മര്‌ക്കോസു 7:2 - സാമി സേദി

² അയാള് സൊല്ലുപഡി നഡാക്ക്‌ന്റവാര്‌ല് ലേസ ആള്‌ഗാള് എഗുദാര് ഗേവ സട്ടപഡി തമ്മ് കയിന നലമായി കച്ചാദെ തിന്നുവാദ്‌ന അവാര് കണ്ടിന്താര്.

മര്‌ക്കോസു 7:2 ပူးပေါင်းရင်းမြစ်များ

മത്തായി 15:2

<<നിന്ന് സൊല്ലുപഡി നഡാക്ക്‌ന്റവാര് പാട്ടനാമ് ബെത്ത സട്ട്‌മെ്ട്ട്‌പഡി നഡാക്കാദിര്‌ക്കുവാദ് എന്ത്‌ക്ക്? അവാര് തിന്നുവാദ്‌ക്ക് മുദാല് കയി കച്ചുവാദില്ല്യല്ല?>> എന്റ് സൊന്നാര്.

മര്‌ക്കോസു 7:5

അദ്‌നാലെ പരിസാര്‌ഗാള്‌മ് ബേദബാത്ത്യനാമ്‌ഗാള്‌മ്, <<നിന്ന് സൊല്ലുപഡി നഡാക്ക്‌ന്റവാര് പാട്ടനാമ് ബെത്ത സട്ട്‌മെ്ട്ട്‌ന തെ്റിന്ത് കയി കച്ചാദെ തിന്റാര്. ഇദ് സെര്യ?>> എന്റ് ഏസ്സ്‌ന കേ്ട്ടാര്.

ലൂക്കോസു 11:38

എഗുദാര് സട്ടപഡി തിന്നുവാദ്‌ക്ക് മുദാല് അയാള് കയി കച്ചാദെ തീനി തിന്ന്യ കുക്കാന്താദ്‌ന കണ്ട് അയി പരിസാന് അദിസ്യപട്ടാന്.

അപ്പോസുത്തലാര് 10:28

പത്ത്‌റോസു അവാര്‌ക്ക് ഇത്തെ സൊന്നാന്, <<എഗുദാരല്ലാത്ത ജാദിഗാള് പട്ട്‌ക്ക് പോവാദ്‌മ്, അവാരോഡ എ്ണേന്ത് നഡാക്കുവാദ്‌മ് എഗുദാര്‌ക്ക് ആഗ എന്നുവ സട്ട നിമാക്കെല്ല നലമായി തെരിവു. ആന ആര്‌നാമ് കെ്ട്ടവാന് എന്റൊ ആഗാത്തവാന് എന്റൊ നെനേക്ക ബേ്ഡ എന്റ് സാമി എനാക്ക് കാട്ടി തന്ത്‌റ്‌ന്റാന്.

അപ്പോസുത്തലാര് 11:8

ആന നാന് സൊന്നെ, <ആണ്ടവാനെ, എന്നാല്‌ക്ക്‌മ് നാന് ഇദ്‌ന തിന്നാഗേ മാട്ടെ. തിന്ന്യ അയിത്ത്യുള്ളാദ്‌നാമ് തിന്ന ബേ്ഡ എന്റ് സട്ട ബെത്ത്‌റ്‌ക്കുവാദ്‌നാമ് നാന് എന്നാല്‌മ് എന്ന് ബായിക്ക് അണ്ട്‌സാഗെ ഇല്ലെ.>

റോമഗാറാര് 14:14

നാന് ആണ്ടവാന് ഏസ്സോഡ ഒന്റായി ഇര്‌ക്കുവാദ്‌നാലെ തിന്നുവ ഏദ് ജാദിമ് ആഗ അല്ല എന്റ് എനാക്ക് ഒറേപ്പിര്‌ക്ക്‌ന്റ്. ആന തിന്നുവ ഏദൊന്റു ജാദിമ് ആഗ എന്റ് ആരാറ്റ നെനേത്തദാന അദ് അയാള്‌ക്ക് ആഗാത്തെ.

ബെ്ളിപട്ട കാര്യ 21:27

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ കൊറ്യാഡ് കുട്ടി ബൊക്കുലു പേര് ഇര്‌ക്ക്‌ന്റവാര്‌ക്ക് താനെത്തെ അദ്‌ക്ക് കഡാക്ക്യ മുഡിമ്. അയിത്ത്യുള്ളാദ് ഒന്റുമു അദ്‌ക്ക് കഡാക്ക്യ മുഡ്യാമാട്ട. നാണഗെ്ട്ട കാര്യഗാള് ഗേന്തൊ, പൊയി സൊല്ല്യൊ നഡാക്കുവ ആര്‌മ് അദ്‌ക്ക് കഡാക്കമാട്ടാര്.