മര്‌ക്കോസു 10:1 - സാമി സേദി

¹ ഏസ്സ് അദ്‌ലിന്ത് പ്‌റപട്ട് ഓറ്‌ദ്ദാന് ബാനിക്ക് അക്കരെ ഇര്‌ക്കുവ എഗുദ നാഡ് സാരി പോനാന്. പിന്നേമ് മൊത്തന ആള്‌ഗാള് അയാള് പട്ട്‌ക്ക് ബന്തെജ്ജ്‌നാര്. എന്നാല്‌ക്ക്‌മ് ഗേവ പാസെ താന് അവാര്‌ക്ക് ബുദ്ദിനായ സൊല്ല്യ പ്‌ഡിത്താന്.

മര്‌ക്കോസു 10:1 ပူးပေါင်းရင်းမြစ်များ

മത്തായി 26:55

അയി ഗളിഗെ ഏസ്സ് ആള്‌ഗാള്‌ക്ക്: <<ഒന്റു കുറ്റഗാറാന്‌ന പ്‌ഡിക്ക്യ ബന്ത പാസെ ബഡിമ് ബാള്‌മ് എ്ഡ്‌ത്ത് എനാന പ്‌ഡിക്ക്യ നിമ്മ ബന്ത്‌റ്‌ന്റ്‌റ? നാന് സാമിബീ്ഡ്‌ല് ഒപ്പ കുക്കാന്തിന്ത് പഡിസിന്തെ. അദുക്കുളെല്ല നിമ്മ എനാന പ്‌ഡിക്കാലെ.

മത്തായി 4:23

പ്‌റ ഏസ്സ് ഗലീല നാഡ്‌ല് എല്ലാ സാരിമ് പോയി എഗുദാര് പരേസുവ ബീ്ഡ്‌ക്ക്‌റാഗ പഡിസികൊണ്ടുമു സാമി ആളുവ കാലന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലികൊണ്ടുമു ഇന്താന്. അയി ഗളിഗേല് ആള്‌ഗാള് കൂട്ടാത്ത്‌ല് എല്ലാ ദിന്‌സ് നോയി തട്ടിന്തവാര്‌നാമ് ഗെര്‌ഗബ്‌ന്തിന്തവാര്‌നാമ് അയാള് തെ്ള്‌സ്‌നാന്.

മര്‌ക്കോസു 1:21

ഏസ്സ്‌മ് തന്ന് സൊല്ലുപഡി നഡാക്ക്‌ന്റവാര്‌മ് കവറ്‌ണഗൂമു പട്ടണാക്ക് പോനാര്. ഒയിവു നാള് ഏസ്സ് അദ്‌ലിര്‌ക്കുവ എഗുദാര് പരേസുവ ബീ്ഡ്‌ക്ക് പോയി സാമി സേദിന പഡിസിന്താന്.

മര്‌ക്കോസു 10:2

അയി സമ്യ ലേസ പരിസാര് അയാള് പട്ട്‌ക്ക് ബന്ത് അയാള്‌ന സിക്ക്‌സ്യ ബേ്ണ്ടി: <<ഒരുത്താന് തന്ന് പെ്ണ്ട്‌ന ബ്‌ഡുവാദ് എഗുദാര് സട്ടപഡി നായഗ?>> എന്റ് കേ്ട്ടാര്.

മര്‌ക്കോസു 12:35

സാമിബീ്ഡ്‌ല് ഏസ്സ് പഡിസിര്‌ക്കാട്ടി: <<ക്‌റ്‌സ്‌ത്ത് ദാവീദ് കാല്‌ക്ക് പട്ടവാന് എന്റ് ബേദബാത്ത്യനാമ്‌ഗാള്‌ക്ക് എത്തെ സൊല്ല്യ മുഡിമ്?

മര്‌ക്കോസു 14:49

നാന് സാമിബീ്ഡ്‌ല് ഒപ്പ നിമാക്ക് പഡിസി കൊണ്ടിന്തെ. അദുക്കുളെല്ല നിമ്മ എനാന പ്‌ഡിക്കാലെ. ആന സാമി ബൊക്കുലു സൊല്ലിര്‌ക്കുവ പാസെ നഡാക്കുഡല്ല?>> എന്റ് സൊന്നാന്.

മര്‌ക്കോസു 2:13

ഏസ്സ് ഗലീല കഡാലോരമേലെ പിന്നേമ് പോഗാട്ടി ആള്‌ഗാള് ഒട്ടുക്കു അദ്‌ക്ക് ബന്തെജ്ജ്‌നാര്. അയാള് അവാര്‌ക്ക് ബുദ്ദിനായ സൊല്ലി കൊഡുത്തിന്താന്.

മര്‌ക്കോസു 4:2

അയാള് പല കാര്യഗാള്‌നാമ് കദെ ദിന്‌സ്‌ല് സൊല്ലി കൊഡുത്തു പഡിസിന്താന്. പഡിസി കൊണ്ട്‌റ്‌ക്കാട്ടി ഇത്തെ സൊന്നാന്:

മര്‌ക്കോസു 6:2

ഒയിവു നാള് ഏസ്സ് എഗുദാര് പരേസുവ ബീ്ഡ്‌ക്ക് പോയി ആള്‌ഗാള്‌ന പഡിസ്യ പ്‌ഡിത്താന്. അയാള് പഡുസുവ ബുദ്ദിനായന കേ്ട്ട് എഞ്ചോ ആള്‌ഗാള് അദിസ്യപട്ട് പോനാര്. അവാര് ഇത്തെ കേ്ട്ടാര്: <<ഇയാള്‌ക്ക് ഇദെല്ല ഏദ്‌ലിന്ത് കെ്ഡേത്ത്‌ദ്? ഇയാള്‌ക്ക് എത്ത്‌റ ബുദ്ദി? ഇയാള് എത്തെ ഈ അദിസ്യഗാളെല്ല ഗേന്റാന്?

മര്‌ക്കോസു 6:34

ഏസ്സ് തോണിലിന്ത് ഇ്റാഗാട്ട്യെല്ല തനാന കാത്ത്‌കൊണ്ടു ജനഗാള് അദ്‌ലിന്താദ്‌ന അയാള് കണ്ടാന്. മാട്ട്യാനില്ലാത്ത കൊറ്യാഡ്‌ഗാള്‌ന പാസെ ഇര്‌ക്കുവ അവാര്‌ന കണ്ട് ഏസ്സ്‌ക്ക് ബേ്റ്‌വെന്ത്‌ദ്. പല കാര്യഗാള്‌നാമ് അവാര്‌ക്ക് പഡിസ്യ പ്‌ഡിത്താന്.

മര്‌ക്കോസു 6:6

അവാര്‌ക്ക് നമ്പിക്കെ ഇല്ലത്താദ്‌നാലെ ഏസ്സ് അദിസ്യപട്ടാന്. പിന്നെ ഏസ്സ് സുറ്റുമു ഇര്‌ക്കുവ ഊരുഗാള്‌ക്ക് പോയി ആള്‌ഗാള്‌ന പഡിസിന്താന്.

ഓഗന്നാന് 10:40

പ്‌റ ഏസ്സ് ഓറ്‌ദ്ദാന് ബാനിക്ക് അയ്യെ്ട്ടി കഡാന്ത് ഓഗന്നാന് മുദാല് നീര്‌ക്ക് മുളുഗുസിന്ത പട്ട്‌ക്ക് പോയി അദ്‌ല് തങ്ക്‌നാന്.

ഓഗന്നാന് 11:7

പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ക്ക്: <<നമ്മ പിന്നേമ് എഗുദ നാഡ്‌ക്ക് പോഗാന്>> എന്റ് സൊന്നാന്.

ഓഗന്നാന് 18:20

അദുക്കുള ഏസ്സ്: <<നാന് എല്ലാര്‌ക്ക്‌മ് എദ്‌ക്കത്തെ സൊല്ലിര്‌ക്ക്‌ന്റെ, എഗുദാര് പരേസുവ ബീ്ഡ്‌ഗാള്‌ല്‌മ് എല്ലാ എഗുദാര്‌മ് കൂഡുവ സാമിബീ്ഡ്‌ല്‌മ് നാന് ഒപ്പ പഡിസിര്‌ക്ക്‌ന്റെ. ഒളിസിമറേസി ഒന്റുമു സൊല്ലാലെ.