മര്‌ക്കോസു 3:22 - സാമി സേദി

²² <<ഇയാളോഡ ബേല്‌സെവൂലു ഇര്‌ക്ക്‌ന്റ്. തട്ടിര്‌ക്കുവ ജാദിനെല്ല തട്ടിസിതള്ള്യ അദിഗര കൊഡുക്കുവാദ് കെ്ട്ടജാദിഗാള് തലെവാന് ഈ ബേല്‌സെവൂലുത്തെ>> എന്റ് എര്‌സലേമ്‌ലിന്ത് ബന്ത ബേദബാത്ത്യനാമ് സൊന്നാര്.

മര്‌ക്കോസു 3:22 ပူးပေါင်းရင်းမြစ်များ

മത്തായി 10:25

പഡിക്ക്‌ന്റവാന് പഡുസുവ ബാത്ത്യാന്‌ന പാസെ ആവാദ് മദി. അദേപാസെ അഡിമ്യായിര്‌ന്റവാന് പണ്ണാഡിന പാസെ ആവാദ് മദി. അവാര് ബീ്ഡ്‌ഗാറാന്‌നാഗെ ബേല്‌സെവൂലു എന്റ് ബ്‌ളിത്ത്‌റ്‌ക്കുവദാന ബീ്ഡ്‌ഗാറാര്‌ന എന്തെല്ല സൊല്ലി ബ്‌ളിക്കുവാര്?>>

മത്തായി 11:18

എല്ലാ ആള്‌ഗാള്‌മ് തിന്റ്‌കുഡിത്ത് നഡാക്കുവ പാസെ ഓഗന്നാന് തിന്റ്‌കുഡിത്ത് നഡാക്കാലെ. അത്തെ ഇര്‌ക്ക്‌ന്റവാനായി ബന്ത <അയാള്‌ക്ക് കെ്ട്ടജാദി തട്ടിര്‌ക്ക്‌ന്റ്> എന്റ് അവാര് സൊന്റാര്.

മത്തായി 12:24

ഇദ്‌ന കേ്ട്ട് പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

മത്തായി 15:1

അദ്‌ക്ക് പ്‌റ ലേസ പരിസാര്‌ഗാള്‌മ് ബേദബാത്ത്യനാമ്‌ഗാള്‌മ് എര്‌സലേമ്‌ലിന്ത് ഏസ്സ് പട്ട്‌ക്ക് ബന്ത്:

മത്തായി 9:34

അദുക്കുള പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

മര്‌ക്കോസു 7:1

പരിസാര്‌ഗാള്‌മ് ലേസ ബേദബാത്ത്യനാമ്‌ഗാള്‌മ് എര്‌സലേമ്‌ലിന്ത് ഏസ്സ് പട്ട്‌ക്ക് ബന്ത് അയാള്‌ക്ക് സുറ്റുമു കൂഡുനാര്.

ലൂക്കോസു 11:15

ആന ലേസ ആള്‌ഗാള്: <<കെ്ട്ടജാദിഗാള് തലെവാന് ബേല്‌സെവൂലുത്തെ ഇയാള്‌ക്ക് കെ്ട്ടജാദിന തട്ടിസി തള്ളുവാദ്‌ക്കുള്ള സക്‌തി കൊഡുക്കുവാദ്>> എന്റ് സൊന്നാര്.

ലൂക്കോസു 5:17

ഏസ്സ് ഒന്റു നാള് പഡിസികൊണ്ടു ഇര്‌ക്കാട്ടി ഗലീല നാഡ്‌ലിര്‌ക്കുവ എല്ലാ ഊരുഗാള്‌ലിന്ത്‌മ്, എര്‌സലേമ്‌ലിന്ത്‌മ് എഗുദ നാഡ്‌ലിര്‌ക്കുവ ബേ്റെ ഊരുഗാള്‌ലിന്ത്‌മ് പരിസാര്‌ഗാള്‌മ് ബേദബാത്ത്യനാമ്‌ഗാള്‌മ് അദ്‌ക്ക് ബന്തെജ്ജിന്താര്. നോയിഗാറാര്‌ന തെ്ള്‌സുവാദ്‌ക്കുള്ള ആണ്ടവാന് ബിലാമ് അദുക്കുള ഏസ്സ്‌ക്കിന്ത്‌ദ്.

ഓഗന്നാന് 10:22

എര്‌സലേമ്‌ല് സാമിബീ്ഡ്‌ന സുത്താപ്പ് മാഡ്‌നാദ്‌ന നെനേക്കുവ നോമ്പി ഗേന്തിന്താര്. അദുക്കുള സളിഗളിഗെ ആയിന്ത്‌ദ്.

ഓഗന്നാന് 7:20

അദുക്കുള ആള്‌ഗാള്: <<അന്നാപ്പ് നിനാക്ക് കെ്ട്ടജാദി തട്ടിര്‌ക്ക്‌ന്റ്. നിനാന ആര് കൊല്ല്യ നോഡുന്റാര്?>> എന്റ് സൊന്നാര്.

ഓഗന്നാന് 8:48

<<നീ ഒന്റു സമര്യഗാറാന്. നിനാക്ക് ഒന്റു കെ്ട്ടജാദി തട്ടിര്‌ക്ക്‌ന്റ് എന്റ് എമ്മ സൊല്ലുവാദ് സെര്യല്ലാഗ?>> എന്റ് എഗുദാര് ഏസ്സ്‌ന കേ്ട്ടാര്.

ഓഗന്നാന് 8:52

അദ്‌ക്ക് എഗുദാര്: <<നിനാക്ക് ഒന്റു കെ്ട്ടജാദി തട്ടിര്‌ക്ക്‌ന്റ് എന്റ് ഇന്നാല് എമാക്ക് തെരിന്ത്‌ദ്. അവുറഗാമ്‌മ് സാമിദാസ്‌ഗാള്‌മ് സത്താര്. ആന നീയൊ, എന്ന് നായന കേ്ട്ട്‌നഡാക്ക്‌ന്റവാന്‌ക്ക് എന്നാല്‌ക്ക്‌മ് സാവു ബരമാട്ട എന്റ് സൊന്റായി.