മര്‌ക്കോസു 16:6 - സാമി സേദി

⁶ <<അഞ്ചദേന്, കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ്‌നാത്തെ നിമ്മ പരാക്ക്‌ന്റ്‌റ് എന്റ് എനാക്ക് തെരിന്റ്. അയാള് ഇദ്‌ലില്ലെ, അയാള് ഉജുര്‌ളാഗ്‌നാന്. നിമ്മ ബന്ത് അയാള്‌ന ബെത്ത എ്ഡേന നോഡുനു.

മര്‌ക്കോസു 16:6 ပူးပေါင်းရင်းမြစ်များ

മത്തായി 12:40

ഓന സാമിദാസ് ദൊഡ്ഡ മീന് ബേ്റ്കുളാക്ക് റാവുപഗാല് മൂറു നാള് ഇന്ത പാസെ മന്‌സാനായി പ്‌റാന്തവാന്‌മ് റാവുപഗാല് മൂറു നാള് മണ്ണ്‌കുളാക്ക് ഇര്‌ക്കുവാന്.

മര്‌ക്കോസു 1:24

<<നസറേത്ത്‌ഗാറാന് ഏസ്സേ, നിനാക്ക് എമ്മോഡ എന്ത് കാര്യ? നീ എമാന കെ്ഡിസ്യ ബന്ത്‌റ്‌ന്റായ? നീ ആരെന്റ് എനാക്ക് തെരിമ്. സാമി പട്ട്‌ലിന്ത് ബന്ത പച്ചെപാലഗാന്‌ത്തെ>> എന്റ് അയാള് ദൊഡ്ഡാക്ക് സൊന്നാന്.

മര്‌ക്കോസു 1:27

ഇദ്‌ന കണ്ട് അദ്‌ലിന്ത ആള്‌ഗാളൊട്ടുക്കു അദിസ്യപട്ടാര്: <<ഇദെന്ത്? ഒന്റു പുദ്യ ബുദ്ദിനായ; കെ്ട്ടജാദിഗാള്‌ക്ക് അയാള് അദിഗരത്തോഡ കല്‌പനെ കൊഡുക്കുന്റാന്. അയാള് സൊല്ലുവാദ്‌നെല്ല അയി ജാദി അദേപാസെ കേ്ള്‌ക്ക്‌ന്റ്>> എന്റ് തമാക്ക് തമാക്ക് സൊന്നാര്.

മര്‌ക്കോസു 10:34

അവാര് അയാള്‌ന നാണഗെ്ഡിസിമ് മോന്തേക്ക് തുപ്പിമ്, സാട്ടെവാര്‌ല് അഡിത്ത്‌മ് ഗേന്ത പ്‌റ കൊല്ലുവാര്. ആന അയാള് മൂറാവാദ് നാള് ഉജുര്‌ളാഗുവാന്>>

മര്‌ക്കോസു 14:33

അയാള് പത്ത്‌റോസുനാമ്, ആക്കോവുനാമ്, ഓഗന്നാനാന്‌മ് തന്നോഡ കൂട്ട്യെ്ഡ്‌ത്ത് പോയി ഇത്തെ സങ്കഡപഡ്യാമ് അങ്കലാപ്‌പഡ്യാമ് പ്‌ഡിത്താന്.

മര്‌ക്കോസു 9:15

ഏസ്സ്‌ന സട്ടന കാണ്‌ഗാട്ടി ആള്‌ഗാള് അദിസ്യപട്ട് ഓഡി ബന്ത് ബിനാത്ത്‌നാര്.

ലൂക്കോസു 24:46

<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്,

അപ്പോസുത്തലാര് 2:24

ആന ഏസ്സ്‌ക്ക് ബന്ത സാവുലിന്ത് സാമി ഏസ്സ്‌ന ഉജുര്‌ളാക്ക്‌നാന്. സാവുക്കു ഇര്‌ക്കുവ അദിഗരാത്ത്‌ലിന്ത്‌മ് സാമി അയാള്‌ന ബ്‌ഡ്‌സ്‌നാന്. എന്ത്‌ക്കെന്റ് സൊന്ന സാവു അയാള്‌ന അഡിമെ മാഡി ബെക്ക്യ നോഡുറ്റു, ആന മുഡ്യാലെ.

അപ്പോസുത്തലാര് 4:10

അത്ത്യാന നിമ്മാമ്, ഇസ്‌റവേല് ജനഗാളൊട്ടുക്കുമു ഇദ്‌ന തെരിന്ത്‌റ്‌ക്കുഡൊ. നിമ്മ കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ് ക്‌റ്‌സ്‌ത്ത്‌ന സാമി സാവുലിന്ത് ഉജുര്‌ളാക്ക്‌നാന്. അയി ഏസ്സ് പേര്‌ല്‌ത്തെ ഈ മൊണ്ടി നല്ല മുജുവോഡ നിമ്മ് മുന്നുക്കു നിന്റ് ഇര്‌ന്റാന്.