മര്‌ക്കോസു 16:12 - സാമി സേദി

¹² അദ്‌ക്ക് പ്‌റ റാഡ് സൊല്ലുപഡി നഡാക്ക്‌ന്റവാര് ഊരുക്കു പോയി കൊണ്ട്‌റ്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. ആന മുദാല്‌ല പാസെ കാട്ടാലെ.

മര്‌ക്കോസു 16:12 ပူးပေါင်းရင်းမြစ်များ

മര്‌ക്കോസു 16:14

കഡേഗല പദ്‌നൊണ്ണു സൊല്ലുപഡി നഡാക്ക്‌ന്റവാര്‌മ് തീനി തിന്റ്‌കൊണ്ടു ഇര്‌ക്കാട്ടി ഏസ്സ് അവാര് കണ്ണ്‌ക്ക് കാട്ട്‌നാന്. താന് ഉജുര്‌ളാഗ്‌ന പ്‌റ തനാന കണ്ണാറ കണ്ടവാര് സൊന്നാദ്‌ന അവാര് നമ്പാത്താദ്‌ക്ക്‌മ് അവാര്‌ക്ക് ഇര്‌ക്കുവ മരനെഞ്ച്‌ന കണ്ട്‌മ് ഏസ്സ് അവാര്‌ന നൊഡിന്താന്.

ലൂക്കോസു 9:29

ഏസ്സ് പരേസികൊണ്ട്‌റ്‌ക്കാട്ടി അയാള് മൂഞ്ചി ദിന്‌സ് മാറ്‌റ്റ്. അയാള് ഉഡുപ്പു നേരന പാസെ ബെ്ഡിന്ത് തള്ള്‌ട്ട്.

ഓഗന്നാന് 21:1

അദ്‌ക്ക് പ്‌റ ഏസ്സ് തിവര്യോസു കഡാല് ഓരാത്ത്‌ല് ബെത്ത് തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് പിന്നേമ് കാട്ട്‌നാന്. ഈ ദിന്‌സ്‌ല്‌ത്തെ അയാള് അവാര് കണ്ണ്‌ക്ക് കാട്ട്‌നാദ്:

ഓഗന്നാന് 21:14

അത്തെ ഏസ്സ് സത്തവാര്‌ലിന്ത് ഉജുര്‌ളാഗ്‌ന പ്‌റ തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് കാട്ട്‌നാദ് ഇദ് മൂറാവാദ് ജമ്പ്‌മ്‌ത്തെ.

അപ്പോസുത്തലാര് 1:3

ഏസ്സ് സത്ത പ്‌റ അയാള് നാപ്പദ് നാള് കുളാക്ക് ഏസ്സ് സൊല്ലുപഡി നഡാക്ക്‌ന്റവാര്‌ക്ക് എഞ്ചോ ഗളിഗെ ബെ്ളിപട്ടാന്. താന് ഉജുരോഡ ഇര്‌ക്ക്‌ന്റേനെന്റ് അവാര്‌ക്ക് സന്തേഗപഡാത്ത ദിന്‌സ്‌ല് സൊക്കാന കാട്ടി കൊഡുത്താന്. അത്തെ അവാര് ഏസ്സ്‌ന കണ്ടാര്. അയാള് അവാരോഡ സാമി ആള്യ പോവാദ്‌ന പറ്റി നായ നൊഡിന്താന്.