മര്‌ക്കോസു 8:2 - സാമി സേദി

² <<ഈ ആള്‌ഗാള് ഇന്നാല് മൂറു നാളായി എന്നോഡൊപ്പ ഇര്‌ക്ക്‌ന്റാര്. അവാര്‌ക്ക് തിന്ന്യ ഒന്റുമു ഇല്ലത്താദ്‌നാലെ അവാര്‌ന നെനേത്ത് എനാക്ക് ബേ്റ്‌വേന്റ്. അവാര്‌ക്ക് തീനി കൊഡുക്കാദെ സൊല്ലി ബ്‌ഡ്യ എനാക്ക് മനേസ്സ്‌മില്ലെ.

മര്‌ക്കോസു 8:2 ပူးပေါင်းရင်းမြစ်များ

മത്തായി 14:14

ഏസ്സ് ബന്ത് ദൊഡ്ഡ ഒന്റു കൂട്ട ആള്‌ഗാള്‌ന കണ്ട് ബേ്റ്‌വെന്ത് അവാര് കൂട്ടാത്ത്‌ലിന്ത നോയിഗാറാര്‌ന തെ്ള്‌സ്‌നാന്.

മത്തായി 20:34

ഏസ്സ്‌ക്ക് ഗവ പ്‌ഡിത്ത് അവാര് കണ്ണ്‌ന അണ്ണ്‌നാന്. അന്നാല് താനെ അവാര്‌ക്ക് കണ്ണ് കാട്ട്‌റ്റ്. പ്‌റ അവാര് ഏസ്സ് പിന്ന്‌മേലെ പോനാര്.

മത്തായി 9:36

അയി ആള്‌ഗാള്‌ന മാട്ട്യാനില്ലാത്ത കൊറ്യാഡ്‌ഗാള്‌ന പാസെ അര്‌ക്കപഡ്‌ന്റവാര്‌മ് ഉദാവി ഗേയ ആര്‌മ് ഇല്ലത്തവാരായിമ് കാണ്‌ഗാട്ടി ഏസ്സ്‌ക്ക് കറ്‌മ്മപ്‌ഡിത്ത്‌ദ്.

മര്‌ക്കോസു 1:41

ഏസ്സ്‌ക്ക് അയാള്‌ന കണ്ട് ബേ്റ്‌വെന്ത്‌ദ്. ഏസ്സ് കയിന നീ്ട്ടി അയാള്‌ന അണ്ണി: <<എനാക്ക് മനേസ്സ് ഇര്‌ക്ക്‌ന്റ്; നീ സുത്താപ്പാഗ്>> എന്റ് സൊന്നാന്.

മര്‌ക്കോസു 5:19

ഏസ്സ് അയാള്‌ന ബര ബേ്ഡ എന്റ് സൊന്നാന്. <<നീ ബീ്ഡ്‌ക്ക് പോയി സാമി ബേ്റ്‌വായിവെന്ത് നിനാക്ക് ഗേന്താദ്‌ന ഒട്ടുക്കു കുഡുമകൂട്ടഗാറാര്‌ക്ക് സൊല്ലുഡൊ>> എന്റ് സൊന്നാന്.

മര്‌ക്കോസു 6:32

അത്തെ അവാര് തമ്മ താനെ തോണിക്ക് ഏ്റി ഒന്റു ആളില്ലാത്ത എ്ഡേക്ക് പോനാര്.

മര്‌ക്കോസു 6:34

ഏസ്സ് തോണിലിന്ത് ഇ്റാഗാട്ട്യെല്ല തനാന കാത്ത്‌കൊണ്ടു ജനഗാള് അദ്‌ലിന്താദ്‌ന അയാള് കണ്ടാന്. മാട്ട്യാനില്ലാത്ത കൊറ്യാഡ്‌ഗാള്‌ന പാസെ ഇര്‌ക്കുവ അവാര്‌ന കണ്ട് ഏസ്സ്‌ക്ക് ബേ്റ്‌വെന്ത്‌ദ്. പല കാര്യഗാള്‌നാമ് അവാര്‌ക്ക് പഡിസ്യ പ്‌ഡിത്താന്.

മര്‌ക്കോസു 8:3

എന്ത്‌ക്കെന്റ് സൊന്ന അവാര് ബീ്ഡ്‌ക്ക് പോഗാട്ടി ബട്ടേല് ബെത്ത് തണാങ്കി തള്ളുവാര്. അവാര്‌ല് പഗ്‌ദ്യാള്‌ഗാള് ദൂരാത്ത്‌ലിന്ത് ബന്ത്‌റ്‌ന്റാരല്ല?>>

മര്‌ക്കോസു 9:22

അയി ജാദി അവാന്‌ന കൊല്ല്യ ബേ്ണ്ടി എഞ്ചോ ജമ്പ് തീക്ക്‌മ്, നീര്‌ക്ക്‌മ് ഉന്ത്യെ്ഡ്‌ത്ത് ബീ്ക്കിര്‌ന്റ്. ആന നിനാക്ക് എന്തൊന്റു ഗേയ മുഡിന്തദാന ബേ്റ്‌വായിവെന്ത് എമാന കാപാറ്റുഡൊ>> എന്റ് അയാള് സൊന്നാന്.

ലൂക്കോസു 15:20

അത്തെ അയാള് ഇ്ളാഗി അപ്പാന് പട്ട്‌ക്ക് തിരിഗി പോനാന്. ആന ദൂരാത്ത്‌ലിന്ത് താനെ മഗാന്‌ന കാണ്‌ഗാട്ടി അപ്പാന്‌ക്ക് ബേ്റ്‌വെന്ത് മഗാന് പട്ട്‌ക്ക് ഓഡി പോയി മഗാന്‌ന ദബി പ്‌ഡിത്ത് മുത്തമിക്ക്‌നാന്.

ലൂക്കോസു 7:13

ആണ്ടവാന്‌ക്ക് അവാള്‌ന കണ്ട് ബേ്റ്‌വേഗാട്ടി <<കേ്യ ബേ്ഡ>> എന്റ് അവാള്‌ക്ക് സൊന്നാന്.

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.

എവുറായാര് 4:15

നമാക്ക് ഇര്‌ക്കുവ കൊറേവുഗാള്‌ന കണ്ട് കറ്‌മ്മപ്‌ഡിക്കാത്ത ഒന്റു ദൊഡ്ഡ പൂസാരി അല്ല നമാക്ക് ഇര്‌ക്കുവാദ്. അദ്‌ക്ക് ബദ്‌ല എല്ലാ ദിന്‌സ്‌ല്‌മ് നമാന പാസെ സോദണെ പട്ട് ഗുഡി പാവ ഗേഗാത്തവാന് ആയിന്ത ഒന്റു ദൊഡ്ഡ പൂസാരിത്തെ നമാക്ക് ഇര്‌ക്കുവാദ്.

എവുറായാര് 5:2

എഗുദാര് ദൊഡ്ഡ പൂസാരിമ് കൊറേവുള്ളവാന്‌ത്തെ. അദ്‌നാലെ അയാള് അറുവില്ലത്തവാര്‌നാമ് തപ്പ് ഗേന്റവാര്‌നാമ് കറ്‌മ്മ പട്ട് നഡാക്ക്യ മുഡിന്റവാന്‌ത്തെ.