മര്‌ക്കോസു 3:3 - സാമി സേദി

³ <<ഇ്ളാഗി ആള്‌ഗാള്‌ക്ക് മുന്നുക്കു നില്ല്, ഇദ്‌ല് ഇര്‌ക്ക്‌ന്റവാരൊട്ടുക്കു നിനാന കാണുഡൊ>> എന്റ് ഏസ്സ് കയി സപ്പെബ്‌ന്ത്‌റ്‌ക്കുവ നോയിഗാറാന്‌ന നോഡി സൊന്നാന്.

മര്‌ക്കോസു 3:3 ပူးပေါင်းရင်းမြစ်များ

മത്തായി 12:10

അയി പരേസുവ ബീ്ഡ്‌ല് കയി സപ്പെബ്‌ന്തിന്ത ഒന്റൊരുത്താന് ഇന്തിന്താന്. അദുക്കുള അദ്‌ലിന്ത ലേസ ആള്‌ഗാള് ഏസ്സ്‌ന കുറ്റഗാറാന് മാഡ്യ ഒന്റു കുറ്റ കാണ്യ ബേ്ണ്ടി: <<നമ്മ് സട്ടപഡി ഒയിവു നാള് നോയിഗാറാര്‌ന തെ്ള്‌സുവാദ് സെര്യ?>> എന്റ് ഏസ്സ്‌ന കേ്ട്ടാര്.

മര്‌ക്കോസു 3:2

അവാര് ഏസ്സ്‌ന കുറ്റഗാറാന് മാഡ്യ ബേ്ണ്ടി ഒയിവു നാള് അയാള് അയി നോയിഗാറാന്‌ന തെ്ള്‌സ്‌ന്റാനൊ എന്റ് ലേസ എഗുദാര് സൊക്കാന നോഡികൊണ്ടിന്താര്.

മര്‌ക്കോസു 3:4

പ്‌റ ഏസ്സ് ആള്‌ഗാള്‌ന: <<ഒയിവു നാള് നല്ലാദ് ഗേവാദൊ, കെ്ട്ടാദ് ഗേവാദൊ, ഒന്റു ഉജുരുന കാപാറ്റുവാദൊ, അളിക്കുവാദൊ, ഏദ് സെരി?>> എന്റ് അവാര്‌ന കേ്ട്ടാന്. അദുക്കുള അവാര് ഒന്റുമു സൊല്ലാദെ സപ്പെന്റിന്താര്.

ലൂക്കോസു 6:8

ആന അവാര് മനേസ്സ്‌ല് നെനേക്കുവാദ്‌ന ഏസ്സ്‌ക്ക് തെരിന്ത്‌ദ്. അദ്‌നാലെ <<ഇ്ളാഗി ആള്‌ഗാള്‌ക്ക് മുന്നുക്കു നില്ല്>> എന്റ് ഏസ്സ് കയി സപ്പെബ്‌ന്തവാന്‌ക്ക് സൊന്നാന്. അദുക്കുള അയാള് ഇ്ളാഗി ആള്‌ഗാള് മുന്നുക്കു നിന്റാന്.

ഓഗന്നാന് 9:4

ആര്‌ക്ക്‌മ് ഗിലാസ ഗേയ മുഡ്യാത്ത ജാമ ബന്റ്. അദ്‌നാലെ പഗാല് ഇര്‌ക്കാട്ടിതാനെ എനാന സൊല്ലി ബ്‌ട്ടവാന് ഗേയ തന്ത്‌റ്‌ക്കുവ ഗിലാസഗാള്‌ന നമ്മ ഗേഡൊ.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

ഗലാത്ത്യഗാറാര് 6:9

അദ്‌നാലെ നിമ്മ നല്ല കാര്യഗാള് ഗേവാദ്‌ല് സോറ്റു പോഗാദേന്. അത്തെ സോറ്റു പോഗാദിന്ത സാമി ബെത്ത്‌റ്‌ക്കുവ ഗളിഗേക്ക് അദുക്കുള്ള കൂലി നിമാക്ക് കെ്ഡേക്ക്‌മ്.

പിലിപ്പ്യഗാറാര് 1:14

അദ്‌താനേമല്ല, നാന് ജെയില്‌ല് ഇര്‌ക്കുവാദ്‌നാലെ ഏസ്സ്‌ഗാറാര് ആയിര്‌ക്കുവ എഞ്ചോ ആള്‌ഗാള്‌ന ആണ്ടവാന് ദയിരപഡിസി അത്തെ അവാര് അഞ്ചിക്കില്ലാദെ സാമി സൊല്ലുസുലാക്കാന സൊല്ലിമിര്‌ക്ക്‌ന്റാര്.

1 പത്ത്‌റോസു 4:1

അദ്‌നാലെ ക്‌റ്‌സ്‌ത്ത് സരിഗലാത്ത്‌ല് കജട്ട പട്ടാദ്‌നാലെ നിമ്മാമ് അത്തവ കജട്ടപാഡ്‌ഗാള്‌ന താങ്ക്യ ഒരുക്ക ഉള്ളവാര് ആയിര്‌ക്കുഡൊ. അത്തവ കജട്ടപാഡ്‌ഗാള്‌ന താങ്ക്‌ന്റവാര് പാവാക്ക് സിക്കാദെ പെ്ളേക്കുവാര്.