മര്‌ക്കോസു 5:27 - സാമി സേദി

^27-28 അവാള് ഏസ്സ്‌ന പറ്റി കേ്ട്ടിന്താള്. <<ഏസ്സ് ഇക്കിര്‌ക്കുവ ഉഡുപ്പുനെന്റാല് അണ്ണ്യ കെ്ഡേത്തദാന എനാക്ക് സുഗ കെ്ഡേക്കുവു>> എന്റ് അവാള് നെനേത്ത് കൊണ്ടു ആള് കൂട്ടോഡ താനെ ഏസ്സ് പിന്ന്‌ക്ക് ബന്ത് അയാള് ഇക്കിന്ത ഉഡുപ്പുന അണ്ണ്‌നാള്.

മര്‌ക്കോസു 5:27 ပူးပေါင်းရင်းမြစ်များ

അപ്പോസുത്തലാര് 19:12

പവുലോസു സീലെ മുണ്ടുനാമ്, സിവാല്‌ക്ക് ഏ്റ്‌സി നഡാക്കുവ സീലെനാമ് നോയിഗാറാര് കുദ്ദാക്ക് അലേക്ക്‌ഗാട്ടി നോയിഗാറാര് തെ്ളിന്താര്. തട്ടിര്‌ക്കുവ കെ്ട്ടജാദിഗാള് അവാര് കുളാക്കിന്ത് ഇ്റാഗി പോറ്റു.

മത്തായി 14:36

അവാര്: <<നിന്ന് സീലെ താനെന എന്റാല് അണ്ണ്യ നോയിഗാറാര്‌ന ബ്‌ഡ്‌ഡോമെ>> എന്റ് ഏസ്സ്‌ന ബേ്ണ്ട്‌നാര്. അത്തെ അണ്ണ്‌നവാര് ഒട്ടുക്കു തെ്ളിന്താര്.

അപ്പോസുത്തലാര് 5:15

പത്ത്‌റോസു ബന്ത് പോഗാട്ടി അയാള് നിഗാല് എന്റാല് നോയിഗാറാര്‌ക്ക് തട്ട്യ ബേ്ണ്ടി ആള്‌ഗാള് അവാര്‌ന എ്ഡ്‌ത്ത് ബന്ത് ബട്ടെ ഓരാത്ത്‌ല് പായോഡാമ് ബിരിസ്സിന്ത സീലോഡാമ് കെ്ഡെ ബീ്ക്കിന്താര്.

മര്‌ക്കോസു 6:56

ഏസ്സ് അയി ദേസാത്ത്‌ല പട്ടണഗാള്, ഊരുഗാള്‌ക്കെല്ല പോനാന്. അയി എ്ഡെഗാള്‌ല് ഇര്‌ക്കുവ ആള്‌ഗാള് തമ്മ് നോയിഗാറാര്‌ന സന്തേക്ക്‌റാഗ എ്ഡ്‌ത്ത് ബന്ത് ക്‌ഡാത്ത്‌നാര്. അവാര്: <<നിന്ന് സീലെ താനെന എന്റാല് അണ്ണ്യ നോയിഗാറാര്‌ന ബ്‌ഡ്‌ഡോമെ>> എന്റ് ഏസ്സ്‌ന ബേ്ണ്ട്‌നാര്. അത്തെ അണ്ണ്‌നവാര് ഒട്ടുക്കു തെ്ളിന്താര്.

മര്‌ക്കോസു 5:26

എഞ്ചോ ബയിദ്യാര്‌ഗാള് ബന്ത് നോയി നോഡി ഗുഡി നോയി തീരാലെ. അവാള്‌ക്കിന്ത പണാന പൂരാമ് സിലവാക്കി ഗുഡി നോയി ഒന്റുക്കൊന്റു ദാസ്‌ത്തിത്തെ ആയികൊണ്ടിന്ത്‌ദ്.