മര്‌ക്കോസു 11:12 - സാമി സേദി

¹² മറ്‌നാള് ഏസ്സ്‌മ് സൊല്ലുപഡി നഡാക്ക്‌ന്റവാര്‌മ് ബെദന്യാലിന്ത് തിരിഗി ബര്‌ഗാട്ടി ഏസ്സ്‌ക്ക് പജി പ്‌ഡിത്ത്‌ദ്.

മര്‌ക്കോസു 11:12 ပူးပေါင်းရင်းမြစ်များ

മത്തായി 4:2

അദ്‌ല് ഏസ്സ് റാവുപഗാല് നാപ്പദ് നാള് തീനി തിന്നാത്ത പരേസ പരേസ്‌നാന്. അദ്‌ക്ക് പ്‌റ ഏസ്സ്‌ക്ക് പജി പ്‌ഡിത്ത്‌ദ്.

മര്‌ക്കോസു 11:13

എലെ തുമ്പ ഇര്‌ക്കുവ ഒന്റു അത്തി മര ദൂരാത്ത്‌ല് ഇര്‌ക്കുവാദ്‌ന ഏസ്സ് കണ്ടാന്. മരാത്ത്‌ല് അത്തി പഗ ഇര്‌ക്ക്‌മ് എന്റ് നെനേത്ത് അയാള് അര്‌ഗെ പോനാന്. ആന അദ് അത്തി പഗ ഗളിഗെ അല്ലത്താദ്‌നാലെ എലെ അല്ലാദെ അയി മരാത്ത്‌ല് ഒന്റുനാമ് കാണാലെ.

മര്‌ക്കോസു 11:20

മറ്‌നാള് റാവെ താനെ അവാര് പോഗാട്ടി സാപ്പ ഇക്ക്‌ന അത്തി മര ബേരോഡ ഉണാന്ത് തള്ള്‌നാദ്‌ന അവാര് കണ്ടാര്.

ലൂക്കോസു 4:2

അദ്‌ല് നാപ്പദ് നാള് സെയിത്താന് ഏസ്സ്‌ന സോദണെ ഗേന്താന്. അയി നാപ്പദ് നാള് അയാള് ഒന്റുമു തിന്നാലെ. നാപ്പദ് നാള് കളിന്ത പ്‌റ അയാള്‌ക്ക് പജി പ്‌ഡിത്ത്‌ദ്.

ഓഗന്നാന് 19:28

അദ്‌ക്ക് പ്‌റ എല്ലാ കാര്യഗാള്‌മ് നഡാന്ത് മുഡിന്ത്‌ദ് എന്റ് ഏസ്സ്‌ക്ക് തെരിന്ത്‌ദ്. അദ്‌നാലെ സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവാദ് അദേപാസെ നഡാക്ക്യ ബേ്ണ്ടി: <<എനാക്ക് നീരറാക്കെ എ്ഡ്‌ക്ക്‌ന്റ്>> എന്റ് സൊന്നാന്.

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.