മര്‌ക്കോസു 16:20 - സാമി സേദി

²⁰ സൊല്ലുപഡി നഡാക്ക്‌ന്റവാര് എല്ലാ എ്ഡെഗാള്‌ക്ക്‌മ് പോയി നല്ല സേദിന സൊന്നാര്. ആണ്ടവാന് അവാര്‌ക്ക് തൊണെ ഇന്താന്. അദ്‌നാലെ അവാര് സൊന്ന നല്ല സേദി സത്ത്യ എന്റ് കാട്ടി കൊഡുക്ക്യ ബേ്ണ്ടി അദിസ്യഗാള് ഗേന്ത് പോന്റാര്.]

മര്‌ക്കോസു 16:20 ပူးပေါင်းရင်းမြစ်များ

മര്‌ക്കോസു 16:19

ഇത്തെ സൊന്ന പ്‌റ ആണ്ടവാന് ഏസ്സ്‌ന സാമി മേലോഗാക്ക് എ്ഡ്‌ത്താന്. സാമ്യോഡൊപ്പ ആള്യ സാമി ബല സാരി ഏസ്സ് കുക്കാന്താന്.

ലൂക്കോസു 1:1

നാന് മദിസി നഡാക്കുവ എന്ന് തേപലോസെ, നമ്മ് പട്ട്‌ല് നഡാന്ത കാര്യഗാള്‌ന പറ്റി എ്ള്‌ദ്യ എഞ്ചോ ആള്‌ഗാള് തമാക്കാഗമാട്ട് ഓരാഡിര്‌ന്റാര്.

ലൂക്കോസു 1:2

ഈ കാര്യഗാള്‌ന മുദാലിന്തെ കണ്ട്‌മ് നല്ല സേദിന പറ്റി സൊല്ലിമ് കൊഡുത്ത സാമി ഗിലാസഗാറാര് നമാക്ക് സൊല്ലി തന്ത പാസെത്തെ അവാര് എ്ള്‌ദിര്‌ക്കുവാദ്.

അപ്പോസുത്തലാര് 14:3

എന്റിന്ത് ഗുഡി പവുലോസുമു ബറ്‌ണവാസ്‌മ് ആണ്ടവാന്‌ന പറ്റി ദയിരത്തോഡ നായ സൊല്ലികൊണ്ടു എഞ്ചോ കാല അദ്‌ല് താനെ ഇന്താര്. ആണ്ടവാന് അവാര്‌ക്ക് അദിസ്യഗാള്‌മ് അഡ്യാളഗാള്‌മ് ഗേവാദ്‌ക്കുള്ള സക്‌തി കൊഡുത്താന്. അത്തെ സാമി തനാക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ തന്ന് സേദിന സത്ത്യ എന്റ് കാട്ട്‌നാന്.

അപ്പോസുത്തലാര് 4:30

നീ കയി നീ്ട്ടി നോയിഗാറാര്‌ന തെ്ള്‌സുഡോമെ. നിന്ന് ഗിലാസാക്ക് സൊല്ലി ബെത്ത്‌റ്‌ക്കുവ ഏസ്സ് പേര്‌ല് അദിസ്യഗാള്‌മ്, അഡ്യാളഗാള്‌മ് ഗേന്ത് കാട്ടുഡോമെ.>>

അപ്പോസുത്തലാര് 5:12

അപ്പോസുത്തലാര്‌നാലെ ആള്‌ഗാള് പട്ട്‌ല് എഞ്ചോ അദിസ്യഗാള്‌മ് അഡ്യാളഗാള്‌മ് നഡാന്ത്‌ദ്. ഏസ്സ്‌ഗാറാര് ഒട്ടുക്കു ഒന്റേ മനേസ്സോഡ സലോമോനുത്തു എന്നുവ മണ്ടഗാത്ത്‌ല് ഒന്റായി കൂഡിന്താര്.

റോമഗാറാര് 15:19

സാമിനിഗാല് സക്‌തില് ദൊഡ്ഡുദൊഡ്ഡ അദിസ്യഗാള്‌മ് അഡ്യാളഗാള്‌മ് ഗേയ ക്‌റ്‌സ്‌ത്ത് എനാന കയിതാങ്ക്‌നാന്. അത്തെ നാന് ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന എര്‌സലേമ്‌ലിന്ത് ഇല്ലൂറിയ ദേസമാട്ട്‌ക്ക് പോയി സൊല്ലി മുഡിത്ത്‌റ്‌ന്റെ.

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

എവുറായാര് 2:3

അത്ത്യാന സാമി നമാന കാപാറ്റിര്‌ക്കുവ ദൊഡ്ഡ കാര്യന ഇന്നിമ് ദൊഡ്ഡ കാര്യല്ല എന്റ് ബെത്തദാന നമാക്ക് എത്തെ തപ്പിസി കഡാക്ക്യ മുഡിമ്? ആണ്ടവാന്‌ത്തെ നമാന കാപാറ്റുവാദ്‌ന പറ്റി മുദാല് സൊന്നാദ്. അദ്‌ന കേ്ട്ടവാര് ഇദ് സത്ത്യത്തെ എന്റ് നമാക്ക് കാട്ടി തന്ത്‌റ്‌ക്ക്‌ന്റാര്.

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.