മര്‌ക്കോസു 9:18 - സാമി സേദി

¹⁸ അദ് ഏദ് ഗളിഗേക്കെല്ല ഇ്ളാഗ്‌ന്റൊ അയി ഗളിഗേക്കെല്ല അയാള്‌ന മണ്ണ്‌ക്ക് ഉന്തി ബീ്ക്ക്‌ന്റ്. അവാന് ബായിലിന്ത് നൊരേമ് ജൊല്ലുമു ബന്റ്; അയാള് പല്ല്‌നാമ് കഡിക്ക്‌ന്റാന്; അത്തെ ആവാദോഡ അയാള് ഉരുവെല്ല ബെ്റേത്ത് മരതട്ടി തള്ള്‌ന്റ്. ഈ ജാദിന തട്ടിസിതള്ള്യ നിന്ന് സൊല്ലുപഡി നഡാക്ക്‌ന്റവാര്‌ക്ക് സൊന്നെ. ആന അവാര്‌ക്ക് മുഡ്യാലെ>> എന്റ് സൊന്നാന്.

മര്‌ക്കോസു 9:18 ပူးပေါင်းရင်းမြစ်များ

മത്തായി 15:22

അയി നാഡ്‌ലിന്ത് ഒന്റു കനാന്‌ഗാറ്‌സി ഏസ്സ് പട്ട്‌ക്ക് ബന്ത്: <<ആണ്ടവാനെ, ദാവീദ് കാല്‌ക്ക് പട്ടവാനെ, എനാന ഗവപഡുഡോമെ, എന്ന് മഗാള്‌ക്ക് കെ്ട്ടജാദി തട്ടി അവാള് അപ്പാര കൊഡിമെപഡ്‌ന്റാള്>> എന്റ് അഗാറി കൊണ്ടു സൊന്നാള്.

മത്തായി 17:16

ഇവാന്‌ന നാന് നിന്ന് സൊല്ലുപഡി നഡാക്ക്‌ന്റവാര് പട്ട്‌ക്ക് എ്ഡ്‌ത്ത് ബന്തെ. ആന അവാര്‌ക്ക് തെ്ളിസ്യ മുഡ്യാലെ>> എന്റ് സൊന്നാന്.

മത്തായി 8:12

ആന സാമി ആളുവാദ്‌ക്ക് ഉരിമെഗാറാര് ആയ ഇന്ത ഇസ്‌റവേല്‌ഗാറാര്‌നാഗൊ, ഒന്റേപെ്ട്ട് ബെ്ളിഗെ ഇ്റ്‌ട്ടൂറിര്‌ക്കുവ പട്ട്‌ക്ക് തെ്റിന്ത് തള്ളുവാര്. അദ്‌ല് അവാര് കേ്യിന്ത്‌കൊണ്ടു പല്ല്‌ന ന്‌റ്‌ന്‌റ കഡിക്കുവാര് എന്റ് നാന് നിമാക്ക് സൊന്റെ>> എന്റ് സൊന്നാന്.

മര്‌ക്കോസു 11:23

നിമ്മ ആരാറ്റ മനേസ്സ്‌ല് സന്തേഗപഡാദെ നാന് സൊല്ലുവാദ് നഡാക്ക്‌മ് എന്റ് നമ്പിക്കോഡ ഈ മലെന <പ്‌ഡാങ്കി പോയി കഡാല്‌ക്ക് ബീ്ഗ്> എന്റ് സൊന്ന അദ് അദേപാസെ നഡാക്ക്‌മ് എന്റ് നാന് സത്ത്യമായിമ് നിമാക്ക് സൊന്റെ.

മര്‌ക്കോസു 9:17

ആള് കൂട്ടാത്ത്‌ലിന്ത് ഒരുത്താന് ഇത്തെ സൊന്നാന്: <<ഗുരുവെ, നാന് എന്ന് മഗാന്‌ന നിന്ന് പട്ട്‌ക്ക് എ്ഡ്‌ത്ത് ബന്തെ; ഒന്റു കെ്ട്ടജാദി അവാന്‌ക്ക് തട്ടിരിക്ക്‌ന്റ്, അദ് അവാന്‌ന ഊമെ ബീ്ക്കി ബെത്ത്‌റ്‌ക്ക്‌ന്റ്.

മര്‌ക്കോസു 9:19

അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലാത്ത ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.

മര്‌ക്കോസു 9:20

അവാര് അയി മഗാന ഏസ്സ് പട്ട്‌ക്ക് എ്ഡ്‌ത്ത് ബന്താര്. ഏസ്സ്‌ന കണ്ടാദ്‌മ് അയി ജാദി അവാന്‌ന ഗ്‌ഡ്‌ഗ്‌ഡ ആഡ്‌സ്‌റ്റ്. അയി മഗ മണ്ണ്‌ക്ക് ബ്‌ന്ത് ഉറുണ്ടുദു. ബായിലിന്ത് ജൊല്ലുമു, നൊരേമ് ബന്ത്‌ദ്.

മര്‌ക്കോസു 9:26

അയി സമ്യ അയി ജാദി ദൊഡ്ഡാദ്‌ക്ക് അഗാറി കൊണ്ടു അവാന്‌ന ലേസ അത്തഗ തൂക്കി എ്ഡ്‌ത്ത് എ്റിന്ത് ബ്‌ട്ട് ബെ്ളിഗെ പോറ്റു. അയി മഗ സത്ത പാസെ ആനാന്. <<അയാള് സത്ത് തള്ള്‌നാന്>> എന്റ് പല ആള്‌ഗാള് സൊന്നാര്.

അപ്പോസുത്തലാര് 7:54

തെപാനോസു സൊന്ന ഈ നായന കേ്ട്ട് എഗുദ കോഡിദിഗാറാര്‌ക്ക് മൊനെ ബന്ത്‌ദ്. അദ്‌നാലെ അവാര് തെപാനോസുക്കു നേരെ പല്ല്‌ന കഡിത്താര്.

ജൂദാന് 1:13

കഡാല്‌ക്ക് എജ്ജുസുവ എ്ള്‌ക്ക് പ്‌ഡിത്ത സണ്ട്‌സളാങ്ക്‌ഗാള്‌ന കഡാല് തെരെഗാള് ഏ്ട്ടിക്ക് ഏ്റ്‌സുവ പാസെത്തെ ഇവാര് ഗേവ കെ്ട്ട കാര്യഗാള്. തനാക്ക് ബേ്ണ്ടി സാമി ബെത്ത്‌റ്‌ക്കുവ എ്ഡേലിന്ത് തപ്പി പോവ ബെ്ള്ളിഗാള്‌ന പാസെത്തെ എന്ത്‌ക്ക് ബേ്ണ്ടി പെ്ളേക്കുഡൊ എന്നുവ നെനേവു ഇല്ലാദിര്‌ക്കുവ ഇവാര് പെ്ളേപ്പ്. ഇത്തവാള്‌ഗാള് കഡേസില് പോയി എജ്ജുവാദ് എന്നാല്‌ക്ക്‌മ് ഇ്റ്‌ട്ട് കെ്ട്ടിര്‌ക്കുവ എ്ഡേക്ക്‌ത്തെ.