പിലെമോനു 1:5 - സാമി സേദി

⁵ അദ് എന്ത്‌ക്കെന്റദാന ആണ്ടവാന് ഏസ്സോഡ നിനാക്കിര്‌ക്കുവ നമ്പിക്കെനാമ് ഏസ്സ്‌ഗാറാരോഡ നിനാക്കിര്‌ക്കുവ സീവാന്‌നാമ് നാന് കേ്ട്ട്‌റ്‌ന്റെ.

പിലെമോനു 1:5 ပူးပေါင်းရင်းမြစ်များ

അപ്പോസുത്തലാര് 20:21

പാവ ഗേവാദ്‌ന തെ്റിന്ത് തള്ളി സാമിസാരി തിരിഗി ബരുഡൊ എന്റ്‌മ് നമ്മ് ആണ്ടവാന് ഏസ്സ്‌ന നമ്പുഡൊ എന്റ്‌മ് നാന് എഗുദാര്‌ക്ക് താനെ അല്ല എഗുദാര് അല്ലാത്ത ജാദിഗാള്‌ക്ക്‌മ് സൊക്കാന സൊല്ലിര്‌ക്ക്‌ന്റേന്.

റോമഗാറാര് 12:13

സാമിക്ക് പട്ടവാര്‌ക്ക് ബേ്ഡ്‌മാന കാര്യഗാള്‌ക്ക് ഉദാവി ഗേന്. നിമ്മ് പട്ട്‌ക്ക് ബന്ത് പോന്റവാര്‌ന നലമായി നോഡി ബ്‌ഡ്‌ന്.

1 കൊരിന്ത്യഗാറാര് 16:1

സാമിക്ക് പട്ടവാര്‌ന കയിതാങ്ക്യ ബേ്ണ്ടി പണ സേത്തുവ കാര്യന പറ്റി നിമ്മ എനാക്ക് എ്ള്‌ദിന്ത്‌റല്ല. ഈ കാര്യാത്ത്‌ല് നാന് ഗലാത്ത്യ നാഡ്‌ല ഏസ്സ്‌ഗാറാര് കൂട്ടാക്ക് സൊന്ന പാസെത്തെ നിമ്മാമ് ഗേഡൊ.

ഗലാത്ത്യഗാറാര് 5:6

ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ പരിസേദനെ സാത്ത്‌റ ഗേവാദൊ ഗേഗാദിര്‌ക്കുവാദൊ അല്ല ദൊഡ്ഡ കാര്യ. ക്‌റ്‌സ്‌ത്ത് ഏസ്സ്‌ന നമ്പി നഡാക്കുവാദ്‌നാലെ നമ്മ ബെത്ത് നഡാക്കുവ സീവാന്‌ത്തെ ദൊഡ്ഡ കാര്യ.

എപസോസുഗാറാര് 1:15

അദ്‌നാലെ ഏസ്സ്‌ഗാറാരാന എന്ന് എ്ണേവുഗാറാരെ, ആണ്ടവാന് ഏസ്സോഡ നിമാക്കിര്‌ക്കുവ നമ്പിക്കേന പറ്റിമ് സാമിക്ക് പട്ടവാരോഡ നിമാക്കിര്‌ക്കുവ സീവാന്‌ന പറ്റിമ് കേ്ട്ട നാള്‌ലിന്തേ നാന് നിമാക്ക് ബേ്ണ്ടി ഒപ്പ പരേസികൊണ്ടു സാമിക്ക് നണ്ണി സൊന്റെ.

1 തെസെലോനിക്ക്യഗാറാര് 3:6

ആന തിമിത്തോസു ഇന്നാല് നിമ്മ് പട്ട്‌ലിന്ത് തിരിഗി ബന്ത് നിമ്മ നമ്പിക്ക്യുള്ളവാര്‌മ് സീവാനുള്ളവാര്‌മ് ആയിര്‌ക്ക്‌ന്റ്‌റ് എന്നുവ നല്ല സേദിന എമാക്ക് സൊന്നാന്. എമ്മ നിമാന കാണ്യ ആസെപഡുവ പാസെ നിമ്മാമ് എമാന കാണ്യ ആസെപഡുവാദ്‌നാമ് എമാന നിമ്മ ഒപ്പ നെനേക്കുവാദ്‌നാമ് അയാള് എമാക്ക് സൊന്നാന്.

പിലെമോനു 1:7

പൊന്നാ, നീ ഏസ്സ്‌ഗാറാരോഡ സീവാന്‌ബെത്ത് അവാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുത്തു അവാര് മനേസ്സ്‌ന ദ്‌ഡ്‌ക്കന മാഡ്‌നായി. അദ്‌നാലെ എനാക്ക് പിര്യാമ് ബന്ത്‌ദ്, എനാക്ക് ദ്‌ഡ്‌ക്കനാമ് ആറ്റ്.