മര്‌ക്കോസു 2:12 - സാമി സേദി

¹² ആള്‌ഗാളൊട്ടുക്കു നോഡിര്‌ക്കാട്ടി താനെ അയാള് ഇ്ളാഗി കെ്ഡെബ്‌ന്തിന്ത പായിന എ്ഡ്‌ത്ത് നഡാന്ത് പോനാന്. ഇദ്‌ന കണ്ടിന്തവാര് അദിസ്യപട്ട് പോനാര്. <<ഇത്തവ അദിസ്യാന മുന്നുക്കു കാണാഗേ ഇല്ലെ. ഇദ് ഗേന്ത സാമി ദൊഡ്ഡവാന്‌ത്തെ>> എന്റ് അവാര് സൊന്നാര്.

മര്‌ക്കോസു 2:12 ပူးပေါင်းရင်းမြစ်များ

മത്തായി 12:23

ആള്‌കൂട്ട ഒട്ടുക്കു ഇദ്‌ന കണ്ട് അദിസ്യപട്ട്, <<ഇയാള് ദാവീദ് കാല്‌ക്ക് പട്ടവാന്‌ത്തേഗ?>> എന്റ് സൊന്നാര്.

മത്തായി 15:31

ഊമെബ്‌ന്തവാര് നായനൊഡിവാദ്‌നാമ് ഗൂനുബ്‌ന്തവാര് തെ്ളിവാദ്‌നാമ്, മൊണ്ടിഗാള് നഡാക്കുവാദ്‌നാമ്, കുറുഡാര്‌ക്ക് കണ്ണ്‌കാട്ടുവാദ്‌നാമ് ആള്‌ഗാള് കണ്ട് അദിസ്യപട്ട്: <<ഇസ്‌റവേല് സാമി ദൊഡ്ഡവാന്‌ത്തെ>> എന്റ് സൊന്നാര്.

മത്തായി 9:33

ഏസ്സ് അയാള്‌ക്ക് തട്ടിന്ത കെ്ട്ടജാദിന തട്ടിസി തള്ള്‌ന പ്‌റ ഊമെബ്‌ന്തിന്തവാന് നായ നൊഡിന്താന്. <<ഇസ്‌റവേല്‌ല് ഇത്തവ കാര്യഗാള്‌ന ഒന്റു നാള് ഗുഡി കാണാഗേ ഇല്ലെ>> എന്റ് സൊല്ലി ആള്‌ഗാള് അദിസ്യപട്ടാര്.

മത്തായി 9:8

ആള്‌ഗാള് ഇദ്‌ന കണ്ട് അഞ്ചിക്കെപട്ട്: <<മന്‌സാര്‌ഗാള്‌ക്ക് ഇത്തവ അദിഗര കൊഡുത്ത സാമി ദൊഡ്ഡവാന്‌ത്തെ>> എന്റ് സൊന്നാര്.

മര്‌ക്കോസു 1:27

ഇദ്‌ന കണ്ട് അദ്‌ലിന്ത ആള്‌ഗാളൊട്ടുക്കു അദിസ്യപട്ടാര്: <<ഇദെന്ത്? ഒന്റു പുദ്യ ബുദ്ദിനായ; കെ്ട്ടജാദിഗാള്‌ക്ക് അയാള് അദിഗരത്തോഡ കല്‌പനെ കൊഡുക്കുന്റാന്. അയാള് സൊല്ലുവാദ്‌നെല്ല അയി ജാദി അദേപാസെ കേ്ള്‌ക്ക്‌ന്റ്>> എന്റ് തമാക്ക് തമാക്ക് സൊന്നാര്.

മര്‌ക്കോസു 2:11

<<നാന് നിനാക്ക് സൊന്റെ, ഇ്ളാഗി കെ്ഡെബ്‌ന്തിന്ത പായിന എ്ഡ്‌ത്ത് ബീ്ഡ്‌ക്ക് പൊ>> എന്റ് സപ്പെനോയിഗാറാന്‌ന നോഡി സൊന്നാന്.

ലൂക്കോസു 13:13

പ്‌റ അവാള്‌ക്ക് കയിന ബെത്താന്. അന്നാല് താനെ അവാള് നേരെ നിന്റ് സാമി ദൊഡ്ഡവാന്‌ത്തെ എന്റ് സൊന്നാള്.

ലൂക്കോസു 17:15

അവാര്‌ല് ഒന്റൊരുത്താന് താന് നോയി തെ്ളിന്താദ്‌ന കണ്ട് സാമി ദൊഡ്ഡവാന്‌ത്തെ എന്റ് ദൊഡ്ഡാദ്‌ക്ക് സൊല്ലികൊണ്ടു തിരിഗി ബന്താന്.

ലൂക്കോസു 5:26

അദ്‌ലിന്ത എല്ലാ ആള്‌ഗാള്: <<അവ്വോ, ഇത്തവ കാര്യന നമ്മ ഇദ്‌ക്ക് മുന്നുക്കു കാണഗേ ഇല്ലെ>> എന്റ് അദിസ്യപട്ട് സദ്‌റബെ്ട്ടികൊണ്ടു സാമി ദൊഡ്ഡവാന്‌ത്തെ എന്റ് സൊന്നാര്.

ലൂക്കോസു 7:16

അദുക്കുള അവാര്‌ക്കൊട്ടുക്കു ഇദ്‌ന കണ്ട് അഞ്ചിക്കെ പ്‌ഡിത്ത് സാമി ദൊഡ്ഡവാന്‌ത്തെന്റ് സൊന്നാര്. <<ഒന്റു ദൊഡ്ഡ സാമിദാസ് നമ്മ് പട്ട്‌ക്ക് ബന്ത്‌റ്‌ന്റാന്. സാമി തന്ന് ജനഗാള്‌ന കാപാറ്റ്യ ബേ്ണ്ടി ബന്ത്‌റ്‌ന്റാന്>> എന്റ്‌മ് അവാര് സൊന്നാര്.

ഓഗന്നാന് 7:31

എന്റാല്‌മ് ആള്‌ഗാള്‌ല് എഞ്ചോ ആള്‌ഗാള് ഏസ്സ്‌ന നമ്പ്‌നാര്. <<ക്‌റ്‌സ്‌ത്ത് ബര്‌ഗാട്ടി ഇയാള് ഗേന്താദ്‌ന ബ്‌ഡ മൊത്തന അദിസ്യമാന അഡ്യാളഗാള് അയാള് ഗേവാന?>> എന്റ് അവാര് സൊന്നാര്.

ഓഗന്നാന് 9:32

കുറുഡാനായി പ്‌റാന്തവാന് കണ്ണ്‌ന ആരാറ്റ തെ്ള്‌സ്‌നാരെന്റ് ഉലഗ ഉണ്ടാനാദ്‌ലിന്ത് ഇന്നാവരിദിക്ക് ആര്‌മ് കേ്ള്‌ക്കാലെ.

അപ്പോസുത്തലാര് 4:21

അപ്പോസുത്തലാര് ഗേന്താദ്‌ന കണ്ട് ആള്‌ഗാളൊട്ടുക്കു സാമിത്തെ ദൊഡ്ഡവാന് എന്റ് സൊല്ലിന്താര്. അദ്‌നാലെ എഗുദ കോഡിദിക്ക് അവാര്‌ന ദെ്ണ്ടിക്ക്യ മുഡ്യാലെ. എഗുദ കോഡിദി പിന്നേമ് അവാര്‌ന ബ്‌ളിത്ത് മുദാല് മെ്റ്‌ട്ട്‌നാദ്‌ന ബ്‌ഡ നല്ല മെ്റ്‌ട്ടി ബ്‌ട്ടാര്.