മര്‌ക്കോസു 3:5 - സാമി സേദി

⁵ അവാര്‌ക്ക് ഇര്‌ക്കുവ മരനെഞ്ച്‌ന നെനേത്ത് ഏസ്സ് ദുക്കപട്ട് പോനാന്. അയാള് മൊനേക്ക് തെ്ട്ടി കൊണ്ടു അവാര്‌ന സുറ്റീല്‌മ് നോഡുന പ്‌റ അയി നോയിഗാറാന്‌ക്ക്: <<നിന്ന് കയിന നീ്ട്ട്>> എന്റ് സൊന്നാന്. അയാള് കയി നീ്ട്ട്‌നാന്. അന്നാല് താനെ അയാള് കയിക്ക് സുഗ കെ്ഡേത്ത്‌ദ്.

മര്‌ക്കോസു 3:5 ပူးပေါင်းရင်းမြစ်များ

മത്തായി 12:13

പ്‌റ ഏസ്സ് അയി നോയിഗാറാന്‌ക്ക്: <<നിന്ന് കയിന നീ്ട്ട്>> എന്റ് സൊന്നാന്. അയാള് കയിന നീ്ട്ട്‌നാന്. അദുക്കുള അയി കയി ഇന്ന്യൊന്റു കയിന പാസെ സൊക്കാനാറ്റ്.

മര്‌ക്കോസു 3:4

പ്‌റ ഏസ്സ് ആള്‌ഗാള്‌ന: <<ഒയിവു നാള് നല്ലാദ് ഗേവാദൊ, കെ്ട്ടാദ് ഗേവാദൊ, ഒന്റു ഉജുരുന കാപാറ്റുവാദൊ, അളിക്കുവാദൊ, ഏദ് സെരി?>> എന്റ് അവാര്‌ന കേ്ട്ടാന്. അദുക്കുള അവാര് ഒന്റുമു സൊല്ലാദെ സപ്പെന്റിന്താര്.

ലൂക്കോസു 13:15

അദുക്കുള ആണ്ടവാന് അവാന്‌ക്ക്: <<ബക്‌തിഗാറാരായി നഡിക്ക്‌ന്റവാരെ, നിമ്മ ഒന്റൊന്റാള് എഗുദാര് ബെത്ത്‌റ്‌ക്കുവ ഒയിവു നാള് ഓരിനാഗൊ, കള്‌ദെനാഗൊ പട്ടിലിന്ത് ബ്‌ഡിസ്യെ്ഡ്‌ത്ത് പോയി നീരൂട്ടുസുവാദില്ലേഗ?

ലൂക്കോസു 17:14

ഏസ്സ് അവാര്‌ന കണ്ട്: <<നിമ്മ പോയി നിമാന താനെ എഗുദാര് പൂസാരിഗാള്‌ക്ക് കാട്ട്‌ന്>> എന്റ് സൊന്നാന്. പോവ ബട്ടേല് താനെ അവാര് നോയി തെ്ളിന്ത് സുത്താപ്പുള്ളവാര് ആനാര്.

ലൂക്കോസു 6:10

അത്തെ ഏസ്സ് അവാര്‌നെല്ല സുറ്റീല് നോഡുന പ്‌റ അയി നോയിഗാറാന്‌ക്ക്: <<നിന്ന് കയിന നീ്ട്ട്>> എന്റ് സൊന്നാന്. അദുക്കുള അയാള് കയിന നീ്ട്ട്‌നാന്. അന്നാല് താനെ അയാള് കയിക്ക് സുഗ കെ്ഡേത്ത്‌ദ്.

ഓഗന്നാന് 9:7

ഇത്തെ ഗേന്ത പ്‌റ <<നീ സീലോഗ കുളാക്ക് പോയി കച്ചി തള്ള്>> എന്റ് ഏസ്സ് അയാള്‌ക്ക് സൊന്നാന്. സീലോഗ എന്റ് സൊന്ന സൊല്ലി ബ്‌ട്ടവാന് എന്റ്‌ത്തെ അര്‌ത്ത. അയാള് അയി കുളാക്ക് പോയി കണ്ണ്‌ന കച്ചി കണ്ണ് കാട്ട്‌ന്റവാനായി തിരിഗി ബന്താന്.

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

2 കൊരിന്ത്യഗാറാര് 3:14

ഇദ്‌ന തെര്യാത്ത ഇസ്‌റവേല്‌ഗാറാര് നെഞ്ച് മര നെഞ്ച് ആയി തള്ള്‌ട്ട്. അവാര് പള്യ ഒപ്പന്തന പഡിക്കാട്ടി മോസെ മോന്തെന മറേസിന്ത പാസെ അവാര് മനേസ്സ് സത്ത്യന നെപ്പ്‌കെ്ഡേസാദെ മറേന്ത്‌റ്‌ക്ക്‌ന്റ്. ആന ക്‌റ്‌സ്‌ത്ത്‌ന നമ്പ്‌ഗാട്ടി ഈ മറെ ജറേന്ത് പോന്റു.

എപസോസുഗാറാര് 4:18

എന്ത്‌ക്കെന്റ് സൊന്ന അവാര്‌ക്കിര്‌ക്കുവ മര നെഞ്ച് സാമിന പറ്റ്യുള്ള സത്ത്യമാന കാര്യഗാള്‌ന നെപ്പ്‌കെ്ഡേസ്യ ബ്‌ഡുവാദില്ലെ. അദ്‌നാലെ അവാര്‌ക്ക് സാമ്യോഡ എ്ണേവു ബെത്ത് പെ്ളേക്ക്യ മുഡ്യാദെ ഇ്റ്‌ട്ട്‌ല് പെ്ളേക്കുവ പാസെ പെ്ളേക്ക്‌ന്റാര്.

എപസോസുഗാറാര് 4:26

<<മൊനെ ബന്തദാന നിമ്മ പാവ ഗേഗാദേന്.>> അത്തെ മൊനേങ്ക് ബന്തദാന നേര ബീ്ഗമാട്ട്‌ക്ക് മനേസ്സ്‌ല് ബെത്ത് കൊണ്ടു ഇര്‌ക്കാദേന്.

എപസോസുഗാറാര് 4:30

അത്തെ സൊല്ലാദെ നഡാന്തദാന എന്നാല്‌ക്ക്‌മ് അളിന്ത് പോവ പെ്ളേപ്പ്‌ലിന്ത് നിമാന പാദ്‌ഗാക്കുവ സാമിനിഗാല്‌ന നിമ്മ ദുക്കപഡുസുവുറു. എന്ത്‌ക്കെന്റ് സൊന്ന സാമിനിഗാല്‌ല്‌ത്തെ സാമിക്ക് നിമ്മ സൊന്തഗാറാരെന്റ് അഡ്യാള ബെത്ത്‌റ്‌ക്കുവാദ്.

എവുറായാര് 3:10

അദ്‌നാലെ എനാക്ക് അയി തലെകെ്ട്ട്‌ഗാളോഡ മൊനെ ബന്ത് <അവാര് എന്നാല്‌ക്ക്‌മ് എനാന ബ്‌ട്ട് ദൂര പോന്റവാര്‌മ് എന്ന് കല്‌പനെ പഡി നഡാക്കുവാദ്‌ന തള്ള്‌ന്റവാര്‌മ്> എന്റ് നാന് സൊന്നെ.

എവുറായാര് 3:17

സാമി ആരോഡ നാപ്പദ് ബര്‌സ്സ മൊനെപട്ടിന്താന്? പാവ ഗേന്ത അദേ ആള്‌ഗാളോഡാത്തെ. അവാരെല്ല ബെ്ട്ടെകാഡ്‌ല് സത്ത് കുദുങ്കുനാര്.

എവുറായാര് 5:9

അത്തെ കജട്ടഗാള് പട്ട് താന് തെഗേന്തവാന് ആഗാട്ടി അയാള് തന്ന് സൊല്ലുപഡി നഡാക്കുവ എല്ലാവാര്‌നാമ് എന്നാല്‌ക്ക്‌മ് കാപാറ്റ്‌ന്റവാന് ആനാന്.

ബെ്ളിപട്ട കാര്യ 6:16

അവാര് മലെഗാള്‌നാമ് കല്ല് കുഡുമ്പുഗാള്‌നാമ് ഇത്തെ ബേ്ണ്ട്‌നാര്: <<കുറിഞ്ചില് കുക്കാന്ത്‌റ്‌ക്ക്‌ന്റവാന് കണ്ണ്‌ലിന്ത്‌മ് കൊറ്യാഡ് കുട്ടി മൊനേലിന്ത്‌മ് എമാന ഒളുസ്യ എമ്മ് കുദ്ദാക്ക് ബീ്ഡോമെ.