മര്‌ക്കോസു 6:6 - സാമി സേദി

⁶ അവാര്‌ക്ക് നമ്പിക്കെ ഇല്ലത്താദ്‌നാലെ ഏസ്സ് അദിസ്യപട്ടാന്. പിന്നെ ഏസ്സ് സുറ്റുമു ഇര്‌ക്കുവ ഊരുഗാള്‌ക്ക് പോയി ആള്‌ഗാള്‌ന പഡിസിന്താന്.

മര്‌ക്കോസു 6:6 ပူးပေါင်းရင်းမြစ်များ

മത്തായി 4:23

പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മത്തായി 8:10

ഏസ്സ് ഇദ്‌ന കേ്ട്ട് അദിസ്യപട്ട് കൊണ്ടു തന്ന് പിന്ന്‌മേലെ പോന്റവാര്‌ക്ക്: <<ഇസ്‌റവേല്‌ഗാറാര്‌ല് ഒരുത്താന്‌ക്ക് ഗുഡി ഇത്ത്‌റ ദൊഡ്ഡ നമ്പിക്കെ ഇര്‌ക്കുവാദ്‌ന നാന് കാണാലെ എന്റ് നാന് സത്ത്യമായി നിമാക്ക് സൊന്റെ.

മത്തായി 9:35

ഏസ്സ് എല്ലാ പട്ടണഗാള്‌ക്ക്‌മ് ഊരുഗാള്‌ക്ക്‌മ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മര്‌ക്കോസു 1:39

അത്തെ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ ബുദ്ദിനായ സൊല്ലികൊണ്ടുമു തട്ടിര്‌ക്കുവ കെ്ട്ടജാദിഗാള്‌ന തട്ടിസി തള്ളികൊണ്ടുമു ഇന്താന്.

മര്‌ക്കോസു 10:1

ഏസ്സ് അദ്‌ലിന്ത് പ്‌റപട്ട് ഓറ്‌ദ്ദാന് ബാനിക്ക് അക്കരെ ഇര്‌ക്കുവ എഗുദ നാഡ് സാരി പോനാന്. പിന്നേമ് മൊത്തന ആള്‌ഗാള് അയാള് പട്ട്‌ക്ക് ബന്തെജ്ജ്‌നാര്. എന്നാല്‌ക്ക്‌മ് ഗേവ പാസെ താന് അവാര്‌ക്ക് ബുദ്ദിനായ സൊല്ല്യ പ്‌ഡിത്താന്.

ലൂക്കോസു 13:22

ഏസ്സ് എര്‌സലേമ്‌ക്ക് പോഗാട്ടി പോവ ബട്ടേലിര്‌ക്കുവ എല്ലാ പട്ടണഗാള്‌ക്ക്‌മ് ഊരുഗാള്‌ക്ക്‌മ് പോയി ആള്‌ഗാള്‌ന പഡ്‌സ്‌നാന്.

ലൂക്കോസു 4:31

പ്‌റ ഏസ്സ് ഗലീല നാഡ്‌ല കവറ്‌ണഗൂമു പട്ടണാക്ക് പോനാന്. എഗുദാര് ബെത്ത്‌റ്‌ക്കുവ ഒയിവു നാള് അയാള് ജനഗാള്‌ക്ക് സാമി സൊല്ലുസുലാക്കന പഡ്‌സ്‌നാന്.

ലൂക്കോസു 4:44

അത്തെ ഏസ്സ് എഗുദ നാഡ്‌ക്ക് പട്ട എല്ലാ എ്ഡെഗാള്‌ല് ഇര്‌ക്കുവ എഗുദാര് പരേസുവ ബീ്ഡ്‌ക്ക്‌റാഗ ഈ നല്ല സേദിന സൊല്ലി നഡാന്താന്.

ഓഗന്നാന് 9:30

അദുക്കുള അയി കുറുഡാനായിന്തവാന് അവാര്‌ക്ക്: <<എന്ന് കണ്ണ്‌ന അയാള് തെ്ളിസി ഗുഡി അയാള് ഏദ്‌ലിന്ത് ബന്താനെന്റ് നിമാക്ക് തെര്യാദിര്‌ക്കുവാദ് അദിസ്യാത്തെ.

അപ്പോസുത്തലാര് 10:38

നസറേത്ത് ഊരുല ഏസ്സ്‌ന പറ്റി നിമാക്ക് തെരിവു. താന് നെനേത്തിന്ത കാര്യന ഗേന്ത് മുഡിക്ക്യ സാമി അയാള്‌ന തെരിന്തെ്ഡ്‌ത്താന്. അദ്‌ക്ക് ബേ്ണ്ടി ഏസ്സ്‌ക്ക് സാമി തന്ന് നിഗാല്‌നാമ് നല്ല സക്തിനാമ് കൊഡുത്താന്. സാമി അയാളോഡൊപ്പ ഇന്താദ്‌നാലെ അയാള് എല്ലാവാര്‌ക്ക്‌മ് നല്ലാദ് ഗേന്ത് കൊണ്ടുമു കെ്ട്ടജാദി തട്ടിന്തവാര്‌ന ഒട്ടുക്കു തെ്ളിസി കൊണ്ടുമു എല്ലാ എ്ഡെഗാള്‌ക്ക്‌മ് പോനാന്.