മര്‌ക്കോസു 11:25 - സാമി സേദി

²⁵ നിമ്മ പരേസ്യ നിന്റ്‌റ്‌ക്കാട്ടി ഏവരാറ്റോഡ എന്താറ്റ മനേസ്സ്‌ല് ഇന്തദാന അയാള്‌ന നിമ്മ പൊറുത്തു ബ്‌ഡ്‌ഡൊ. അന്നാപ്പ് മേലോഗാത്ത്‌ലിര്‌ക്കുവ നിമ്മ് അപ്പാന്‌മ് നിമ്മ് പാവഗാള്‌ന പൊറുക്കുവാന്.>>

മര്‌ക്കോസു 11:25 ပူးပေါင်းရင်းမြစ်များ

കൊലേസ്യഗാറാര് 3:13

ആര് എന്തെല്ല ഗേന്താല്‌മ് അദ്‌ന നിമ്മ താങ്ക്‌ന്റവാരായി ഇര്‌ന്, എന്തൊന്റു കുറ്റഗാള് ഇന്തദാന ആണ്ടവാന് നിമാന പൊറുത്ത പാസെ നിമ്മാമ് ആങ്കീങ്ക് പൊറുത്തിര്‌ന്.

എപസോസുഗാറാര് 4:32

ഇദ്‌ഗാള്‌നെല്ല തള്ളി നിമ്മ ഗേന്ത കുറ്റഗാള്‌നെല്ല സാമി ഏസ്സ് ക്‌റ്‌സ്‌ത്ത്‌ന ബെത്ത് പൊറുത്തു തന്ത പാസെ നിമ്മാമ് ബേ്റ്‌വേന്റവാരായി ഗവപട്ട് അഡ്‌ത്തവാര് ഗേവ കുറ്റാന പൊറുത്തു നഡാന്.

ലൂക്കോസു 6:37

<<നിമ്മ ആര്‌നാമ് കുറ്റ സൊല്ലി ബിദിക്കാദേന്. അന്നാപ്പ് സാമി നിമാനാമ് ബിദിക്കമാട്ടാന്. ആര്‌നാമ് ദെ്ണ്ടിക്കാദേന്, അന്നാപ്പ് സാമി നിമാനാമ് ദെ്ണ്ടിക്കമാട്ടാന്. അഡ്‌ത്തവാര് കുറ്റ ഗേഗാട്ടി നിമ്മ പൊറുത്തിര്‌ന്. അന്നാപ്പ് സാമിമ് നിമ്മ കുറ്റ ഗേഗാട്ടി പൊറുക്കുവാന്.

മത്തായി 6:12

അഡ്‌ത്തവാര് എമാക്ക് ഗേന്ത പാവഗാള്‌ന എമ്മ പൊറുത്ത പാസെ എമ്മ ഗേന്ത പാവഗാള്‌നാമ് പൊറുക്കുഡോമെ.

മത്തായി 5:23

അദ്‌നാലെ നീ നേര്‌സെ കൊഡുക്ക്യ ബേ്ണ്ടി പലി കൊഡുക്കുവ മദ്‌ല് പട്ട്‌ക്ക് പോഗാട്ടി നിന്നോഡ ആരാറ്റ്‌ക്ക് മൊനെ ഇര്‌ക്ക്‌ന്റ് എന്റ് അദ്‌ല് ബെത്ത് നിനാക്ക് നെനേവു ബന്തദാന,

ആക്കോവു 2:13

അത്തെ ഇന്ന്യൊന്റൊരുത്താന് പാവ ഗേവാദ്‌ന കാണ്‌ഗാട്ടി നീയിമ് ഗവപട്ട് നായനൊഡിവദാന സാമി നിനാനാമ് ഗവപഡുവാന്. ഗവ പട്ട ബിദിമ് ദൂളു പറാക്കൂ.

മത്തായി 6:5

<<നിമ്മ പരേസ്‌ഗാട്ടി ബക്‌തിഗാറാരായി നഡിക്ക്‌ന്റവാര്‌ന പാസെ പരേസദേന്. അവാര് ആള്‌ഗാള് കാണ്യ ബേ്ണ്ടി എഗുദാര് പരേസുവ ബീ്ഡ്‌ഗാള്‌ല്‌മ് നഡ്‌ബീദിഗാള്‌ല്‌മ് നിന്റ് കൊണ്ടു പരേസ്യ ആസെപഡ്‌ന്റാര്. അദുക്കുള്ള കൂലി അവാര്‌ക്ക് കെ്ഡേത്ത്‌ദ് എന്റ് നാന് സത്ത്യമായി നിമാക്ക് സൊന്റെ.

ലൂക്കോസു 18:11

പരിസാന് അലാക്ക നിന്റ് കൊണ്ടു ഇത്തെ പരേസ്‌നാന്: <ദെയിവമേ, നാന് പ്‌ഡിങ്കിപറ്‌ത്ത് എ്ഡ്‌ക്ക്‌ന്റവാര്‌ന പാസേഗൊ, കേ്ഡ്‌ഗെ്ട്ടവാര്‌ന പാസേഗൊ, ബേസ്യാഡ്‌ന്റവാര്‌ന പാസേഗൊ, ഈ കന്ത്യ കെ്ട്ടുവ കാസ് പിരിക്ക്‌ന്റവാന്‌ന പാസേഗൊ അല്ലത്താദ്‌നാലെ നാന് നിനാക്ക് നണ്ണി സൊന്റെ.

ബെ്ളിപട്ട കാര്യ 11:4

ബൂമിക്ക് ആണ്ടവാന് ആയിര്‌ക്ക്‌ന്റവാന് മുന്നുക്കു നിന്റ്‌റ്‌ക്കുവ റാഡ് ഒലിവു മരഗാള്‌മ് റാഡ് നിലബ്‌ളാക്ക്‌ഗാള്‌മ്‌ത്തെ അവാര്.

ലൂക്കോസു 18:13

ആന കന്ത്യ കെ്ട്ടുവ കാസ് പിരിക്ക്‌ന്റവാന് ദൂരാത്ത്‌ലിന്ത് കൊണ്ടു മേലോഗന നോഡ്യ ഗുഡി നെനേക്കാദെ ദുക്കപട്ട് കൊണ്ടു: <ദെയിവമേ, പാവ ഗേന്ത് നഡാക്കുവ എനാന നീ ഗവപഡുഡോമെ> എന്റ് സൊന്നാന്.