മര്‌ക്കോസു 4:20 - സാമി സേദി20 നല്ല മണ്ണ്‌ക്ക് അലേന്ത ബെദേന പാസെത്തെ ലേസ ആള്‌ഗാള് സാമി സൊല്ലുസുലാക്കന കേ്ള്‌ക്കുവാദ്. ഇവാര് സാമി സൊല്ലുസുലാക്കാന കേ്ട്ട് തങ്കാരിക്കുവാര്. അദ്‌നാലെ ഇവാര് തമാക്ക്‌മ് ബേ്റെ ആള്‌ഗാള്‌ക്ക്‌മ് ഉവഗരപഡുവാര്. പഗ്‌ദി ആള്‌ഗാള് ലേസ താനെ ഉവഗരപഡുവാര്; ബേ്റെ പഗ്‌ദി ആള്‌ഗാള് മൊത്തന ഉവഗരപഡുവാര്; ബേ്റെ പഗ്‌ദി ആള്‌ഗാള് ഇവാര്‌ന ബ്‌ഡ എത്ത്‌റാഗോ ഉവഗരപഡുവാര്.>> အခန်းကိုကြည့်ပါ။ |
മര്‌ക്കോസു 4:20
14 ပူးပေါင်းရင်းမြစ်များ
നിമ്മ എനാന തെരിന്തെ്ഡ്‌ക്കാലെ, നാന്‌ത്തെ നിമാന തെരിന്തെ്ഡ്‌ത്ത്‌റ്‌ക്കുവാദ്. നിമ്മ പോയി കായി ബ്‌ഡ്യാമ് അയി ബ്‌ഡുവ കായി എന്നാല്‌ക്ക്‌മ് കൊട്ടാദിര്‌ക്ക്യാമ് ബേ്ണ്ടി നാന് നിമാന എ്ഡ്‌ത്ത് ബെത്ത്‌റ്‌ക്ക്‌ന്റെ. അന്നാപ്പ് നിമ്മ എന്ന് പേര്‌ല് അപ്പാന് സാമ്യോഡ കേ്ള്‌ക്കുവാദ്‌ന ഒട്ടുക്കുമു അയാള് നിമാക്ക് തരുവാന്.
അദ്‌നാലെ ഏസ്സ്‌ഗാറാരെ, നിമ്മ് കാര്യാമ് ഇദേപാസെത്തെ. ക്‌റ്‌സ്‌ത്ത് സാഗാട്ടി നിമ്മാമ് സത്ത്‌റ്‌ന്റ്‌റ് എന്റ് കണാക്കാക്ക്‌ന്റ്‌റ്. അത്തെ നിമ്മ സാമി സട്ടാത്ത്‌ലിന്ത് ഒയിന്തവാരാന്‌റ്. ഇന്നാല് നിമ്മ സത്തിന്ത് ഉജുര്‌ളാഗ്‌ന ക്‌റ്‌സ്‌ത്ത് എന്നുവ ബേ്റൊന്റൊരുത്താന്‌ക്ക് ആയിര്‌ക്കുവാദ്‌നാലെ നിമാക്ക് സാമിക്ക് ഉവഗരപഡുവ കാര്യഗാള് ഗേയ മുഡിമ്.
ഏസ്സ്‌ഗാറാരെ, കഡേഗല നാന് ഒന്റുഗുഡി സൊല്ലുവാദ് എന്തെന്റ് സൊന്ന: സാമി മെച്ചുവാദ്‌ക്ക് തഗ്‌ന്ത ദിന്‌സ്‌ല് എത്തെ പെ്ളേക്കുഡൊ എന്നുവാദ്‌ന നിമ്മ എമ്മോഡിന്ത് പഡിത്ത്‌റ്‌ന്റ്‌റ്. അദേപാസെത്തെ നിമ്മ ഇന്നാല് പെ്ളേക്ക്‌ന്റ്‌റ്. ആന ഇന്നിമ് സേത്തി സേത്തി സാമിക്ക് മെച്ച്‌പ്‌ഡിക്കുവാദ്‌ക്ക് തഗ്‌ന്ത ദിന്‌സ്‌ല് നിമ്മ പെ്ളേക്കുഡൊ എന്റ് ആണ്ടവാന് ഏസ്സ് അദിഗരാത്ത്‌ല് എമ്മ നിമാക്ക് ബുദ്ദി സൊല്ലി ബേ്ണ്ടി കൊള്ളുന്റേമ്.
ကြော်ငြာတွေ