മര്‌ക്കോസു 9:43 - സാമി സേദി43 നിന്ന് കയി നിനാന പാവ ഗേയ ബെത്തദാന അദ്‌ന ബെ്ട്ടി തള്ള്. നീ റാഡ് കയ്യോഡ നരഗാത്ത്‌ല് കെ്ഡാദെ ഇര്‌ക്കുവ തീക്ക് പോവാദ്‌ന ബ്‌ഡ ഒന്റു കയി ഇല്ലത്തവാനായി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് പോവാദ് നിനാക്ക് നല്ലാദ്. အခန်းကိုကြည့်ပါ။ |
മര്‌ക്കോസു 9:43
23 ပူးပေါင်းရင်းမြစ်များ
അയാള് തിരിഗി പോയി തന്ന് പണ്ണാഡിക്ക് ഇദ്‌നൊട്ടുക്കു സൊന്നാന്. അദുക്കുള ബിര്‌ന്ത്‌ക്ക് ആള്‌ഗാള്‌ന ബ്‌ളിത്ത ബീ്ഡ്‌ഗാറാന്‌ക്ക് മൊനെ ബന്ത് തന്ന് ഗിലാസഗാറാന്‌ക്ക്: <നീ ബേഗ പോയി പട്ടണാത്ത്‌ല ബട്ടേക്ക്‌റാഗാമ് തെരുവുക്ക്‌റാഗാമ് ഇര്‌ക്കുവ ഏ്ളെമോളെഗാള്‌നാമ്, കുറുഡാര്‌ഗാള്‌നാമ്, കയിമൊണ്ടി കാല്‌മൊണ്ടിഗാള്‌നാമ് കാലില്ലാത്തവാര്‌ഗാള്‌നാമ് കൂട്ടി ബാ> എന്റ് സൊന്നാന്.
ഇത്തെ സാമി ഗവ പട്ടാദ്‌നാലെ സാമിന മദിസ്യ ഉവഗരപഡാത്ത കാര്യഗാള്‌ന ഗേഗാദിര്‌ക്കുഡൊ എന്റ്‌മ്, ഉലഗാത്ത്‌ല ജനഗാള് പെ്ളേക്കുവ പാസെ പെ്ളേക്ക്യ ആസെപഡാദിര്‌ക്കുഡൊ എന്റ്‌മ് നമാന പഡ്‌സ്‌ന്റ്. അദ്‌താനേമല്ല ഈ ഉലഗാത്ത്‌ല് ബുദ്ദ്യുള്ളവാര് ആയിര്‌ക്ക്യാമ്, നേര്‌മെഗാറാര് ആയിര്‌ക്ക്യാമ്, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്‌ന്റവാര് ആയിര്‌ക്ക്യാമ് നമാന പഡ്‌സ്‌ന്റ്.
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
ကြော်ငြာတွေ