മര്‌ക്കോസു 3:11 - സാമി സേദി

¹¹ തട്ടിര്‌ക്കുവ കെ്ട്ടജാദിഗാള് ഏസ്സ്‌ന കാണ്‌ഗാട്ടി അയാള് കാല്‌ക്ക് ബ്‌ന്ത്, <<നീ സാമിമഗാന്>> എന്റ് ദൊഡ്ഡാദ്‌ക്ക് അഗാറി സൊല്ലുറ്റു.

മര്‌ക്കോസു 3:11 ပူးပေါင်းရင်းမြစ်များ

മത്തായി 14:33

അദുക്കുള തോണിലിന്തവാര്: <<നീ നേര്‌മായിമ് സാമിമഗാന്‌ത്തെ>> എന്റ് സൊല്ലി ഏസ്സ്‌ക്ക് സഡങ്ക ബ്‌ന്ത് കുമ്മുഡുനാര്.

മത്തായി 4:3

അദുക്കുള സോദണെ ഗേന്റവാന് ഏസ്സര്‌ഗെ ബന്ത്: <<നീ സാമിമഗാന് ആയിന്തദാന ഈ കല്ല്‌ഗാള്‌ന അഡെ ആയ സൊല്ലു>> എന്റ് സൊന്നാന്.

മത്തായി 4:6

<<നീ സാമിമഗാന് ആയിന്തദാന ഇദ്‌ലിന്ത് അഡി ഗുദി. എന്ത്‌ക്കെന്റ് സൊന്ന <നിനാന പറ്റി സാമി തന്ന് ദൂദാര്‌ഗാള്‌ക്ക് സൊല്ലുവാന്. അവാര് നിന്ന് കാല് കല്ല്‌ക്ക് മുട്ടാദിര്‌ക്ക്യ ബേ്ണ്ടി നിനാന കയില് താങ്കി എ്ഡ്‌ക്കുവാര്> എന്റ് എ്ള്‌ദിര്‌ക്ക്‌ന്റല്ല?>> എന്റ് സൊന്നാന്.

മത്തായി 8:29

<<സാമി മഗാനെ, എമാക്ക്‌മ് നിനാക്ക്‌മ് എന്ത് കാര്യ? സമ്യാഗാത്ത മുദാല് താനെ എമാന കൊഡിമെപഡിസ്യത്തെ നീ ഈങ്ക് ബന്താദ?>> എന്റ് അവാര് അഗാറി കൊണ്ടു സൊന്നാര്.

മത്തായി 8:31

അവാര്‌ക്ക് തട്ടിന്ത ജാദിഗാള്: <<എമാന മുഡുക്കുവദാന അയി പന്റി കൂട്ടാക്ക് മുഡിക്കി ബ്‌ഡ്‌ഡോമെ>> എന്റ് ഏസ്സ്‌ന ബേ്ണ്ട്‌നാര്.

മര്‌ക്കോസു 1:1

ഇദ് സാമിമഗാന് ഏസ്സ് ക്‌റ്‌സ്‌ത്ത്‌ന പറ്റി സൊല്ല്യ പോവ നല്ല സേദി.

ലൂക്കോസു 4:41

അദല്ലാദെ താനെ ഏസ്സ്‌ന <<സാമിമഗാന്‌ത്തെ>> എന്റ് സൊല്ലി അഗാറി കൊണ്ടു കെ്ട്ടജാദി പല ആള്‌ഗാള്‌ലിന്ത് ബ്‌ട്ട് പോറ്റു. ആന ഏസ്സ് മ്‌ണ്ടാദേന് എന്റ് അയി ജാദിഗാള്‌ക്ക് കല്‌പനെ കൊഡുത്താന്. എന്ത്‌ക്കെന്റ് സൊന്ന ആള്‌ഗാള്‌ന കാപാറ്റ്യ ബേ്ണ്ടി സാമി സൊല്ലി ബ്‌ട്ടവാന്‌ത്തെ ഏസ്സ് എന്റ് അയി ജാദിഗാള്‌ക്ക് തെരിന്തിന്ത്‌ദ്.

ലൂക്കോസു 8:28

അയാള് ഏസ്സ്‌ന കണ്ടാദ്‌മ് ബ്‌ളിത്ത് അഗാറി കൊണ്ടു ഏസ്സ് കാല്‌ക്ക് ബ്‌ന്ത്: <<ഏസ്സേ, എല്ലാദ്‌ക്ക്‌മ് ബ്‌ഡ ദൊഡ്ഡവാന് ആയിര്‌ക്കുവ സാമി മഗാനെ, എനാക്ക്‌മ് നിനാക്ക്‌മ് എന്ത് കാര്യ? എനാന സെറ്റെ ദെ്ണ്ടിക്കാഗേ ബേ്ഡ എന്റ് ബേ്ണ്ട്‌ന്റെ>> എന്റ് ദൊഡ്ഡാദ്‌ക്ക് സൊന്നാന്.

അപ്പോസുത്തലാര് 16:17

അവാള് പവുലോസോഡാമ് എമ്മോഡാമ് പിന്ന്‌മേലെ ബന്ത് <<ഇവാര് എല്ലാ സാമിഗാള്‌ന ബ്‌ഡ ദൊഡ്ഡ സാമിക്ക് ഗിലാസഗാറാര് ആയിര്‌ക്ക്‌ന്റവാര്‌ത്തെ. നിമ്മ് ഉജുരുന പെ്ളേസുവാദ്‌ക്കുള്ള ബട്ടെന അവാര് സൊല്ലി തന്റാര്>> എന്റ് ബ്‌ളിത്ത് അഗാറ്‌നാള്.

1 കൊരിന്ത്യഗാറാര് 11:34

നിമ്മ ഒന്റായി കൂഡ്യ ബര്‌ഗാട്ടി സാമി ദെ്ണ്ടണേക്ക് എ്ഡെ ആഗാദെ ഇര്‌ക്ക്യ ബേ്ണ്ടി ആര്‌ക്കാറ്റ പജിപ്‌ഡിത്തിന്തദാന അയാള് ബീ്ഡ്‌ല് താനെ തിന്റ് ബരുഡൊ. ഇന്ന്യുള്ള കാര്യഗാള്‌ന നാന് ബന്ത് സെരി മാഡ്‌ന്റെ.

ആക്കോവു 2:19

സാമി ഒന്റുത്തെന്റ് നീ നമ്പ്‌ന്റായ? നല്ല കണാക്ക്‌ത്തെ. സെയിത്ത്യനാമ്‌മ് അത്തേത്തെ നമ്പ്‌ന്റാര്. അവാര് അഞ്ചിക്കെ പ്‌ഡിത്ത് സദ്‌റാമ് ബെ്ട്ട്‌ന്റാര്.