മര്‌ക്കോസു 10:43 - സാമി സേദി

⁴³ ആന നിമ്മ അവാര്‌ന പാസെ ആയ പാങ്കില്ലെ. നിമാക്ക് ആര്‌ക്കാറ്റ ദൊഡ്ഡവാനായ ആസെ ഇന്തദാന അയാള് എല്ലാര്‌ക്ക്‌മ് ഗിലാസഗാറാന് ആയിര്‌ക്കുഡൊ.

മര്‌ക്കോസു 10:43 ပူးပေါင်းရင်းမြစ်များ

ലൂക്കോസു 14:11

തനാന താനെ ദൊഡ്ഡവാന് മാഡ്‌ന്റവാന്‌ന സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന ദൊഡ്ഡവാന് മാഡുവാന്.>>

മര്‌ക്കോസു 9:35

ഏസ്സ് കുക്കാന്ത പ്‌റ പന്നന്റ് സൊല്ലുപഡി നഡാക്ക്‌ന്റവാര്‌നാമ് ബ്‌ളിത്ത്: <<ഒന്റൊരുത്താന് മുമ്പാനായിര്‌ക്ക്യ ആസെപട്ട, എല്ലാ ആള്‌ഗാള്‌നാമ് തനാക്ക് ബ്‌ഡ ദൊഡ്ഡുദൊഡ്ഡവാരായി നെനേക്കുഡൊ. അദ്‌താനെ അല്ല അയാള് എല്ലാ ആള്‌ഗാള്‌ക്ക്‌മ് ഗിലാസഗാറാന് ആയിര്‌ക്കുഡൊ>> എന്റ് സൊന്നാന്.

ലൂക്കോസു 9:48

എന്റിന്ത് ഇത്തെ സൊന്നാന്: <<എന്ന് പേര്‌ല് ഈ സ്‌ന്ന മഗാന തങ്കാരിത്തദാന എനാന തങ്കാരിത്താദ്‌ക്ക് സമാത്തെ. അദേപാസെ എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്. നിമ്മ് കൂട്ടാത്ത്‌ല് മ്‌ഗ്‌ന്ത തണിമോഡ നഡാക്ക്‌ന്റവാന്‌ത്തെ നേര്‌മായിമ് ദൊഡ്ഡവാന്.>>

റോമഗാറാര് 12:2

ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

ഗലാത്ത്യഗാറാര് 5:13

ഏസ്സ്‌ഗാറാരാന എന്ന് എ്ണേവുഗാറാരെ, നിമ്മ ആങ്കീങ്ക് സീവാന്‌ബെത്ത് കയിതാങ്കി നഡാക്ക്യ ബേ്ണ്ടി സട്ടഗാള്‌ക്ക് അഡിമ്യായിന്ത നിമാന അയി അഡിമേലിന്ത് ഏസ്സ് ക്‌റ്‌സ്‌ത്ത് ബ്‌ഡ്‌സ്‌നാന്. അത്തെ ഇര്‌ക്കുവ നിമ്മ ഇന്നി സരിഗലസുഗാക്ക് ബേ്ണ്ടി പാവ ഗേഗാദേന്.

ഓഗന്നാന് 18:36

അദ്‌ക്ക് ഏസ്സ്: <<നാന് ആളുവ നാഡ് ഈ ഉലഗാക്ക് പട്ടാദല്ല, നാന് ആളുവ നാഡ് ഈ ഉലഗാക്ക് പട്ടാദ് ആയിന്തദാന എനാന എഗുദാര് കയിക്ക് കൊഡുക്കാദിര്‌ക്ക്യ ബേ്ണ്ടി എന്ന് ഗിലാസഗാറാര് എനാക്ക് ബേ്ണ്ടി ജുദ്ദ ഗേന്ത്‌റ്‌ക്കുവാര്. ആന നാന് ആളുവ നാഡ് ഈ ഉലഗാക്ക് പട്ടാദല്ല>> എന്റ് സൊന്നാന്.

ലൂക്കോസു 18:14

നാന് നിമാക്ക് ഒറേപ്പായി സൊന്റെ, കന്ത്യ കെ്ട്ടുവ കാസ് പിരിക്ക്‌ന്റവാന് സാമി കണ്ണ്‌ക്ക് നേര്‌മെഗാറാനായി ബീ്ഡ്‌ക്ക് പോനാന്. പരിസാന് അത്ത്യല്ല. തനാന താനെ ദൊഡ്ഡവാന് മാഡ്‌ന്റവാന്‌ന സാമി സ്‌ന്നവാന് മാഡുവാന്. തനാന താനെ സ്‌ന്നവാന് മാഡ്‌ന്റവാന്‌ന സാമി ദൊഡ്ഡവാന് മാഡുവാന്.>>

മര്‌ക്കോസു 10:42

ഏസ്സ് അവാര്‌നെല്ല അര്‌ഗെ ബ്‌ളിത്ത് ഇത്തെ സൊല്ലി കൊഡുത്താന്: <<തമാക്ക് തലെവാര്‌ഗാള് എന്റ് നെനേക്കുവ ലേസ ആള്‌ഗാള് എഗുദാര് അല്ലാത്ത ഒന്റൊന്റു ജാദിഗാള്‌ക്ക് ഇര്‌ക്ക്‌ന്റാര്. അയി തലെവാര്‌ഗാള് തമ്മ് സൊല്ലുലു ആള്‌ഗാള് നഡാക്കുഡൊ എന്റ് ആസെപഡ്‌ന്റാര്. അവാര് തമ്മ് എല്ലാ അദിഗരനാമ് ജനഗാള്‌ക്ക് കാട്ട്‌ന്റാര് എന്റ്‌മ് നിമാക്ക് തെരിന്റ്.

മര്‌ക്കോസു 10:44

നിമ്മ് കൂട്ടാത്ത്‌ല് ആരാറ്റ മുമ്പാനായിര്‌ക്ക്യ ആസെപട്ടദാന അയാള് എല്ലാ ആള്‌ഗാള്‌ക്ക്‌മ് അഡിമെ ആയിര്‌ക്കുഡൊ.

ലൂക്കോസു 22:26

ആന നിമ്മ അത്തെ ഗേഗാദേന്, നിമ്മ് കൂട്ടാത്ത്‌ല് ദൊഡ്ഡവാന് സ്‌ന്നവാന്‌ന പാസേമ് തലെവാനായിര്‌ക്ക്‌ന്റവാന് ഗിലാസഗാറാന്‌ന പാസേമ് ആയിര്‌ക്കുഡൊ.