മര്‌ക്കോസു 8:21 - സാമി സേദി

²¹ <<ഇദെല്ല നിമാക്ക് നെപ്പ് ഇര്‌ക്ക്‌ന്റ. എന്റ്‌ഗുഡി നിമാക്ക് എന്ത്‌ക്ക് തെരിവാദില്ലെ?>> എന്റ് ഏസ്സ് അവാര്‌ന കേ്ട്ടാന്.

മര്‌ക്കോസു 8:21 ပူးပေါင်းရင်းမြစ်များ

മര്‌ക്കോസു 6:52

അഞ്ചായിര ആള്‌ഗാള്‌ക്ക് തീറ്റ്‌സ്‌നാദ്‌ന അവാര് കണ്ടാര്. ആന അദുക്കുള്ള അര്‌ത്ത അവാര്‌ക്ക് തെര്യാലെ; എന്ത്‌ക്കെന്റ് സൊന്ന അവാര് നെഞ്ച് മര നെഞ്ച് ആയിന്ത്‌ദ്.

മര്‌ക്കോസു 8:12

അയാള് മനേസ്സ്‌കുളാക്ക് മുട്ടുമുട്ടുത്തു സുഗിത്ത് കൊണ്ടു: <<ഈ കാലാത്ത്‌ലവാര് അഡ്യാള പരാക്കുവാദ് എന്ത്‌ക്ക്? നാന് സത്ത്യമായിമ് നിമാക്ക് സൊന്റെ, അവാര്‌ക്ക് അഡ്യാള ഒന്റുമു കെ്ഡേക്കമാട്ട>> എന്റ് അവാര്‌ക്ക് സൊന്നാന്.

1 കൊരിന്ത്യഗാറാര് 15:34

നല്ല നെനേവു ഉള്ളവാര് ആയി പാവ ഗേവാദ്‌ന തെ്റിന്ത് തള്ള്‌ന്. നാന് നിമാന നാണഗെ്ഡിസ്യ ബേ്ണ്ടി ഇത്തെ സൊന്റെ, നിമ്മ് കൂട്ടാത്ത്‌ല് ലേസ ആള്‌ഗാള്‌ക്ക് സാമിന പറ്റി ഒന്റു സുക്കുമു തെര്യ.

1 കൊരിന്ത്യഗാറാര് 6:5

നിമാന നാണഗെ്ഡിസ്യ നാന് ഇത്തെ കേ്ള്‌ക്ക്‌ന്റെ: ഇത്തവ മല്ല്‌ഗാള്‌ന സൊല്ലി തീര്‌ക്ക്യ തിരമെ ഇര്‌ക്കുവ ബുദ്ദിസാലിഗാള് ആരാറ്റ നിമ്മ് കൂട്ടാത്ത്‌ല് ഇല്ലേഗ?

ഓഗന്നാന് 14:9

ഏസ്സ് അയാള്‌ക്ക് ഇത്തെ സൊന്നാന്: <<നാന് ഇഞ്ചൊന്റു നാള് നിമ്മോഡ ഇന്ത് ഗുഡി നിനാക്ക് എനാന തെരിവാദില്ലേഗ പീലിപോസെ? എനാന കണ്ടവാന് അപ്പാന്‌ന കണ്ട്‌റ്‌ന്റാന്, പിന്നെ അപ്പാന്‌ന കാട്ടി തരുഡൊ എന്റ് നീ സൊല്ലുവാദ് എത്തെ?

മര്‌ക്കോസു 9:19

അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലാത്ത ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.

മര്‌ക്കോസു 8:17

അവാര് എന്ത്‌ന പറ്റി സൊന്റാര് എന്റ് ഏസ്സ്‌ക്ക് തെരിന്ത്‌ദ്. അദ്‌നാലെ അയാള് അവാര്‌ന ഇത്തെ കേ്ട്ടാന്: <<അഡേന എ്ഡ്‌ക്കത്താദ്‌ന പറ്റി നിമ്മ എന്ത്‌ക്ക് ആങ്കീങ്ക് സൊല്ലുവാദ്? നിമ്മ ഇന്നിമ് കാണാദേഗൊ തെര്യാദേഗൊ ഇര്‌ക്ക്‌ന്റ്‌റ? നിമ്മ മന്തബുദ്ദിഗാറാരായി താനെത്തെ ഇര്‌ക്ക്‌ന്റ്‌റ?

മര്‌ക്കോസു 8:22

പ്‌റസാരി അവാര് ബേദ്‌സയിദ നാഡ്‌ക്ക് എജ്ജ്‌നാര്. അയി സമ്യ ലേസ ആള്‌ഗാള് ഒന്റു കുറുഡാന്‌ന അയാള് പട്ട്‌ക്ക് എ്ഡ്‌ത്ത് ബന്താര്. <<അയാള്‌ന സെറ്റെ അണ്ണുഡൊ>> എന്റ് ഏസ്സ്‌ക്ക് അവാര് സൊന്നാര്.