മര്‌ക്കോസു 13:26 - സാമി സേദി

²⁶ അദ്‌ക്ക് പ്‌റ മന്‌സാനായി പ്‌റാന്തവാന് മ്‌ഗ്‌ന്ത സക്‌ത്യോഡാമ് മദ്‌പ്പോഡാമ് മഞ്ച്‌ല് ബരുവാദ്‌ന അവാര് കാണുവാര്.

മര്‌ക്കോസു 13:26 ပူးပေါင်းရင်းမြစ်များ

ബെ്ളിപട്ട കാര്യ 1:7

ഇദാ നോഡുനു, അയാള് മഞ്ച്‌ല് ബന്റാന്, എല്ലാവാര്‌മ് അയാള്‌ന കാണുവാര്, അയാള്‌ന കുത്തുനവാര് ഗുഡി അയാള്‌ന കാണുവാര്, ബൂമിലിര്‌ക്കുവ എല്ലാ ആള്‌ഗാള്‌മ് അയാള്‌ന സൊല്ലി ദൊഡ്ഡാദ്‌ക്ക് അഗാറുവാര്. അദ് അത്തെ താനെ നഡാക്കുഡൊ. ആമേന്.

മര്‌ക്കോസു 14:62

<<നാന്‌ത്തെ; മന്‌സാനായി പ്‌റാന്തവാന് എല്ലാ ബിലാമ് ഇര്‌ക്കുവ സാമി ബല സാരി കുക്കാന്ത് ആളുവാദ്‌നാമ് ബാന്‌മേലെ മഞ്ച്‌ക്കേ്റി ബരുവാദ്‌നാമ് നിമ്മ കാണുവുറു>> എന്റ് ഏസ്സ് സൊന്നാന്.

മത്തായി 24:30

അയി ഗളിഗെ മന്‌സാനായി പ്‌റാന്തവാന് ബാന്‌ലിന്ത് ബരുവ അഡ്യാളഗാള് കാട്ട്‌മ്. അയി സമ്യ ഉലഗാത്ത്‌ല എല്ലാ ജാദിഗാള്‌മ് നെഞ്ച്‌നമാര്‌ന അഡിത്ത് കൊണ്ടു അഗാറുവാര്. അത്തെ മന്‌സാനായി പ്‌റാന്തവാന് മഞ്ച്‌ല് സക്‌ത്യോഡാമ് നോഡ്യ മുഡ്യാത്ത ബെ്ള്‌സത്തോഡാമ് ബരുവാദ്‌ന അവാര് കാണുവാര്.

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

മത്തായി 25:31

<<മന്‌സാനായി പ്‌റാന്തവാന് തന്ന് മദ്‌പ്പ്‌ല് എല്ലാ സാമിദൂദാരോഡ ബര്‌ഗാട്ടി തന്ന് മദ്‌പ്പിര്‌ക്കുവ കുറിഞ്ചിക്ക് കുക്കാക്കുവാന്.

മര്‌ക്കോസു 8:38

ഇന്നാല്‌ല ആള്‌ഗാള് കണ്ടപഡിക്ക് പാവ ഗേന്ത് കൊണ്ടു നഡാക്ക്‌ന്റാര്. ഈ കാലാത്ത്‌ല് ആരാറ്റ എനാന പറ്റ്യൊ എന്ന് സൊല്ലുസുലാക്കന പറ്റ്യൊ നാണപട്ടദാന മന്‌സാനായി പ്‌റാന്തവാന് തന്ന് അപ്പാന് തന്ത മദ്‌പ്പ്‌ല് സാമിദൂദാരൊപ്പ ബര്‌ഗാട്ടി അവാര്‌ന നെനേത്ത് നാണപഡുവാന്.>>

1 തെസെലോനിക്ക്യഗാറാര് 4:16

ആണ്ടവാന് അമ്‌സാത്തോഡ സൊല്ലുവ കല്‌പനോഡാമ് മുക്ക്യമാന ദൂദാന് മാഡുവ ജദ്ദത്തോഡാമ് സാമി ആലാക്കുവ ആലാപ്പോഡാമ് മേലോഗാത്ത്‌ലിന്ത് ഇ്റാഗി ബരുവാന്. അദുക്കുള ക്‌റ്‌സ്‌ത്ത്‌ന നമ്പി സത്തവാര് മുദാല് ഉജുര്‌ളാഗുവാര്.

അപ്പോസുത്തലാര് 1:11

<<അല, ഗലീലഗാറാരെ, നിമ്മ ബാന്‌ല് എന്ത്‌ന നോഡി നിന്റ് ഇര്‌ക്ക്‌ന്റ്‌റ്? നിമ്മ് പട്ട്‌ലിന്ത് ഏസ്സ്‌ന മേലോഗാക്ക് എ്ഡ്‌ത്താര്. അയാള് മേലോഗാക്ക് പോവാദ്‌ന നിമ്മ കണ്ട പാസെ അയാള് തിരിഗിമ് ബരുവാന്.>>

മത്തായി 16:17

ഏസ്സ് അയാള്‌ക്ക്: <<ഓന മഗാന് സീമോനെ, നീ ബാഗ്യകേ്ട്ടവാന്. മന്‌സാനല്ല ഇദ്‌ന നിനാക്ക് സൊല്ലി തന്താദ്, മേലോഗാത്ത്‌ല എന്നപ്പാന്‌ത്തെ ഇദ്‌ന നിനാക്ക് സൊല്ലി തന്താദ്.

മത്തായി 16:28

ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് മന്‌സാനായി പ്‌റാന്തവാന് തന്ന് നാഡ്‌ക്ക് ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ.>>

മര്‌ക്കോസു 9:1

ഏസ്സ് അവാര്‌ക്ക്: <<ഇദ്‌ല് നിന്റ്‌റ്‌ന്റവാര്‌ല് ലേസ ആള്‌ഗാള് സാമി ആളുവാദ് സക്‌ത്യോഡ ബരുവാദ്‌ന കാണമാട്ട്‌ക്ക് സാഗമാട്ടാര് എന്റ് നാന് സത്ത്യമായി നിമാക്ക് സൊന്റെ>> എന്റ് സൊന്നാന്.

ലൂക്കോസു 21:27

അദുക്കുള മന്‌സാനായി പ്‌റാന്തവാന് സക്‌ത്യോഡാമ് അദിഗരത്തോഡാമ് നോഡ്യ മുഡ്യാത്ത ബെ്ഡിപ്പോഡാമ് മഞ്ച്‌ല് ബരുവാദ്‌ന അവാര് കാണുവാര്.

2 പത്ത്‌റോസു 1:16

നമ്മ് ആണ്ടവാന് ഏസ്സ് ക്‌റ്‌സ്‌ത്ത് സക്‌തിന പറ്റിമ് അയാള് ബരുവാദ്‌ന പറ്റിമ് നിമാക്ക് സൊല്ലുഗാട്ടി ബുദ്ദ്യോഡ കദെ ബെക്ക്യ ബേ്ണ്ടി ബെത്ത കദെഗാള്‌ന ബെത്തല്ല സൊന്നാദ്. അദ്‌ക്ക് ബദ്‌ല അയാള് മദ്‌പ്പ്‌ന കണ്ണാറ കണ്ടവാരായിത്തെ സൊന്നാദ്.