മര്‌ക്കോസു 9:9 - സാമി സേദി

⁹ അവാര് മലേലിന്ത് ഇ്റാഗി ബര്‌ഗാട്ടി ഏസ്സ് അവാര്‌ക്ക്: <<മന്‌സാനായി പ്‌റാന്തവാന് സത്തവാര് പട്ട്‌ലിന്ത് ഉജുര്‌ളാഗമാട്ട്‌ക്ക് ഈ കണ്ടാദ്‌ന പറ്റി ആര്‌ക്ക്‌മ് സൊല്ല ബേ്ഡ>> എന്റ് കണ്ടിപ്പായി സൊന്നാന്.

മര്‌ക്കോസു 9:9 ပူးပေါင်းရင်းမြစ်များ

മത്തായി 12:19

അയാള് തറ്‌ക്ക്യാഗൊ, അഗാറ്യഗൊ നില്ലമാട്ടാന്. തെരുവുക്ക്‌റാഗ ആര്‌മ് അയാള് ജദ്ദന കേ്ള്‌ക്കമാട്ടാര്.

മത്തായി 12:40

ഓന സാമിദാസ് ദൊഡ്ഡ മീന് ബേ്റ്കുളാക്ക് റാവുപഗാല് മൂറു നാള് ഇന്ത പാസെ മന്‌സാനായി പ്‌റാന്തവാന്‌മ് റാവുപഗാല് മൂറു നാള് മണ്ണ്‌കുളാക്ക് ഇര്‌ക്കുവാന്.

മത്തായി 16:21

അയി നാള്‌ലിന്ത് ഏസ്സ്: <<എനാക്ക് എര്‌സലേമ്‌ക്ക് പോഡൊ. അദ്‌ല് ബെത്ത് മൂപ്പനാമ്‌ഗാള്‌മ് എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് കയിലിന്ത് എഞ്ചോ കജട്ടഗാള് താങ്ക്യ ഇര്‌ക്ക്‌ന്റ്. എനാന കൊല്ല്യാമ് കൊഡുക്കുവാര്. ആന നാന് മൂറാവാദ് നാള് ഉജുര്‌ളാഗുവെ>> എന്റ് സൊല്ലുപഡി നഡാക്ക്‌ന്റവാര്‌ക്ക് സൊല്ല്യ പ്‌ഡിത്താന്.

മത്തായി 27:63

<<പണ്ണാഡ്യെ, അയി സദിഗാറാന് ഉജുരോഡ ഇര്‌ക്കാട്ടി <മൂറാവാദ് നാള് നാന് ഉജുര്‌ളാഗുവെ> എന്റ് സൊന്നാദ് എമാക്ക് നെനേവു ബന്ത്‌ദ്.

മത്തായി 8:4

പ്‌റ ഏസ്സ് അയാള്‌ക്ക്: <<നോഡു, ഇദ്‌ന ആര്‌ക്ക്‌മ് സൊല്ലാദെ. ആന നീ പോയി നിനാന താനെ പൂസാരിക്ക് കാട്ട്. അദ്‌ക്ക് പ്‌റ നീ സുത്താപ്പാനായി എന്റ് അഡ്‌ത്തവാര് കാണ്യ ബേ്ണ്ടി മോസെ സൊന്ന നേര്‌സെന കൊഡു>> എന്റ് സൊന്നാന്.

മര്‌ക്കോസു 5:43

<<ഈ ഗേന്താദ്‌ന ആര്‌ക്ക്‌മ് സൊല്ല ബേ്ഡ>> എന്റ് ഏസ്സ് അവാര്‌ക്ക് കണ്ടിപ്പായി സൊന്നാന്. അവാള്‌ക്ക് തിന്ന്യ എന്തൊന്റു കൊഡുക്ക്യാമ് സൊന്നാന്.

മര്‌ക്കോസു 7:36

<<ഇദ്‌ന ആര്‌ക്ക്‌മ് സൊല്ല ബേ്ഡ>> എന്റ് ഏസ്സ് ആള്‌ഗാള്‌ക്ക് സൊന്നാന്. ഏസ്സ് എത്തെ സൊന്നാനൊ അദേപാസെ അവാര് ബേ്റെ ആള്‌ഗാള്‌ക്ക് പൂര സൊല്ലി പജാത്ത്‌നാര്.

മര്‌ക്കോസു 9:10

അദ്‌നാലെ അവാര് കണ്ടാദ് ഒന്റുനാമ് ആര്‌ക്ക്‌മ് സൊല്ലാലെ. ആന സത്തവാര് പട്ട്‌ലിന്ത് ഉജുര്‌ളാഗുവെ എന്റ് അയാള് സൊന്ന അര്‌ത്ത എന്തെന്റ് അവാര് തമ്മ തമ്മ നായനൊഡിന്ത് കൊണ്ടു ഇന്താര്.

മര്‌ക്കോസു 9:8

അവാര് സട്ടന സുറ്റീല്‌മ് നോഡുനാര്. അയി സമ്യ തമ്മോഡൊപ്പ ഏസ്സ്‌നാത്തെ കണ്ടാര്. ബേ്റെ ആര്‌നാമ് അവാര് കാണാലെ.

ലൂക്കോസു 24:46

<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്,

ലൂക്കോസു 9:36

അയി ജദ്ദ ബന്ത്‌കൊണ്ട്‌റ്‌ക്കാട്ടി ഏസ്സ് താനെത്തെ അദ്‌ലിന്താനെന്റ് അവാര് കണ്ടാര്. ഈ കാര്യഗാള്‌ന അവാര് മനേസ്സ്‌കുളാക്ക് താനെ ബെത്തിന്താര്. ഈ കണ്ടാദ്‌ന പറ്റി അയി നാള്‌ഗാള്‌ല് അവാര് ആര്‌ക്ക്‌മ് സൊല്ലാമില്ലെ.