മര്‌ക്കോസു 4:17 - സാമി സേദി

¹⁷ എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അവാര് അദിഗ കാല നെലെനില്ലമാട്ടാര്. അയി സേദിനാലെ കജട്ടാഗൊ കൊഡിമേഗൊ ബന്തദാന അവാര് സട്ടന പിന്ന്‌കാല് മെ്ട്ടുവാര്.

മര്‌ക്കോസു 4:17 ပူးပေါင်းရင်းမြစ်များ

മത്തായി 11:6

ആന നാന് ക്‌റ്‌സ്‌ത്ത്‌ത്തെ എന്റ് സന്തേഗപഡാത്തവാന് ബാഗ്യഗാറാന്‌ത്തെ>> എന്റ് സൊന്നാന്.

മത്തായി 12:31

അദ്‌നാലെ നാന് നിമാക്ക് സൊന്റെ, മന്‌സാന് ഗേവ എല്ലാ പാവാക്ക്‌മ് സൊല്ലുവ എല്ലാ കുറ്റഗാള്‌ക്ക്‌മ് പൊറിമെ കെ്ഡേക്ക്‌മ്. ആന സാമിനിഗാല്‌ന പറ്റി കുറ്റ സൊല്ലുവ പാവാക്ക് പൊറിമെ കെ്ഡേക്കഗേമാട്ട.

മത്തായി 13:21

എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അയാള് അദിഗ കാല നെലെനില്ലമാട്ടാന്. അയി സേദിനാലെ കജട്ടാഗൊ കൊഡിമേഗൊ ബന്തദാന അയാള് സട്ടന പിന്ന്‌കാല് മെ്ട്ട്‌ന്റാന്.

മര്‌ക്കോസു 4:16

അറെ പട്ട്‌ക്ക് ബ്‌ന്ത ബെദേന പാസെത്തെ പഗ്‌ദ്യാള്‌ഗാള് സാമി സൊല്ലുസുലാക്കന കേ്ള്‌ക്കുവാദ്. ഈ ആള്‌ഗാള് സാമി സൊല്ലുസുലാക്കന പിര്യപിര്യത്തോഡ തങ്കാരിക്കുവാര്.

മര്‌ക്കോസു 4:18

മുള്ളു ഗുമ്പു പട്ട്‌ക്ക് അലേന്ത ബെദേന പാസെത്തെ പഗ്‌ദ്യാള്‌ഗാള് സാമി സൊല്ലുസുലാക്കന കേ്ള്‌ക്കുവാദ്.

ലൂക്കോസു 12:10

മന്‌സാനായി പ്‌റാന്തവാന്‌ന പറ്റി കുറ്റ സൊല്ലുവ ആര്‌നാമ് സാമി പൊറുക്കുവാന്. ആന സാമിനിഗാല്‌ന പറ്റി കുറ്റ സൊല്ലുന്റവാന്‌ന സാമി പൊറുക്കമാട്ടാന്.

ഓഗന്നാന് 8:31

തനാന നമ്പ്‌ന എഗുദാര്‌ക്ക് ഏസ്സ്: <<നാന് പഡ്‌സ്‌ന കാര്യഗാള്‌ന കേ്ട്ട് നഡാന്തദാന നേര്‌മായിമ് നിമ്മാത്തെ എന്ന് സൊല്ലുപഡി നഡാക്ക്‌ന്റവാര് ആവുറു.

ഗലാത്ത്യഗാറാര് 6:12

ആള്‌ഗാള്‌ന പിര്യപഡിസ്യ നോഡുന്റവാര്‌ത്തെ നിമാന പരിസേദനെ സാത്ത്‌റ ഗേസുഡൊ എന്റ് നത്തുവാദ്. ക്‌റ്‌സ്‌ത്ത് കുരുസുലു സത്താദ്‌ന പറ്റി സൊല്ലുവാദ്‌നാലെ തമാക്ക് കൊഡിമെ ബരാദിര്‌ക്ക്യ ബേ്ണ്ടിത്തെ അവാര് ഇത്തെ ഗേവാദ്.

2 തിമിത്തോസു 1:15

ആസ്യ നാഡ്‌ല ഏസ്സ്‌ഗാറാര്‌ല് പല ആള്‌ഗാള് എനാന തെ്റിന്ത് പോനാര് എന്റ് നിനാക്ക് തെരിമല്ല. പുഗലോസുമു ഗെറ്‌മ്മൊഗനേസ്‌മ് അയി കൂട്ടാക്ക് പട്ടവാര്‌ത്തെ.

2 തിമിത്തോസു 4:10

ദേമാസ് ഈ ഉലഗാത്ത്‌ല് പെ്ളേക്കുവ ദിന്‌സ്‌ല് പെ്ളേക്ക്യ ബേ്ണ്ടി ആസെപട്ടിന്താന്. അദ്‌നാലെത്തെ അയാള് എനാന തള്ളി തെസലോനിക്ക്യാക്ക് പോനാദ്. ക്‌റേസ്‌കേസ് ഗലാത്ത്യാക്ക്‌മ് തീത്തോസു ദല്‌മാത്ത്യാക്ക്‌മ് പോനാന്.

2 തിമിത്തോസു 4:16

എനാന പറ്റി സൊന്ന കുറ്റഗാള്‌ക്ക് ബദ്‌ല് സൊല്ല്യ മുദാല് നാന് കോഡിദി മുന്നുക്കു നില്ല്‌ഗാട്ടി നാന് കുറ്റ ഗേഗാത്തവാന് എന്റ് സൊല്ല്യ എന്ന് സാരി ആര്‌മ് ഇര്‌ക്കാലെ. എല്ലാര്‌മ് എനാന കയിബ്‌ട്ടാര്. അദ്‌ക്ക് സാമി അവാര്‌ന ദെ്ണ്ടിക്കാദിര്‌ക്കുഡൊ.

1 ഓഗന്നാന് 2:19

അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

ബെ്ളിപട്ട കാര്യ 2:10

നീ കജട്ടപഡ്യ പോവാദ്‌ന പറ്റി നീ അഞ്ചബേ്ഡ. നിമാന സോദണെ ഗേയ ബേ്ണ്ടി സെയിത്താന് നിമാത്ത്‌ല് പഗ്‌ദ്യാള്‌ന ജെയില്‌ക്ക് അഡേക്കുവാന്. പത്ത് നാള് നിമാക്ക് കജട്ട ഇര്‌ക്ക്‌മ്. നിമാന കൊല്ലുവദാനാല്‌മ് എനാന നമ്പുവാദ്‌ന തള്ളദേന്. എന്റദാന, നാന് നിമാക്ക് എന്നാല്‌ക്ക്‌മ് ഇര്‌ക്കുവ ഉജുരുന ഗിര്യാഡായി തരുവേന്.

ബെ്ളിപട്ട കാര്യ 2:13

നീ ഏദ്‌ല് ഇര്‌ക്ക്‌ന്റായി എന്റ്‌മ് അദ് സെയിത്താന് കുറിഞ്ചി എന്റ്‌മ് എനാക്ക് തെരിമ്. നീ എനാന കയി ബ്‌ഡാഗേ ഇല്ലെ. സെയിത്താന് ആളുവ നിമ്മ് പട്ട്‌ല് ബെത്ത് അന്തിപാസ്‌ന കൊന്റ കാലാത്ത്‌ല് ഗുഡി നിമ്മ് നമ്പിക്കേന തള്ളാഗേ ഇല്ലെ. നമ്പ്യ മുഡിന്റവാനാന അന്തിപാസ് എനാന പറ്റി സൊല്ലിന്തവാന്‌ത്തെ.