മര്‌ക്കോസു 6:2 - സാമി സേദി

² ഒയിവു നാള് ഏസ്സ് എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ന പഡിസ്യ പ്‌ഡിത്താന്. അയാള് പഡുസുവ ബുദ്ദിനായന കേ്ട്ട് എഞ്ചോ ആള്‌ഗാള് അദിസ്യപട്ട് പോനാര്. അവാര് ഇത്തെ കേ്ട്ടാര്: <<ഇയാള്‌ക്ക് ഇദെല്ല ഏദ്‌ലിന്ത് കെ്ഡേത്ത്‌ദ്? ഇയാള്‌ക്ക് എത്ത്‌റ ബുദ്ദി? ഇയാള് എത്തെ ഈ അദിസ്യഗാളെല്ല ഗേന്റാന്?

മര്‌ക്കോസു 6:2 ပူးပေါင်းရင်းမြစ်များ

മത്തായി 4:23

പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മത്തായി 7:28

ഈ നായഗാള്‌നെല്ല ഏസ്സ് സൊല്ലി തീന്താദ്‌മ് ആള്‌ഗാളൊട്ടുക്കു അയാള് സൊന്ന ബുദ്ദിനായന കേ്ട്ട് അദിസ്യപട്ടാര്.

മര്‌ക്കോസു 1:39

അത്തെ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ ബുദ്ദിനായ സൊല്ലികൊണ്ടുമു തട്ടിര്‌ക്കുവ കെ്ട്ടജാദിഗാള്‌ന തട്ടിസി തള്ളികൊണ്ടുമു ഇന്താന്.

മര്‌ക്കോസു 10:1

ഏസ്സ് അദ്‌ലിന്ത് പ്‌റപട്ട് ഓറ്‌ദ്ദാന് ബാനിക്ക് അക്കരെ ഇര്‌ക്കുവ എഗുദ നാഡ് സാരി പോനാന്. പിന്നേമ് മൊത്തന ആള്‌ഗാള് അയാള് പട്ട്‌ക്ക് ബന്തെജ്ജ്‌നാര്. എന്നാല്‌ക്ക്‌മ് ഗേവ പാസെ താന് അവാര്‌ക്ക് ബുദ്ദിനായ സൊല്ല്യ പ്‌ഡിത്താന്.

ലൂക്കോസു 2:47

ഏസ്സ്‌ക്ക് ഇര്‌ക്കുവ ബുദ്ദിനാമ് അവാന് സൊന്ന ബദ്‌ല്‌നാമ് കേ്ട്ട്‌കൊണ്ടു അദ്‌ലിന്തവാരൊട്ടുക്കു അന്തബ്‌ട്ട്‌പോനാര്.

ലൂക്കോസു 4:15

എഗുദാര് പരേസുവ ബീ്ഡ്‌ക്ക്‌റാഗ ഏസ്സ് പഡിസ്യ പ്‌ഡിത്താന്. എല്ലാ ആള്‌ഗാള്‌മ് അയാള്‌ന പെരിമെപട്ടാര്.

ഓഗന്നാന് 6:42

<<ഇവാന് ഓസേപ് മഗാന് ഏസ്സ്‌ത്തേഗൊ? അയാള് അപ്പനച്ചാന്‌നാമ് അവ്വേസിനാമ് നമാക്ക് തെരിമല്ല, പിന്നെത്തെ നാന് മേലോഗാത്ത്‌ലിന്ത് ഇ്റാഗി ബന്തവാന് എന്റ് അയാള്‌ക്ക് സൊല്ല്യ മുഡിമ്?>> എന്റ് സൊന്നാര്.

ഓഗന്നാന് 7:15

<<പഡിപ്പില്ലാത്ത ഇയാള്‌ക്ക് ഇത്ത്‌റ അറുവു ഏദ്‌ലിന്ത് കെ്ഡേത്ത്‌ദ്?>> എന്റ് സൊല്ലി എഗുദാര് അദിസ്യപട്ടാര്.