മര്‌ക്കോസു 10:2 - സാമി സേദി

² അയി സമ്യ ലേസ പരിസാര് അയാള് പട്ട്‌ക്ക് ബന്ത് അയാള്‌ന സിക്ക്‌സ്യ ബേ്ണ്ടി: <<ഒരുത്താന് തന്ന് പെ്ണ്ട്‌ന ബ്‌ഡുവാദ് എഗുദാര് സട്ടപഡി നായഗ?>> എന്റ് കേ്ട്ടാര്.

മര്‌ക്കോസു 10:2 ပူးပေါင်းရင်းမြစ်များ

മത്തായി 15:12

അദുക്കുള സൊല്ലുപഡി നഡാക്ക്‌ന്റവാര് ഏസ്സ് പട്ട്‌ക്ക് ബന്ത്: <<പരിസാര് ഈ നായന കേ്ട്ട് മൊനേക്ക് തെ്ട്ട്‌നാര് എന്റ് നിനാക്ക് തെരിന്ത്‌ദ?>> എന്റ് കേ്ട്ടാര്.

മത്തായി 16:1

അദ്‌ക്ക് പ്‌റ പരിസാര്‌ഗാള്‌മ് സദൂക്ക്യാര്‌മ് ഏസ്സ്‌ന സോദണെ ഗേയ ബേ്ണ്ടി ബന്ത്: <<മേലോഗാത്ത്‌ലിന്ത് ഒന്റു അഡ്യാള എമാക്ക് കാട്ടി തരുഡോമെ>> എന്റ് കേ്ട്ടാര്.

മത്തായി 19:3

ലേസ പരിസാര് അയാള് പട്ട്‌ക്ക് ബന്ത്: <<ഏദൊന്റു കാര്യന സൊല്ലി ഒരുത്താന് തന്ന് പെ്ണ്ട്‌ന ബ്‌ഡുവാദ് എഗുദാര് സട്ടപഡി നായഗ?>> എന്റ് അയാള്‌ന സിക്ക്‌സ്യ ബേ്ണ്ടി കേ്ട്ടാര്.

മത്തായി 22:35

എന്റിന്ത് അവാര്‌ല് ഒന്റു ബേദബാത്ത്യാന് ഏസ്സ്‌ന സോദണെ ഗേന്ത് കൊണ്ടു:

മത്തായി 23:13

<<ബക്‌തിഗാറാരായി നഡിക്കുവ ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് ആയിര്‌ക്ക്‌ന്റവാരെ, നിമാക്ക് എത്ത്‌റ കജട്ട. നിമ്മ ആള്‌ഗാള്‌ന സാമി ആളുവാദ്‌ക്ക് കഡാക്ക്യ ബ്‌ഡുവാദില്ലെ. നിമ്മ സാമി ആള്‌ന്റവാര് ആയ മനേസ്സ് ബെക്കുവാദ്‌മില്ലെ. സാമി ആള്‌ന്റവാര് ആയ ഓരാഡ്‌ന്റവാര്‌ന നിമ്മ അദ്‌ക്ക് ബ്‌ഡുവാദ്‌മില്ലെ.

മത്തായി 9:34

അദുക്കുള പരിസാര്: <<ഇയാള് കെ്ട്ടജാദിഗാള്‌ക്ക് തലെവാനാന ബേല്‌സെവൂലുന ബെത്ത്‌ത്തെ കെ്ട്ടജാദിഗാള്‌ന തട്ടിസിതള്ളുവാദ്>> എന്റ് സൊന്നാര്.

മര്‌ക്കോസു 10:1

ഏസ്സ് അദ്‌ലിന്ത് പ്‌റപട്ട് ഓറ്‌ദ്ദാന് ബാനിക്ക് അക്കരെ ഇര്‌ക്കുവ എഗുദ നാഡ് സാരി പോനാന്. പിന്നേമ് മൊത്തന ആള്‌ഗാള് അയാള് പട്ട്‌ക്ക് ബന്തെജ്ജ്‌നാര്. എന്നാല്‌ക്ക്‌മ് ഗേവ പാസെ താന് അവാര്‌ക്ക് ബുദ്ദിനായ സൊല്ല്യ പ്‌ഡിത്താന്.

മര്‌ക്കോസു 10:3

<<മോസെ നിമാക്ക് എന്ത് സട്ട തന്ത്‌റ്‌ന്റാന്>> എന്റ് ഏസ്സ് അവാര്‌ന കേ്ട്ടാന്.

മര്‌ക്കോസു 8:11

പരിസാര്‌ഗാള് ബന്ത് ഏസ്സോഡ തറ്‌ക്ക്യ പ്‌ഡിത്താര്. അവാര് ഏസ്സ്‌ന സോദണെ ഗേന്ത് കൊണ്ടു <<നീ സാമി പട്ട്‌ലിന്ത് ബന്തവാന് എന്നുവാദ്‌ക്ക് മേലോഗാത്ത്‌ലിന്ത് ഒന്റു അഡ്യാള കാട്ടുഡൊ>> എന്റ് ഏസ്സ്‌ന കേ്ട്ടാര്.

മര്‌ക്കോസു 8:15

ഏസ്സ് അവാര്‌ക്ക്: <<നോഡുനു, പരിസാര്‌ഗാള്‌ത്ത്‌മ് എരോദാവുത്തുമു പുളിത്ത മാവുന സൂസാരിത്തിര്‌ന്>> എന്റ് സൊന്നാന്.

ലൂക്കോസു 11:39

ആന ആണ്ടവാന് അയാള്‌ക്ക്: <<പരിസാരായിര്‌ക്കുവ നിമ്മ പീങ്കഗാള്‌നാമ് ഗളാസ്‌ഗാള്‌നാമ് ബെ്ളിഗെ നലമായി കച്ച്‌ന്റ്‌റ്. ആന എഞ്ച്‌ക്ക് കെ്ഡേത്താല്‌മ് ഇന്നിമ് ഇന്നിമ് ബേ്ഡ്‌മെന്നുവ ആസേമ് എല്ലാ കെ്ട്ട നെനേവുഗാള്‌മ് നിമ്മ് മനേസ്സ്‌ല് തുമ്പിര്‌ക്ക്‌ന്റ്.

ലൂക്കോസു 16:14

പണാക്ക് ബേ്ണ്ടി ദരിത്തനാക്കിക്കുവ പരിസാര് ഇദ്‌നൊട്ടുക്കു കേ്ട്ട് ഏസ്സ്‌ന നാണഗെ്ഡ്‌സ്‌നാര്.

ലൂക്കോസു 5:30

ആന പരിസാര്‌ഗാള്‌മ് അവാര് കൂട്ടാത്ത്‌ല ബേദബാത്ത്യനാമ്‌ഗാള്‌മ് ങ്കൊറുങ്കൊറുത്തു കൊണ്ടു: <<കന്ത്യ കെ്ട്ടുവ കാസ് പിരിക്ക്‌ന്റവാരോഡാമ് പാവ ഗേന്റവാരോഡാമ് ഒന്റായിന്ത് തിന്റ്‌കുഡിക്കുവാദ് എന്ത്‌ക്ക്?>> എന്റ് ഏസ്സ് സൊല്ലുപഡി നഡാക്ക്‌ന്റവാര്‌ക്ക് സാഡി സൊന്നാര്.

ലൂക്കോസു 6:7

ഏസ്സ്‌ന കുറ്റഗാറാന് മാഡ്യ ബേ്ണ്ടി അയാള് ഒയിവു നാള് ആരാറ്റ്‌ന തെ്ള്‌സ്‌ന്റാന ഇല്ലേഗ എന്റ് ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് സൊക്കാന നോഡികൊണ്ടിന്താര്.

ലൂക്കോസു 7:30

ആന ഓഗന്നാന് കയിലിന്ത് നീര്‌ക്ക് മുളുഗാത്ത പരിസാര്‌ഗാള്‌മ് ബേദബാത്ത്യനാമ്‌മ് സാമി ഗേയ നെനേത്തിന്താദ്‌ന തള്ള്‌നാര്.

ഓഗന്നാന് 11:47

അദ്‌നാലെ എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് എഗുദാര് കോഡിദിലവാര്‌ന ഒന്റായി കൂട്ടി ബര്‌സ്സ്‌നാര്. <<നമ്മ എന്ത് ഗേയ? ഈ മന്‌സാന് എഞ്ചോ അദിസ്യമാന അഡ്യാളഗാള് ഗേന്റാനല്ല.

ഓഗന്നാന് 11:57

ആന എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് ഏസ്സ്‌ന പ്‌ഡിക്ക്യ ബേ്ണ്ടി അയാള് ഇര്‌ക്കുവ എ്ഡെന ആര്‌ക്കാറ്റ തെരിന്തദാന അറുവു കൊഡുക്കുഡൊ എന്റ് കല്‌പനെ കൊഡുത്തിന്താര്.

ഓഗന്നാന് 7:32

ആള്‌ഗാള് ഏസ്സ്‌ന പറ്റി ഇത്തെ ആങ്കീങ്ക് പജിക്കിപജിക്കി സൊല്ലുവാദ്‌ന പരിസാര് കേ്ട്ടാര്. അദ്‌നാലെ ഏസ്സ്‌ന പ്‌ഡിക്ക്യ എഗുദാര് പൂസാരി തലെവാര്‌ഗാള്‌മ് പരിസാര്‌ഗാള്‌മ് കാവ കാക്കുവ പട്ടളഗാറാര്‌ന സൊല്ലി ബ്‌ട്ടാര്.

ഓഗന്നാന് 7:48

നമ്മ് അദിഗാരിഗാള്‌ല് ആഡൊ പരിസാര്‌ഗാള്‌ല് ആഡൊ ആരാറ്റ അയാള്‌ന നമ്പിര്‌ന്റാര?

ഓഗന്നാന് 8:6

ഏസ്സ്‌ന പറ്റി കുറ്റ സൊല്ല്യ ബേ്ണ്ടി എന്താറ്റ കെ്ഡേസ്യത്തെ അവാര് ഇത്തെ കേ്ട്ടാദ്. ആന ഏസ്സ് ബഗ്ഗിന്ത് ബിരാല്‌ല് മണ്ണ്‌ക്ക് എ്ള്‌ദി കൊണ്ടിന്താന്.

1 കൊരിന്ത്യഗാറാര് 10:9

ആണ്ടവാന് ദെ്ണ്ടിക്കമാട്ടാന് എന്റ് നെനേത്ത് മറിസി മറിസി പാവ ഗേന്ത് ആണ്ടവാന്‌ന സോദണെ ഗേന്ത് അവാര് പാമ്പ് കൊത്തി സത്ത് തള്ള്‌നാരല്ല. അദേപാസെ നമ്മാമ് ആണ്ടവാന്‌ന സോദണെ ഗേയ പാങ്കില്ലെ.