മര്‌ക്കോസു 4:24 - സാമി സേദി

²⁴ അവാര്‌ന നോഡി ഏസ്സ് പിന്നേമ് ഇത്തെ സൊന്നാന്, <<നിമ്മ കേ്ള്‌ക്കുവാദ്‌ന സൊക്കാന നെനേത്ത് നോഡുഡൊ. അഡ്‌ത്തവാര്‌ക്ക് നിമ്മ എഞ്ച്‌ക്ക് അളാന്ത് കൊഡുക്കുന്റുറൊ അഞ്ച്‌ക്ക് താനെത്തെ സാമി നിമാക്ക് തിരിക്കിമ് തരുവാന്. നിമ്മ കൊഡുത്താദ്‌ന ബ്‌ഡ സാമി ദാസ്‌ത്തി തരുവാന്.

മര്‌ക്കോസു 4:24 ပူးပေါင်းရင်းမြစ်များ

എവുറായാര് 2:1

അദ്‌നാലെ നമ്മ കേ്ട്ട സത്ത്യഗാള്‌ന അദിഗ ഗെവുനിക്കുഡൊ. അത്തെ ഗേന്ത കപ്പാല് ആങ്കീങ്ക് അലേന്ത് നഡാക്കുവ പാസെ നമ്മ അയി സത്ത്യഗാള്‌ന ബ്‌ട്ട് അലേന്ത് നഡാക്കമാട്ടാമ്.

ലൂക്കോസു 8:18

അദ്‌നാലെ നാന് സൊല്ലുവ ഈ കാര്യഗാള്‌ന എന്തെന്റ് നിമ്മ നെനേത്ത് നോഡുനു, ഇര്‌ക്ക്‌ന്റവാന്‌ക്ക് ഇര്‌ക്കുവാദ്‌ന ബ്‌ഡ സാമി മൊത്തന കൊഡുക്കുവാന്. ഇല്ലത്തവാന്‌ക്ക് ഇര്‌ക്ക്‌ന്റ് എന്റ് അയാള് നെനേക്കുവാദ്‌ന ഗുഡി സാമി എ്ഡ്‌ത്ത് തള്ളുവാന്.>>

മത്തായി 7:2

എന്ത്‌ക്കെന്റ് സൊന്ന നിമ്മ അഡ്‌ത്തവാര്‌ന എത്തെ കുറ്റ സൊല്ലി ബിദിക്ക്‌ന്റ്‌റൊ അദേപാസെ താനെ സാമി നിമാനാമ് ബിദിക്കുവാന്. അഡ്‌ത്തവാര്‌ക്ക് നിമ്മ എഞ്ച്‌ക്ക് അളാന്ത് കൊഡുക്കുന്റുറൊ അഞ്ച്‌ക്ക് താനെത്തെ സാമി നിമാക്ക് തിരിക്കിമ് തരുവാന്.

അപ്പോസുത്തലാര് 17:11

അദ്‌ലിന്തവാര് തെസലോനിക്ക്യലവാര്‌ന ബ്‌ഡ സൊല്ലുവാദ് എന്ത്‌നാമ് സൊക്കാന കേ്ള്‌ക്ക്യ മനേസ്സുള്ളവാര് ആയിന്താര്. പവുലോസു സൊല്ലുവാദ്‌ന കേ്ള്‌ക്ക്യാമ് അവാര്‌ക്ക് നല്ല ആസെ ഇന്ത്‌ദ്. അദല്ലാദെ പവുലോസു സൊന്നാദ് നേര്‌ത്തേഗ എന്റ് കാണ്യ അവാര് നാള്‌ക്ക്‌മ് സാമി ബൊക്കുല സൊല്ലു സുലാക്കഗാള്‌ന നലമായി പഡിത്ത് നോഡിന്താര്.

2 കൊരിന്ത്യഗാറാര് 9:6

ലേസ താനെ ബിത്ത്‌നവാന് ലേസ താനെത്തെ അറുക്കുവാന്, മൊത്തനാക്ക് ബിത്ത്‌നവാന് മൊത്തനാക്ക് അറുക്കുവാന് എന്റ് നെനേത്ത് കൊള്ളുഡൊ.

ഓഗന്നാന് 10:27

എന്ന് കൊറ്യാഡ്‌ഗാള് എന്ന് നായന കേ്ള്‌ക്ക്‌ന്റ്. അയി കൊറ്യാഡ്‌ഗാള്‌ന എനാക്ക് തെരിമ്. അയി ആഡ്‌ഗാള് എന്ന് പിന്ന്‌മേലെ നഡാക്ക്‌ന്റ്.

ഓഗന്നാന് 5:25

നാന് സത്ത്യമായിമ് നിമാക്ക് സൊന്റെ, സത്തവാര് സാമിമഗാന് നായ ജദ്ദന കേ്ള്‌ക്കുവാര്. കേ്ള്‌ക്ക്‌ന്റവാര് പെ്ളേക്കുവ ഗളിഗെ ബന്റ്. ഇന്നാല് ബന്ത്‌മിര്‌ന്റ്.

മര്‌ക്കോസു 9:7

പ്‌റസാരി ഒന്റു മഞ്ച് ബന്ത് അവാര്‌ന മൂഡുറ്റു. അയി മഞ്ച്‌ലിന്ത്: <<ഇവാന് എനാക്ക് മെച്ച്‌പ്‌ഡിത്ത മഗാന്: ഇവാന് സൊല്ലുവാദ്‌ന കേ്ള്‌ന്>> എന്റ് ഒന്റു ജദ്ദാമ് ബന്ത്‌ദ്.

ഓഗന്നാന് 10:16

ഈ പട്ടിലില്ലാത്ത ബേ്റെ കൊറ്യാഡ്‌ഗാള്‌മ് എനാക്കിര്‌ക്ക്‌ന്റ്, അയി കൊറ്യാഡ്‌ഗാള്‌നാമ് നാന് ഓട്ടി എ്ഡ്‌ത്ത് ബരുഡൊ. അയി കൊറ്യാഡ്‌ഗാള് നാന് സൊല്ലുവാദ്‌ന കേ്ള്‌ക്ക്‌മ്. അത്തെ അയി കൊറ്യാഡ്‌ഗാള് ഒന്റായി എ്ണേന്ത് ഒന്റു കൂട്ട കൊറ്യാഡ്‌ഗാള് ആമ്. അവാര്‌ക്ക് ഒന്റു മാട്ട്യാന്‌മ് ഇര്‌ക്കുവാന്.

1 ഓഗന്നാന് 4:1

എനാക്ക് മെച്ച്‌പ്‌ഡിത്തവാരെ, സാമിനിഗാല് സൊന്റെന്റ് ഉറുട്ടു സൊല്ലുവ എഞ്ചോ ആള്‌ഗാള് ഇന്നാല് ഉലഗാത്ത്‌ല് തുമ്പിര്‌ന്റാര്. അദ്‌നാലെ സാമിനിഗാല് സൊല്ലിത്തെ സൊല്ലുവാദ് എന്റ് സൊല്ലുന്റവാര്‌ന ഒട്ടുക്കു നമ്പാദെ അവാരോഡ ഇര്‌ക്കുവ നിഗാല്‌ഗാളെല്ല സാമി നിഗാല്‌ത്തേഗ അല്ലാഗ എന്റ് സോദണെ ഗേന്ത് കണ്ട്‌പ്‌ഡിക്കുഡൊ.

1 പത്ത്‌റോസു 2:2

ഒന്റേപെ്ട്ട് തപ്പിസി കഡാക്ക്യ ബേ്ണ്ടി സാമ്യോഡ ബെത്ത്‌റ്‌ക്കുവ നമ്പിക്കേല് ഒറേപ്പുള്ളവാരായി കൊണ്ടു ഇര്‌ക്ക്യ ഇന്നാല് പ്‌റാന്ത പച്ചെപ്‌ള്ളെഗാള്‌ന പാസെ സാമി സൊല്ലുസുലാക്ക എന്നുവ തനി പാല്‌ന താനെ കുഡിക്ക്യ ആസെപഡ്‌ന്.