മര്‌ക്കോസു 5:39 - സാമി സേദി

³⁹ ഏസ്സ് ബീ്ഡ്‌കുളാക്ക് പോയി <<നിമ്മ എന്ത്‌ക്ക് ഇത്തെ കേ്യിവാദ്? എന്ത്‌ക്ക് ഇത്തെ ഗിജ്‌റ്‌ബെ്ട്ടുവാദ്? പ്‌ള്ളെ സാഗാലെ, ഉറാങ്ക്‌ന്റാള്>> എന്റ് അവാര്‌ക്ക് സൊന്നാന്.

മര്‌ക്കോസു 5:39 ပူးပေါင်းရင်းမြစ်များ

അപ്പോസുത്തലാര് 20:10

പവുലോസു അഡി ഇ്റാഗി പോയി അയാള് കുദ്ദാക്ക് ക്‌ഡാന്ത് ബാരി എ്ഡ്‌ത്താന്. <<അഞ്ചബേ്ഡ അയാള് ഉജുരോഡ ഇര്‌ക്ക്‌ന്റാന്>> എന്റ് അയാള് അദ്‌ലിന്തവാര്‌ക്ക് സൊന്നാന്.

1 തെസെലോനിക്ക്യഗാറാര് 5:10

അദ്‌നാലെ നമ്മ സത്താല്‌മ് സെരി സാഗാദിന്താല്‌മ് സെരി ഏസ്സോഡൊപ്പ പെ്ളേക്ക്യ ബേ്ണ്ടിത്തെ അയാള് നമ്മ് പാവാന തീര്‌ക്ക്യ സത്താദ്.

1 കൊരിന്ത്യഗാറാര് 11:30

ഇത്തെ ഗേന്താദ്‌നാലെത്തെ നിമ്മ് കൂട്ടാത്ത്‌ല എഞ്ചോ ആള്‌ഗാള് ഉജുരുപ്‌റാണി ഇല്ലത്തവാര്‌മ് നോയിഗാറാര്‌മ് ആവാദ്‌മ് എഞ്ചോ ആള്‌ഗാള് സാവാദ്‌മ്.

മത്തായി 9:24

<<ബെ്ളിഗെ കഡാന്ത് പോനു. പ്‌ള്ളെ സാഗാലെ, ഉറാങ്ക്‌ന്റാള്>> എന്റ് സൊന്നാന്. ആന അവാരൊ അയാള്‌ന നാണഗെ്ഡിസി കൊണ്ടു നഗ്‌ത്താര്.

മര്‌ക്കോസു 5:38

അവാര് ആയിരോസു ബീ്ഡ്‌ക്ക് എജ്ജ്‌ഗാട്ടി ആള്‌ഗാള് കേ്യ്‌വ ജദ്ദനാമ്, അഗാറി ബ്‌ന്ത് ഗിജ്‌റ്‌ബെ്ട്ട്‌ന്റവാര്‌നാമ് ഏസ്സ് കണ്ടാന്.

മര്‌ക്കോസു 5:40

അയാള് ഇത്തെ സൊന്നാദ്‌ന കേ്ട്ട് അദ്‌ലിന്തവാര് ഏസ്സ്‌ന നാണഗെ്ഡ്‌സ്‌നാര്. ഏസ്സ് അവാര്‌നെല്ല ബെ്ളിഗെ കഡാത്തി ബ്‌ട്ടാന്. പ്‌റ പ്‌ള്ളെ അവ്വേസിനാമ് അപ്പനച്ചാന്‌നാമ് തന്നൊപ്പ ഇന്ത മൂറു സൊല്ലുപഡി നഡാക്ക്‌ന്റവാര്‌നാമ് കൂട്ട്യെ്ഡ്‌ത്ത് പ്‌ള്ളെന ക്‌ഡാത്തിന്ത പട്ട്‌ക്ക് പോനാന്.