മര്‌ക്കോസു 6:16 - സാമി സേദി

¹⁶ ആന എരോദ രാജാവു ഇദ്‌നെല്ല കേ്ട്ട്: <<ഇദ് നാന് തലേന ബെ്ട്ടി കൊന്റ ഓഗന്നാന്‌ത്തെ ഉജുര്‌ളാഗി ബന്ത്‌റ്‌ന്റാന്>> എന്റ് സൊന്നാന്.

മര്‌ക്കോസു 6:16 ပူးပေါင်းရင်းမြစ်များ

ലൂക്കോസു 9:9

<<ഓഗന്നാന്‌ന നാന് തലേന ബെ്ട്ടി കൊന്റേനല്ല? ആന നാന് ഈ കേ്ള്‌ക്കുവ കാര്യഗാളെല്ല ആര്‌ന പറ്റി>> എന്റ് എരോദ സൊന്നാന്. എരോദ ഏസ്സ്‌ന കാണുഡൊ എന്റ് ആസെപട്ടാന്.

മത്തായി 27:4

<<നാന് കുറ്റ ഗേഗാത്തവാന്‌ന നിമാക്ക് കാട്ടി തന്താദ്‌നാലെ നാന് പാവ ഗേന്തേന്>> എന്റ് സൊന്നാന്. ആന അവാര് അദ്‌ക്ക്: <<എമാക്ക് എന്ത് കാര്യ? നിന്ന് കാര്യന നീ താനെ നോഡി കൊള്ളു>> എന്റ് സൊന്നാര്.

മത്തായി 14:2

<<അയാള് മുളുഗുസുവ ഓഗന്നാന്‌ത്തെ. അയാള് സത്തവാര് പട്ട്‌ലിന്ത് ഉജുര്‌ളാഗിര്‌ക്ക്‌ന്റാന്. അദ്‌നാലെത്തെ അയാള്‌ക്ക് ഈ അദിസ്യഗാള് ഗേവാദ്‌ക്കുള്ള സക്‌തിഗാള് ഇര്‌ക്കുവാദ്>> എന്റ് തന്ന് ഗിലാസഗാറാര്‌ക്ക് സൊന്നാന്.

മര്‌ക്കോസു 6:15

<<ഇദ് ഏല്യാവു>> എന്റ്‌മ്, <<അല്ല മുന്തെല കാലാത്ത്‌ല സാമിദാസ്‌ഗാള്‌ന പാസെ ഒന്റു സാമിദാസ്>> എന്റ്‌മ് ആള്‌ഗാള് ഒന്റൊന്റു നായ സൊന്നാര്.

മര്‌ക്കോസു 6:17

ഈ എരോദ രാജാവു തന്ന് അണ്ണാന് പീലിപോസു പെ്ണ്ട് ഏരോദ്യന തന്ന് പെ്ണ്ടച്ച്യായി എ്ഡ്‌ത്തിന്താദ്‌നാലെ <<സൊന്ത അണ്ണാന് പെ്ണ്ട്‌ന നീ കല്യണ മാഡ്‌നാദ് സെര്യല്ല>> എന്റ് ഓഗന്നാന് എരോദാവുക്കു സൊല്ലിന്താന്. അദ്‌നാലെ എരോദ രാജാവു ഏരോദ്യ നെനേത്ത പാസെ അയാള്‌ന പ്‌ഡിത്ത് എ്ഡ്‌ത്ത് പോയി ജെയില്‌ക്ക് അഡേത്ത് ബെത്തിന്താന്.