മര്‌ക്കോസു 5:2 - സാമി സേദി

² ഏസ്സ് തോണിലിന്ത് ഇ്റാഗാട്ട്യെല്ല കെ്ട്ടജാദി തട്ടിര്‌ക്കുവ ഒന്റൊരുത്താന് സുഡലേലിന്ത് ഏസ്സ്‌ക്ക് നേരെ ബന്താന്.

മര്‌ക്കോസു 5:2 ပူးပေါင်းရင်းမြစ်များ

മര്‌ക്കോസു 1:23

ഏസ്സ് എഗുദാര് പരേസുവ ബീ്ഡ്‌ല് ഇര്‌ക്കാട്ടി കെ്ട്ടജാദി തട്ടിന്ത ഒരുത്താന് അയി ബീ്ഡ്‌ലിന്താന്.

മര്‌ക്കോസു 1:26

അദുക്കുള കെ്ട്ടജാദി അയാള്‌ന മണ്ണ്‌ക്ക് ബീ്ക്കി ഇ്ള്‌ത്ത് കൊണ്ടു ദൊഡ്ഡാദ്‌ക്ക് അഗാറി ബ്‌ന്ത് ഇ്റാഗി പോറ്റു.

മര്‌ക്കോസു 3:30

<<ഏസ്സ്‌ക്ക് ഒന്റു കെ്ട്ടജാദി തട്ടിര്‌ക്ക്‌ന്റ്>> എന്റ് അവാര് സൊല്ലിന്താര്. അദ്‌നാലെത്തെ ഏസ്സ് അത്തെ സൊന്നാദ്.

മര്‌ക്കോസു 3:9

എഞ്ചോ നോയിഗാറാര്‌ന ഏസ്സ് തെ്ളിസിന്താന്. അദ്‌നാലെ മൊത്തന നോയിഗാറാര് അയാള്‌ന അണ്ണുഡൊ എന്റ് നെനേത്ത് ഉന്തിതള്ളി മുന്നുക്കു ബന്താര്. ആള്‌ഗാള് തനാന നെ്ഗ്ഗ്‌സാദെ ഇര്‌ക്ക്യ തനാക്ക് താനെ ഒന്റു തോണിന എ്ഡ്‌ത്ത് ഒരിക്കി ബെക്ക്യ തന്ന് സൊല്ലുപഡി നഡാക്ക്‌ന്റവാര്‌ക്ക് സൊന്നാന്.

മര്‌ക്കോസു 4:1

പിന്നേമ് ഒന്റു നാള് ഏസ്സ് ഗലീല കഡാലോരാത്ത്‌ല് ഇന്ത് ആള്‌ഗാള്‌ക്ക് ബുദ്ദിനായ സൊല്ല്യ പ്‌ഡിത്താന്. ജനകൂട്ട ദാസ്‌ത്തി ആയിന്താദ്‌നാലെ ഏസ്സ് കഡാല്‌ലിന്ത് ഒന്റു തോണിക്ക് ഏ്റി അദ്‌ല് കുക്കാന്തിന്താന്. ആള്‌ഗാളൊട്ടുക്കു കഡാലോരാത്ത്‌ല് ഇന്താര്.

മര്‌ക്കോസു 4:36

അവാര് ആള്‌ഗാള്‌ന സൊല്ലി ബ്‌ട്ട പ്‌റ ഏസ്സ് കുക്കാന്തിന്ത അയി തോണിക്ക് താനെ ഏ്റി അവാര് അയാള്‌ന കൂട്ടി പോനാര്. ബേ്റെ തോണിഗാള്‌മ് അവാരോഡ ഇന്ത്‌ദ്.

മര്‌ക്കോസു 5:21

പിന്നേമ് ഏസ്സ് തോണിക്ക് ഏ്റി ഇയ്യെ്ട്ടി എജ്ജ്‌നാന്. അയി സമ്യ ദൊഡ്ഡ ഒന്റു ആള്‌ഗാള് കൂട്ട ഏസ്സ് പട്ട്‌ക്ക് ബന്ത് തുമ്പുനാര്.

മര്‌ക്കോസു 5:3

അയാള് സുഡലേല്‌ത്തെ ഇന്തിന്താദ്. ആര്‌ക്ക്‌മ് അയാള്‌ന സങ്കിലിക്ക് ഗുഡി കെ്ട്ടി ബെക്ക്യ മുഡ്യാലെ.

മര്‌ക്കോസു 5:8

<<തട്ടുവ കെ്ട്ടജാദ്യേ, ഈ മന്‌സാന്‌ന ബ്‌ട്ട് ഇ്റാഗി പൊ>> എന്റ് ഏസ്സ് സൊല്ലിന്താദ്‌നാലെത്തെ അദ് ഇത്തെ സൊന്നാദ്.

മര്‌ക്കോസു 7:25

കെ്ട്ടജാദി തട്ടിര്‌ക്കുവ ഒന്റു പ്‌ള്ളെ അവ്വേസി ഏസ്സ്‌ന പറ്റ്യുള്ള സേദിന കേ്ട്ടാള്. അന്നാല് താനെ അവാള് ഏസ്സ് പട്ട്‌ക്ക് ബന്ത് അയാള് കാല്‌ക്ക് ബ്‌ന്താള്.

ലൂക്കോസു 8:27

ഏസ്സ് ഏ്ട്ടിക്ക് ഏറ്‌നാദ്‌മ് പട്ടണാത്ത്‌ലിന്ത് ബരുവ കെ്ട്ടജാദി തട്ടിന്ത ഒന്റൊരുത്താന്‌ന കണ്ടാന്. അയാള് എഞ്ചോ നാള് സീലെസിലാപ്പ് ഇല്ലാദേമ് ബീ്ഡ്‌ല് ഇര്‌ക്കാദേമ് സുഡലേല് ഇന്ത് ബന്താന്.

ലൂക്കോസു 9:42

അയി മഗ ഏസ്സ് പട്ട്‌ക്ക് ബര്‌ഗാട്ടി കെ്ട്ടജാദി മഗാന ഉന്തി ബീ്ക്കി അവാന്‌ന ദുള്ളിസി കൊണ്ടു പക്കിമെ്ട്ട്‌ന പാസെ ഗേസ്‌റ്റ്. ആന ഏസ്സ് അയി കെ്ട്ടജാദിന മെ്റ്‌ട്ടി ബ്‌ട്ട് മഗാന തെ്ളിസി അപ്പനച്ചാന് കയിക്ക് കൊഡുത്താന്.