മര്‌ക്കോസു 7:27 - സാമി സേദി

²⁷ അവാള്‌ക്ക് ഏസ്സ്: <<മക്കാള് അഡേന എ്ഡ്‌ത്ത് നായി കുട്ടിഗാള്‌ക്ക് കൊഡുക്കുവാദ് നല്ലാദല്ല. മുദാല് മക്കാള്‌ഗാള്‌ന തിന്ന്യ ബ്‌ഡ്‌ഡൊ>> എന്റ് സൊല്ലി കൊഡുത്താന്.

മര്‌ക്കോസു 7:27 ပူးပေါင်းရင်းမြစ်များ

മത്തായി 10:5

ഈ പന്നന്റാള്‌ഗാള്‌നാമ് സൊല്ലി ബ്‌ഡ്‌ഗാട്ടി അവാര്‌ക്ക് ഏസ്സ് സൊന്നാദ് എന്തെന്റ് സൊന്ന: <<എഗുദാരല്ലാത്ത ജാദിഗാള് പട്ട്‌ക്ക്‌മ് സമര്യഗാറാര് പട്ടണാക്ക്‌മ് പോഗാദേന്.

മത്തായി 7:6

ബെലെപെറ്റ കാര്യഗാള്‌ന നായിഗാള്‌ന പാസെ കെ്ട്ടവാരാന ആള്‌ഗാള്‌ക്ക് നിമ്മ കൊഡുക്ക ബേ്ഡ. അവാര് നിമാന നായിഗാള്‌ന പാസെ തിരിക്കി കപ്പികൊഡേന്റവാര്‌ത്തെ. ബെലെപെറ്റ മുത്തുഗാള്‌ന പന്റിഗാള്‌ന പാസെ കെ്ട്ടവാരാന ആള്‌ഗാള്‌ക്ക് കൊഡുക്ക ബേ്ഡ. അദ്‌ന അവാര് മെ്ട്ടിതൊഗേത്ത് തള്ളുവാര്.>>

മര്‌ക്കോസു 7:26

അവാള് എഗുദ ജാദിഗാറിസി അല്ല. സ്‌റിയ എന്നുവ നാഡ്‌ല് പൊയിനിക്ക്യ എന്നുവ എ്ഡേല് പ്‌റാന്ത് ബളാന്ത ഒന്റു എവന നാഡ്‌ഗാറിസി. <<എന്ന് മഗാള്‌ക്ക് തട്ടിര്‌ക്കുവ കെ്ട്ടജാദിന സെറ്റെ തട്ടിസി തള്ള്‌ഡൊ>> എന്റ് അവാള് ഏസ്സ്‌ന കേ്ട്ടാള്.

മര്‌ക്കോസു 7:28

<<ആണ്ടവാനെ, അദ് സെരിത്തെ. ആന മക്കാള് തിന്ന്‌ഗാട്ടി പീങ്കാത്ത്‌ലിന്ത് പൊഡിന്ത് അലേവ അഡെഗാള്‌ന നായി കുട്ടിഗാള് ഗുഡി തിന്ന്‌ന്റല്ല?>> എന്റ് അവാള് ഏസ്സ്‌ക്ക് സൊന്നാള്.

അപ്പോസുത്തലാര് 22:21

ആന ആണ്ടവാന് എനാക്ക്: <പൊ! നാന് നിനാന ദൂരാത്ത്‌ല് ഇര്‌ക്കുവ എഗുദാരല്ലാത്ത ജാദിഗാള് പട്ട്‌ക്ക് സൊല്ലി ബ്‌ഡ്‌വെ> എന്റ് സൊന്നാന്.>>

റോമഗാറാര് 15:8

ക്‌റ്‌സ്‌ത്ത് എഗുദാര് ജാദിഗാള്‌ക്ക് ഗിലാസഗാറാന് ആയി ബന്താദ് അവാര് പാട്ടനാമ്‌ക്ക് സാമി താന് കൊഡുത്ത ബാക്ക്‌ന തവാറ്‌സത്തവാന് എന്റ്‌മ് അയി ബാക്ക് സത്ത്യ എന്റ് കാട്ട്യ ബേ്ണ്ടിമ്‌ത്തെ എന്നുവാദ്‌ന മറാക്കദേന്.

എപസോസുഗാറാര് 2:12

അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്.