മര്‌ക്കോസു 5:22 - സാമി സേദി

²² ഏസ്സ് കഡാലോരാത്ത്‌ല്‌ ഇര്‌ക്കാട്ടി ആയിരോസു എന്നുവ എഗുദാര് പരേസുവ ബീ്ഡ് തലെവാര്‌ഗാള്‌ല് ഒരുത്താന് ഏസ്സ് പട്ട്‌ക്ക് ബന്ത് ഏസ്സ്‌ന കണ്ട് കാല്‌ക്ക് ബ്‌ന്ത് കുമ്മുഡുനാന്.

മര്‌ക്കോസു 5:22 ပူးပေါင်းရင်းမြစ်များ

മത്തായി 2:11

അവാര് അയി ബീ്ഡ്‌ക്ക് എജ്ജ്‌ഗാട്ടി അവ്വേസി മറിയോഡൊപ്പ മഗാന അവാര് കണ്ടാര്. അവാര് സഡങ്ക ബ്‌ന്ത് അയി മഗാന കുമ്മുഡുനാര്. പ്‌റ അവാര് പെ്ട്ടിന ത്‌റാന്ത് പൊന്നുനാമ്, തുമ്മനാമ്, മൂരു എന്റ് സൊല്ലുവ നല്ല ബാഡെ അഡിക്കുവ ജാദിനാമ് കാണിക്കെ ബെത്താര്.

മര്‌ക്കോസു 5:33

തന്ന് നോയി തീന്ത്‌ദ് എന്റ് അവാള്‌ക്ക് തെരിന്ത്‌ദ്. അദ്‌നാലെ അവാള് അഞ്ചിക്കേക്ക് സദ്‌റബെ്ട്ടികൊണ്ടു ഏസ്സ് മുന്നുക്കു പോയി ഏസ്സ് കാല്‌ക്ക് സഡങ്ക ബ്‌ന്താള്. പ്‌റ നഡാന്ത സത്ത്യന പൂര ഏസ്സ്‌ക്ക് സൊന്നാള്.

മര്‌ക്കോസു 5:38

അവാര് ആയിരോസു ബീ്ഡ്‌ക്ക് എജ്ജ്‌ഗാട്ടി ആള്‌ഗാള് കേ്യ്‌വ ജദ്ദനാമ്, അഗാറി ബ്‌ന്ത് ഗിജ്‌റ്‌ബെ്ട്ട്‌ന്റവാര്‌നാമ് ഏസ്സ് കണ്ടാന്.

ലൂക്കോസു 13:14

ഏസ്സ് അവാള്‌ന എഗുദാര് ബെത്ത്‌റ്‌ക്കുവ ഒയിവു നാള് തെ്ള്‌സ്‌നാദ്‌നാലെ എഗുദാര് പരേസുവ ബീ്ഡ്‌ല കാര്യഗാള്‌ന നോഡുന്റവാന്‌ക്ക് മൊനെ ബന്ത്: <<ഗിലാസ ഗേയ ആറ് നാള് ഇര്‌ക്ക്‌ന്റല്ല, അദുക്കുള ബന്ത് നോയിന തെ്ള്‌സ്‌ന്, എഗുദാര് ബെത്ത്‌റ്‌ക്കുവ ഒയിവു നാള് പാങ്കില്ലെ>> എന്റ് ആള്‌ഗാള്‌ക്ക് സൊന്നാന്.

ലൂക്കോസു 5:8

ഇത്തെ മീന് കെ്ഡേത്താദ്‌ന കണ്ട് സീമോനു പത്ത്‌റോസു ഏസ്സ് കാല്‌ക്ക് സഡങ്ക ബ്‌ന്ത് <<ആണ്ടവാനെ നാന് പാവ ഗേന്റവാന്, എനാന ബ്‌ട്ട് പോഡോമെ>> എന്റ് സൊന്നാന്.

ലൂക്കോസു 8:28

അയാള് ഏസ്സ്‌ന കണ്ടാദ്‌മ് ബ്‌ളിത്ത് അഗാറി കൊണ്ടു ഏസ്സ് കാല്‌ക്ക് ബ്‌ന്ത്: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? എനാന സെറ്റെ ദെ്ണ്ടിക്കാഗേ ബേ്ഡ എന്റ് ബേ്ണ്ട്‌ന്റെ>> എന്റ് ദൊഡ്ഡാദ്‌ക്ക് സൊന്നാന്.

അപ്പോസുത്തലാര് 13:15

അദുക്കുള മോസെ സട്ടഗാള്‌നാമ്, സാമിദാസ്‌ഗാള് സൊല്ലു സുലാക്കഗാള്‌നാമ് അവാര് പഡിത്ത് കാട്ട്‌നാര്. അദ്‌ക്ക് പ്‌റ സാമിബീ്ഡ്‌ല അദിഗാരിഗാള് പവുലോസാമ്‌ക്ക് ഇത്തെ സേദി സൊല്ലി ബ്‌ട്ടാര്: <<അണ്ണനാമെ തമ്പ്യാമെ, ഇദ്‌ലവാര്‌ക്ക് ദയിര കെ്ഡേക്കുവാദുക്കുള്ള എന്താറ്റ സേദി സൊല്ല്യ നിമാക്ക് ഇര്‌ക്കുവദാന സൊല്ലുനു>> എന്റ് സൊന്നാര്.

അപ്പോസുത്തലാര് 18:17

പ്‌റസാരി അവാര് ഒട്ടുക്കു എഗുദാര് സാമിബീ്ഡ് അദിഗാരി സോസുത്തനോസുന പ്‌ഡിത്ത് റോമ കോഡിദിക്ക് മുന്നുക്കു ബെത്ത് അഡിത്താര്. ആന ഗല്ല്യോനു ഇദ്‌ന ഗെരേഗാഗേ ഇല്ലെ.

അപ്പോസുത്തലാര് 18:8

എഗുദാര് പരേസുവ ബീ്ഡ് അദിഗാരി ക്‌റ്‌സ്‌പോസുമു അയാള് ബീ്ഡ്‌ലവാര്‌മ് ഒട്ടുക്കു ആണ്ടവാന്‌ന നമ്പ്‌നാര്. കൊരിന്ത്യാല് ഇര്‌ക്കുവ എഞ്ചോ ആള്‌ഗാള്‌മ് പവുലോസു സൊന്ന നായന കേ്ട്ട് നമ്പി നീര്‌ക്ക് മുളുഗുനാര്.

ബെ്ളിപട്ട കാര്യ 22:8

ഈ കാര്യഗാള്‌ന കേ്ട്ടാദ്‌മ് കണ്ടാദ്‌മ് ഓഗന്നാന് എന്നുവ നാന്‌ത്തെ. നാന് ഈ കാര്യഗാള്‌ന കേ്ള്‌ക്കാട്ടിമ് കാണ്‌ഗാട്ടിമ് ഈ കാര്യഗാള്‌ന എനാക്ക് കാട്ടി തന്ത ദൂദാന്‌ന കുമ്മുഡ്യ നാന് അയാള് കാല്‌ക്ക് ബ്‌ന്തേന്.