ကြော်ငြာတွေ