മര്‌ക്കോസു 15:16 - സാമി സേദി

¹⁶ പട്ടളഗാറാര് ഏസ്സ്‌ന കോട്ടെ കുളാക്ക് ഇര്‌ക്കുവ കളാക്ക് എ്ഡ്‌ത്ത് പോനാര്. പ്‌റ അവാര് അദ്‌ലിന്ത പട്ടളഗാറാര്‌ന ഒട്ടുക്കു ബ്‌ളിത്ത് ബര്‌സ്സ്‌നാര്.

മര്‌ക്കോസു 15:16 ပူးပေါင်းရင်းမြစ်များ

മത്തായി 26:3

അയി നാള് എഗുദാര് പൂസാരി തലെവാര്‌ഗാള്‌മ്, മൂപ്പനാമ്‌ഗാള്‌മ്, എഗുദാര് ദൊഡ്ഡ പൂസാരി കയ്യപ്പാവു ബീ്ഡ്‌ല് കൂട്ട കൂഡുനാര്.

മര്‌ക്കോസു 15:17

അവാര് അയാളക്ക് സോരെ ന്‌റാമ് നീല ന്‌റാമ് കലാന്ത്‌റ്‌ക്കുവ ഒന്റു ജൊഗെന ഇക്ക്‌സ്‌നാര്. മുള്ളു കൊഡില് താനെ ഒന്റു ഗിര്യാഡ മാഡി അയാള് തലേക്ക് സൂഡുസുനാര്.

ഓഗന്നാന് 18:28

റാവെ താനെ എഗുദാര് തലെവാര്‌ഗാള് ഏസ്സ്‌ന കയ്യപ്പാവു പട്ട്‌ലിന്ത് നാഡ് തലെവാന് കോട്ടേക്ക് എ്ഡ്‌ത്ത് പോനാര്. ആന അവാര് തമ്മ് സട്ട്‌മെ്ട്ട്‌പഡി അയിത്ത്യ പഡാദിര്‌ക്ക്യ ബേ്ണ്ടി കോട്ടെ കുളാക്ക് പോഗാലെ. എന്ത്‌ക്കെന്റ് സൊന്ന അയിത്തപഡാത്തവാര് ആയിന്താത്തെ പെസഗെ സാപ്പാഡ് തിന്ന്യ മുഡിമ്.

ഓഗന്നാന് 18:33

പീലത്തോസു പിന്നേമ് കോട്ടെ കുളാക്ക് പോയി ഏസ്സ്‌ന ബ്‌ളിത്ത് ബരിസ്സി: <<നീ എഗുദാര് രാജാവ?>> എന്റ് കേ്ട്ടാന്.

ഓഗന്നാന് 19:2

പട്ടളഗാറാര് മുള്ളു കൊഡില് താനെ ഒന്റു ഗിര്യാഡ മാഡി അയാള് തലേക്ക് സൂഡുസി സോരെ ന്‌റാമ് നീല ന്‌റാമ് കലാന്ത്‌റ്‌ക്കുവ ഒന്റു ജൊഗെന അയാള്‌ക്ക് ഇക്ക്‌സ്‌നാര്.

ഓഗന്നാന് 19:9

അയാള് പിന്നേമ് കോട്ടെ കുളാക്ക് പോയി: <<നീ ഏദ്‌ലിന്ത് ബന്റായി?>> എന്റ് ഏസ്സ്‌ന കേ്ട്ടാന്. അദുക്കുള ഏസ്സ് ഒന്റുമു സൊല്ലാദിന്താന്.

അപ്പോസുത്തലാര് 10:1

കയിസര്യാല് കൊറ്‌ന്നല്ലോസു എന്നുവ ഒന്റു പട്ടള തലെവാന് ഇന്തിന്താന്. അയാള് റോമ പട്ടളാത്ത്‌ല് <<ഇത്താലിഗ>> എന്റ് സൊല്ലുവ ഒന്റു പട്ടള കൂട്ടാത്ത്‌ല തലെവാര്‌ഗാള്‌ല് ഒരുത്താന് ആയിന്താന്.