മര്‌ക്കോസു 10:19 - സാമി സേദി

¹⁹ <കൊലെഗേഗ ബേ്ഡ, ബേസ്യാഡ ബേ്ഡ, ത്‌റ്‌ഡ ബേ്ഡ, കുറ്റഗാറാര് അല്ലത്തവാര്‌ന കുറ്റഗാറാര് എന്റ് സൊല്ല ബേ്ഡ, ബഞ്ചിക്ക ബേ്ഡ, അവ്വ്യപ്പാന്‌ന മദ്‌സുഡൊ എന്റ് ബെത്ത്‌റ്‌ക്കുവ സട്ടഗാള്‌നെല്ല നിനാക്ക് തെരിമല്ല?>>> എന്റ് സൊന്നാന്.

മര്‌ക്കോസു 10:19 ပူးပေါင်းရင်းမြစ်များ

മര്‌ക്കോസു 10:18

അദുക്കുള ഏസ്സ് അയാള്‌ക്ക്: <<നീ എന്ത്‌ക്ക് എനാന നല്ലവാന് എന്റ് സൊന്നാദ്? ആര്‌മ് നല്ലവാരല്ല, സാമി താനെത്തെ നല്ലവാന്.

ലൂക്കോസു 18:20

<ബേസ്യാഡ ബേ്ഡ, കൊലെഗേഗ ബേ്ഡ, ത്‌റ്‌ഡ ബേ്ഡ, കുറ്റഗാറാര് അല്ലത്തവാര്‌ന കുറ്റഗാറാര് എന്റ് സൊല്ല ബേ്ഡ, അവ്വ്യപ്പാന്‌ന മദ്‌സുഡൊ> എന്റ് ബെത്ത്‌റ്‌ക്കുവ സട്ടഗാള്‌നെല്ല നിനാക്ക് തെരിമല്ല>> എന്റ് സൊന്നാന്.

റോമഗാറാര് 13:9

<<ബേസ്യാഡ ബേ്ഡ, കൊലെഗേഗ ബേ്ഡ, ത്‌റ്‌ഡ ബേ്ഡ, കെ്ട്ടാദ്‌ക്ക് ആസെ ബെക്കബേ്ഡ>> എന്നുവ കല്‌പനെഗാള്‌മ് ബേ്റെ എല്ലാ കല്‌പനെഗാള്‌മ് <<നിനാന പാസെ താനെ അഡ്‌ത്തവാര്‌നാമ് സീവാന്‌ബെത്ത് നഡാക്കുഡൊ>> എന്നുവ കല്‌പനേല് അഡാങ്കിര്‌ക്ക്‌ന്റ്.

റോമഗാറാര് 3:20

അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

ഗലാത്ത്യഗാറാര് 4:21

മോസെ ബെത്ത സാമി സട്ടപഡി നഡാക്ക്യ നോഡുന്റവാരെ, നാന് നിമാന ഒന്റു കാര്യ കേ്ള്‌ക്ക്‌ന്റെ: മോസെ ബെത്ത സാമിസട്ട എന്ത് സൊന്റെന്റ് നിമ്മ കേ്ള്‌ക്കാലേഗ?

ഗലാത്ത്യഗാറാര് 5:14

<<നിമ്മ നിമാന സീവാന്‌പഡുവ പാസെ അഡ്‌ത്തവാര്‌നാമ് സീവാന്‌പഡുഡൊ>> എന്റ് സൊല്ലിര്‌ക്കുവ ഒന്റേ ഒന്റു സട്ടപഡി നഡാന്തദാന മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ക്കൊട്ടുക്കു കെ്ട്ട്‌പട്ട് നഡാക്ക്‌ന്റാമ്.

1 തെസെലോനിക്ക്യഗാറാര് 4:6

ഈ കാര്യാത്ത്‌ല് ഏസ്സ്‌ഗാറാര് ആയിര്‌ക്കുവ നിമ്മ് കൂട്ടാത്ത്‌ല ആര്‌ക്ക്‌മ് ഇത്തവ ദിന്‌സ് കെ്ട്ട കാര്യഗാളൊ ബഞ്ചിക്കുവ കാര്യഗാളൊ ഗേഗാദേന്. ഇദ്‌ക്കെല്ല പളി എ്ഡ്‌ക്ക്‌ന്റവാന് ആണ്ടവാന്‌ത്തെ എന്റ് എമ്മ മുദാല് താനെ നിമാക്ക് സൊല്ലിര്‌ക്ക്‌ന്റേമ്.

ആക്കോവു 2:11

<<ബേസ്യാഡ ബേ്ഡ>> എന്റ്‌മ് <<കൊലെഗേഗ ബേ്ഡ>> എന്റ്‌മ് റാഡ് സട്ട ഇര്‌ക്ക്‌ന്റ്. <<നാന് ബേസ്യാഡിര്‌ന്റെ, കൊലെ ഗേഗാലെ താനെ>> എന്റ് സൊന്നാല്‌മ് സാമി സട്ടപഡി നീ കുറ്റഗാറാന്‌ത്തെ.