മര്‌ക്കോസു 10:30 - സാമി സേദി30 ഈ ലോഗാത്ത്‌ല് താനെ ബ്‌ട്ട്‌തള്ള്‌നാദ്‌ന ബ്‌ഡ അളാവുക്കു മീ്റി കാഡ്‌ബീഡ്‌ഗാള്‌മ്, അണ്ണാര്‌തമ്പ്യാര്‌ഗാള്‌മ്, അക്ക്യാര്‌തങ്ക്യാര്‌ഗാള്‌മ്, അവ്വ്യപ്പനാമ്‌ഗാള്‌മ്, മക്കാള്‌ഗാള്‌മ് കെ്ഡേക്ക്‌മ്. അദ്‌ക്കൊപ്പ കജട്ടഗാള്‌മ് അവാര്‌ക്ക് ഇര്‌ക്കുവു. ഇന്നി ബരുവ ഉലഗാത്ത്‌ല് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് അവാര്‌ക്ക് കെ്ഡേക്ക്‌മ്. အခန်းကိုကြည့်ပါ။ |
മര്‌ക്കോസു 10:30
32 ပူးပေါင်းရင်းမြစ်များ
അദ് താനേമല്ല എന്ന് ആണ്ടവാന് ക്‌റ്‌സ്‌ത്ത് ഏസ്സ്‌ന പറ്റി തെരിവാദ്‌ത്തെ എല്ലാദ്‌ക്ക്‌മ് ബ്‌ഡ മ്‌ഗ്‌ന്ത കാര്യ എന്റ് എനാക്ക് തെരിന്താദ്‌നാലെ നാന് മുദാല് ദൊഡ്ഡാദെന്റ് പെരിമെപട്ടിന്ത എല്ലാ കാര്യഗാള്‌നാമ് ഒന്റേപെ്ട്ട് ബെലെ ഇല്ലത്താദെന്റ് നാന് ഇന്നാല്‌മ് കണാക്കാക്ക്‌ന്റെ. ക്‌റ്‌സ്‌ത്ത്‌ന തെര്യ ബേ്ണ്ടി ഈ കാര്യഗാള്‌നെല്ല സണ്ട്‌സളാങ്കെന്റ് നാന് ബീസ്യെ്റിന്തെ.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
ഏസ്സ്‌ന നമ്പുവാദ്‌നാലെ ബരുവ സോദെണെഗാള്‌ന താങ്കുവാദ്‌ക്കുള്ള ദയിര കെ്ഡേസിര്‌ക്ക്‌ന്റവാന് ബാഗ്യഗാറാന്. എന്ത്‌ക്കെന്റ് സൊന്ന കജട്ടഗാള്‌നെല്ല താങ്കി നമ്പിക്കേന ബ്‌ഡാദെ ഒറേത്ത് നില്ല്‌ന്റവാന്‌ക്ക് സാമി നല്ല പെ്ളേപ്പ്‌ന കൊഡുക്കുവാന്. തന്നോഡ സീവാന്‌ബെത്ത് നഡാക്ക്‌ന്റവാര്‌ക്ക് ഈ നല്ല പെ്ളേപ്പ്‌ന കൊഡുക്കുവേന് എന്റ് സാമി സൊല്ലിമ്‌ര്‌ക്ക്‌ന്റാന്.
എഞ്ചോ കജട്ടഗാള്‌ന താങ്ക്‌ന ഇയ്യോവുന പറ്റി നിമ്മ കേ്ട്ട്‌റ്‌ന്റ്‌റല്ല. അഞ്ചൊന്റു കജട്ടഗാള് താങ്ക്‌ന ഇയ്യോവുക്കു കഡേസി ബര കൊഡുത്തു നല്ല പെ്ളേപ്പ്‌ഗാറാന് മാഡ്‌നാനെന്റ്‌മ് നിമാക്ക് തെരിമ്. എന്ത്‌ക്കെന്റ് സൊന്ന കജട്ട പഡ്‌ന്റവാര്‌ന ആണ്ടവാന് അപ്പാര ഗവപഡ്‌ന്റാന്. അദ്‌നാലെത്തെ കജട്ടപാഡ്‌ഗാള് താങ്ക്‌നവാര്‌ന ബാഗ്യഗാറാരെന്റ് സൊല്ലുവാദ്.
ကြော်ငြာတွေ