മര്‌ക്കോസു 2:17 - സാമി സേദി

¹⁷ ഇദ്‌ന കേ്ട്ട് ഏസ്സ് അവാര്‌ന നോഡി: <<നോയിഗാറാര്‌ക്ക്‌ത്തെ ബയിദ്യാന് ബേ്ഡ്‌മ്, അല്ലത്തവാര്‌ക്ക് തേവില്ലെ. നാന് നേര്‌മെഗാറാര്‌നല്ല ബ്‌ളിക്ക്യ ബന്താദ്, പാവ ഗേന്റവാര്‌നത്തെ ബ്‌ളിക്ക്യ ബന്താദ്>> എന്റ് സൊന്നാന്.

മര്‌ക്കോസു 2:17 ပူးပေါင်းရင်းမြစ်များ

മത്തായി 18:10

<<ഈ താന്തവാര്‌ല് ഒരുത്താന്‌ന മാനഗെ്ഡ്‌സാദിര്‌ക്ക്യ സൂസാരിത്തിര്‌ന്. എന്ത്‌ക്കെന്റ് സൊന്ന മേലോഗാത്ത്‌ലിര്‌ക്കുവ അവാര് ദൂദാര്‌ഗാള് മേലോഗാത്ത്‌ലിര്‌ക്കുവ എന്നപ്പാന് സാമിന ഒപ്പ കണ്ട് കൊണ്ട്‌റ്‌ക്ക്‌ന്റാര് എന്റ് നാന് നിമാക്ക് സൊന്റെ.

ലൂക്കോസു 15:10

അദേപാസെത്തെ പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുവ ഒന്റു പാവ ഗേന്റവാന്‌ന നെനേത്ത് സാമിദൂദാര് പട്ട്‌ല് പിര്യപൊങ്കുവാര് എന്റ് നാന് നിമാക്ക് സൊന്റെ.>>

ലൂക്കോസു 15:29

അദുക്കുള അയാള് അപ്പനച്ചാന്‌ക്ക്: <നാന് നമ്മ് കാഡ്‌ല് എഞ്ചോ കാല ഒന്റു അഡിമേന പാസെ ഗിലാസ ഗേന്ത്‌റ്‌ന്റെ. നാന് ഒപ്പ നിന്ന് സൊല്ലുപഡിക്ക്‌ത്തെ നഡാന്ത്‌റ്‌ന്റെ. ആന എന്ന് എ്ണേവുഗാറാരോഡ തിന്റ്‌കുഡിത്ത് പിര്യപൊങ്ക്യ നീ എനാക്ക് ഒന്റു ആഡ് കുട്ടിന ബീസാക്ക് തരാഗേ ഇല്ലെ.

ലൂക്കോസു 15:7

അദേപാസെത്തെ പാവ ഗേവാദ്‌ന തെ്റിന്ത് തള്ളി സാമിസാരി തിരിഗ്യ തേവില്ലാദിര്‌ക്കുവ തൊണ്ണൂറ്റ്യൊമ്പദ് നേര്‌മെഗാറാര്‌ന ബ്‌ഡ പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുവ ഒന്റു പാവ ഗേന്റവാന്‌ന നെനേത്ത് മേലോഗാത്ത്‌ല് ദൊഡ്ഡാദ്‌ക്ക് പിര്യപഡുവാര് എന്റ് നാന് നിമാക്ക് സൊന്റെ.>>

ലൂക്കോസു 16:15

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<നിമ്മ നിമാന താനെ മന്‌സാര് മുന്നുക്കു നേര്‌മെഗാറാര് മാഡി കാട്ട്‌ന്റ്‌റ്. ആന സാമിക്ക് നിമ്മ് മനേസ്സ്‌ന തെരിന്റ്. എന്ത്‌ക്കെന്റ് സൊന്ന മന്‌സാര് ദൊഡ്ഡാദെന്റ് നെനേക്കുവ കാര്യ സാമി കണ്ണ്‌ക്ക് സാത്ത്‌റത്തെ.

ലൂക്കോസു 19:10

കാണദ്യാനവാര്‌ന പരാന്ത് പറ്റി കാപാറ്റ്യത്തെ മന്‌സാനായി പ്‌റാന്ത നാന് ബന്താദ്>> എന്റ് സൊന്നാന്.

ഓഗന്നാന് 9:34

<<നീ പ്‌റാക്കാട്ടിന്തെ ഒന്റേപെ്ട്ട് പാവ ഉള്ളവാന്‌ത്തെ. അത്തെ പ്‌റാന്ത നീ എമാക്ക് ബുദ്ദി സൊല്ലുന്റായ?>> എന്റ് സൊല്ലി അവാര് അയി കറുഡാന് ആയിന്തവാന്‌ന എഗുദാര് പരേസുവ ബീ്ഡ്‌ക്ക് സേത്താദെ മുഡിക്കി ബ്‌ട്ടാര്.

ഓഗന്നാന് 9:40

ഇദ്‌ന കേ്ട്ട്‌കൊണ്ടു അയാളര്‌ഗെ ഇന്ത ലേസ പരിസാര്‌ഗാള്: <<എമ്മാമ് കുറുഡാര?>> എന്റ് ഏസ്സ്‌ന കേ്ട്ടാര്.

അപ്പോസുത്തലാര് 20:21

പാവ ഗേവാദ്‌ന തെ്റിന്ത് തള്ളി സാമിസാരി തിരിഗി ബരുഡൊ എന്റ്‌മ് നമ്മ് ആണ്ടവാന് ഏസ്സ്‌ന നമ്പുഡൊ എന്റ്‌മ് നാന് എഗുദാര്‌ക്ക് താനെ അല്ല എഗുദാര് അല്ലാത്ത ജാദിഗാള്‌ക്ക്‌മ് സൊക്കാന സൊല്ലിര്‌ക്ക്‌ന്റേന്.

അപ്പോസുത്തലാര് 26:20

ആള്‌ഗാള് ഒട്ടുക്കു പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുഡൊ എന്റ്‌മ്, പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗ്‌നേമ് എന്റ് കാട്ടുവ ഗിലാസഗാള് ഗേഡൊ എന്റ്‌മ് നാന് സൊല്ല്യ പ്‌ഡിത്തേന്. മുദാല് ദമാസ്‌കോസുലുമു, എര്‌സലേമ്‌ല്‌മ് അദ്‌ക്ക് പ്‌റ എഗുദ നാഡ് സാരി ഒട്ടുക്കുമു, എഗുദാര് അല്ലാത്ത ബേ്റെ ജാദിഗാള് പട്ട്‌ല്‌മ് നാന് ഇദ്‌ന സൊന്നേന്.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.