മര്‌ക്കോസു 15:32 - സാമി സേദി

³² ഇയാള് ക്‌റ്‌സ്‌ത്ത് എന്നുവ ഇസ്‌റവേല്‌ഗാറാര് രാജാവായിന്തദാന കുരുസുലിന്ത് ഇ്റാഗി ബരുഡൊ, അന്നാപ്പ് നമ്മ അയാള്‌ന നമ്പ്‌ല>> എന്റ് അവാര് തമാക്ക് തമാക്ക് സൊന്നാര്. അയാളോഡൊപ്പ കുരുസുക്കു സേത്തി ആണി അഡിത്തവാര്‌മ് അയാള്‌ന നാണഗെ്ഡ്‌സ്‌നാര്.

മര്‌ക്കോസു 15:32 ပူးပေါင်းရင်းမြစ်များ

മത്തായി 1:17

അത്തെ തലെകെ്ട്ട്‌ഗാള് മൊത്ത അവുറഗാമ് കാല്‌കെ്ളേലിന്ത് ദാവീദ് കാല്‌കെ്ളെ മാട്ട്‌ക്ക് പദ്‌നാല്‌മ്, ദാവീദ് കാല്‌കെ്ളേലിന്ത് ബാവിലോണുഗാറാര് ഇസ്‌റവേല്‌ഗാറാര്‌ന പ്‌ഡിത്ത് പോന കാല മാട്ട്‌ക്ക് പദ്‌നാല്‌മ് ബാവിലോണുഗാറാര് അവാര്‌ന പ്‌ഡിത്ത് പോന കാലാത്ത്‌ലിന്ത് ക്‌റ്‌സ്‌ത്ത് മാട്ട്‌ക്ക് പദ്‌നാല്‌മ്‌ത്തെ.

മത്തായി 27:42

<<അയാള് ബേ്റെ ആള്‌ഗാള്‌നെല്ല കാപാറ്റ്‌നാന്. ആന തനാന കാപാറ്റ്യ മുഡിവാദില്ലെ. അയാള് ഇസ്‌റവേല്‌ഗാറാര് രാജാവായിന്തദാന ഇന്നാല് കുരുസുലിന്ത് ഇ്റാഗി ബരുഡൊ. അന്നാപ്പ് എമ്മ അയാള്‌ന നമ്പ്‌ന്റേമ്.

മത്തായി 27:44

അദേപാസെ ഏസ്സോഡൊപ്പ കുരുസുക്കു സേത്തി ആണി അഡിത്ത ത്‌റ്‌ട്ടാര്‌മ് അയാള്‌ന നാണഗെ്ഡ്‌സ്‌നാര്.

മര്‌ക്കോസു 15:26

ഏസ്സ് ഗേന്ത കുറ്റ എന്ത് എന്റ് കാട്ട്യ <<എഗുദാര് രാജാവു>> എന്റ് എ്ള്‌ദിര്‌ക്കുവ ഒന്റു എ്ള്‌ത്ത്‌ന കുരുസുക്കു മേല് ബെത്തിന്താര്.

മര്‌ക്കോസു 15:27

അവാര് റാഡ് ത്‌റ്‌ട്ടാര്‌ന ഒരുത്താന്‌ന ഏസ്സ്‌ക്ക് ബലസാരിമ് ഒരുത്താന്‌ന ഏസ്സ്‌ക്ക് ഇ്ഡസാരിമ് ബെത്ത് ഏസ്സോഡൊപ്പ കുരുസുക്കു സേത്തി ആണി അഡിത്താര്.

ഓഗന്നാന് 1:49

അദുക്കുള നദനെയേല്: <<ഗുരുവെ, നീ സാമിമഗാന്, നീ ഇസ്‌റവേല്‌ഗാറാര് രാജാവുത്തെ>> എന്റ് സൊന്നാന്.

ഓഗന്നാന് 12:13

അവാര് പേരീസ് പുല്ലു എ്ഡ്‌ത്ത് ബന്ത് ഏസ്സ്‌ന ബരവളിക്ക്യ പോയി: <<ഓസാന! <ആണ്ടവാന് പേര്‌ല് ബന്റവാന് ബാഗ്യകേ്ട്ടവാന്!> ഇസ്‌റവേല് രാജാവു ബാഗ്യകേ്ട്ടവാന്>> എന്റ് സൊല്ലി ആലാത്താര്.

റോമഗാറാര് 3:3

എഗുദാര്‌ല് ലേസ ആള്‌ഗാള് നമ്പാത്താദ്‌നാലെ സാമിമ് താന് സൊന്ന ബാക്ക്‌ന തവാറ്‌സി നമ്പ്യ മുഡ്യാത്താവാന് ആവാന?

2 തിമിത്തോസു 2:18

അവാര് നേരാന കാര്യഗാള്‌ന പഡുസുവാദ്‌ന തെ്റിന്ത് തള്ളി നഡാക്ക്‌ന്റാര്. സാമി സത്തവാര്‌ന മുദാല് താനെ ഉജുര്‌ളാക്ക്‌നാനെന്റ് അവാര് പഡിസികൊണ്ടു ലേസ ആള്‌ഗാള് നമ്പിക്കേന ഇല്ലാദെ മാഡ്‌ന്റാര്.