മര്‌ക്കോസു 2:1 - സാമി സേദി

¹ ലേസ നാള് കളിന്ത പ്‌റ ഏസ്സ് പിന്നേമ് കവറ്‌ണഗൂമുക്കു പോയി എജ്ജ്‌നാന്. ഏസ്സ് ഒന്റു ബീ്ഡ്‌ലിര്‌ക്കുവ സേദിന കേ്ട്ട് ആള്‌ഗാള് ഒട്ടുക്കു ബന്തെജ്ജ്‌നാര്.

മര്‌ക്കോസു 2:1 ပူးပေါင်းရင်းမြစ်များ

മത്തായി 4:13

അയാള് നസറേത്ത്‌ലിന്ത് ഗലീല കഡാലോരാത്ത്‌ല സെവൂലാന് കാല്‌ക്ക് പട്ടവാര്‌മ് നപ്‌ത്താലി കാല്‌ക്ക് പട്ടവാര്‌മ് ഇര്‌ക്കുവ കവറ്‌ണഗൂമു പട്ടണാക്ക് പോയി ഇന്താന്.

മത്തായി 9:1

ഏസ്സ് തോണിക്ക് ഏ്റി ഇക്കരെ കഡാന്ത് തന്ന് സൊന്ത പട്ടണാക്ക് എജ്ജ്‌നാന്.

മര്‌ക്കോസു 1:45

ആന അയാള് അദ്‌ലിന്ത് പോനാദ്‌മ് അന്നാല് താനെ ഇദ്‌ന പറ്റി ആള്‌ഗാള്‌ക്ക് പൂര സൊല്ലി പജാത്ത്‌നാന്. അത്തെ ഏസ്സ്‌ക്ക് എ്ദ്‌ക്ക പട്ടണാക്ക് പോയ മുഡ്യാദെ പോറ്റു. അത്തെ ആഗാട്ടി ഏസ്സ് ആളില്ലാത്ത ഒന്റു എ്ഡേക്ക് പോയി ഇന്താന്. അത്തെ പോയിന്ത് ഗുഡി എല്ലാ മുക്കു മൂലേലിന്ത് ആള്‌ഗാള് ഏസ്സ് പട്ട്‌ക്ക് ബന്ത് കൊണ്ടിന്താര്.

മര്‌ക്കോസു 2:2

ഏസ്സ് ഇന്ത ബീ്ഡ്‌ല് ഉളാക്ക്‌മ് ബെ്ളിഗേമ് നില്ല്യ ഗുഡി എ്ഡെ ഇല്ലാത്ത പാസെ ആള്‌ഗാള് ബന്ത് തുമ്പിന്താര്. ഏസ്സ് അവാര്‌ക്ക് ബുദ്ദിനായ സൊല്ലി കൊഡുത്തിന്താന്.

മര്‌ക്കോസു 3:20

പ്‌റസാരി ഏസ്സ് ബീ്ഡ്‌ക്ക് പോയിര്‌ക്കാട്ടി പിന്നേമ് ആള്‌ഗാള് ബന്ത് തുമ്പുനാര്. ഏസ്സ്‌ക്ക്‌മ് സൊല്ലുപഡി നഡാക്ക്‌ന്റവാര്‌ക്ക്‌മ് തീനി തിന്ന്യ ഗുഡി മുഡ്യാത്ത പാസെ ആള്‌ഗാള് ബന്താര്.

മര്‌ക്കോസു 7:17

ഏസ്സ് ആള്‌ഗാള്‌ന ബ്‌ട്ട് ബീ്ഡ്‌ക്ക് ബന്ത പ്‌റ സൊല്ലുപഡി നഡാക്ക്‌ന്റവാര് അയാള് സൊന്നാദ്‌ക്ക് അര്‌ത്ത എന്ത് എന്റ് കേ്ട്ടാര്.

മര്‌ക്കോസു 7:24

ഏസ്സ് അയി എ്ഡെന ബ്‌ട്ട് സോരു എന്നുവ പട്ടണാക്ക് പോനാന്. അയാള് അദ്‌ലൊന്റു ബീ്ഡ്‌ക്ക് നൊഗേന്ത് ഇന്താന്. തനാന ആര്‌മ് തെര്യാദിര്‌ക്കുഡൊ എന്റ് നെനേത്ത്‌ത്തെ അയാള് അത്തെ പോയി ഇന്താദ്. അത്തെ ഇന്ത് ഗുഡി ഏസ്സ്‌ക്ക് ഒളിന്തിരിക്ക്യ മുഡ്യാലെ.

മര്‌ക്കോസു 9:28

അദ് കളിന്ത് ഏസ്സ് ബീ്ഡ്‌ക്ക് ബന്ത പ്‌റ സൊല്ലുപഡി നഡാക്ക്‌ന്റവാര് തമ്മ താനെ അയാള്‌ന: <<എമാക്ക് അയി കെ്ട്ടജാദിന മുഡിക്കി ബ്‌ഡ്യ മുഡ്യാത്താദ് എന്ത്‌ക്ക്?>> എന്റ് കേ്ട്ടാര്.

ലൂക്കോസു 4:23

ഏസ്സ് അവാര്‌ക്ക്: << <ബയിദ്യാ, നീ നിനാന താനെ തെ്ള്‌സ്> എന്നുവ മുന്തെലവാര് സൊല്ലുനാമ് കവറ്‌ണഗൂമുലു നീ ഗേന്തായെന്റ് എമ്മ കേ്ട്ട കാര്യന നിന്ന് സൊന്ത നാഡ്‌ല്‌മ് ഗേഗ് എന്റ്‌മ് നിമ്മ ഉറുദ്ദ്യായി സൊല്ലുവുറു>> എന്റ് സൊന്നാന്.

ലൂക്കോസു 5:18

അദുക്കുള ലേസ ആള്‌ഗാള് ഒന്റു സപ്പെനോയിഗാറാന്‌ന കെ്ഡെബ്‌ന്തിന്ത പായോഡ എ്ഡ്‌ത്ത് ബന്ത് ഏസ്സ് മുന്നുക്കു ബെക്ക്യ നോഡുനാര്.

ഓഗന്നാന് 4:47

ഏസ്സ് എഗുദാലിന്ത് ഗലീല നാഡ്‌ക്ക് ബന്ത്‌റ്‌ന്റാന് എന്റ് അയി ജോലിഗാറാന്‌ക്ക് സേദി കെ്ഡേത്ത്‌ദ്. അദുക്കുള അയാള് ഏസ്സ് പട്ട്‌ക്ക് പോയി: <<എന്ന് മഗാന് സായായി ഇര്‌ക്കുവാദ്‌നാലെ നീ ബന്ത് എന്ന് മഗാന്‌ന സെറ്റെ തെ്ള്‌സുഡോമെ>> എന്റ് ബേ്ണ്ടി കൊണ്ടാന്.

അപ്പോസുത്തലാര് 2:6

ഈ ജദ്ദന കേ്ട്ട് ഒന്റു മൊത്തന ആള്‌കൂട്ട അദ്‌ക്ക് ബന്താര്. അദുക്കുള ഏസ്സ്‌ഗാറാരൊട്ടുക്കു അദ്‌ക്ക് കൂഡുന ആള്‌ഗാള് നായാത്ത്‌ല് നായനൊഡിവാദ്‌ന കേ്ട്ട് അയി ബന്ത് കൂഡിന്തവാര് ബെക്കെന്റിന്താര്.